مارکو پولو

مارکو پولو
(اطالوی میں: Marco Polo)
معلومات شخصیت
پیدائش	15 ستمبر 1254ء   وینس
وفات	8 جنوری 1324ء (70 سال)  وینس
شہریت	جمہوریہ وینس
عملی زندگی
پیشہ	تاجر ،  مہم جو ،  سفارت کار ،  سفیر ،  مصنف ،  سیاح ،  کارجو ،  یاداشت نگار
پیشہ ورانہ زبان	وینسی زبان ،  اطالوی
شعبۂ عمل	سفر ،  تجاریات ،  سفارت کاری ،  سفرنامہ

مارکو پولو(1254ء-1324ء) (Marco Polo) وینس، اٹلی کا ایک تاجر اور مہم جو تھا۔ اس نے دنیا کے کئی ملکوں کا سفر کیا اور اپنے مشاہدات کو ایک کتاب میں قلم بند کیا۔

مارکو پولو سے پہلے اس کے باپ اور چچا چین تک سفر کر چکے تھے۔ مارکو پولو ان کے ساتھ دوبارہ چین تک گیا۔ اس وقت چین پر چنگیز خان کے پوتے قبلائی خان کی حکومت تھی۔ قبلائی خان منگول تھا اور اسے چینیوں پر اعتبار نہیں تھا، اس لیے اس نے مارکو پولو کو اپنی ملازمت میں رکھ لیا۔ مارکو 17 سال تک چین میں رہا اور پھر اپنے وطن واپس آ گیا۔

مارکو پولو نے اپنے سفر کے دوران مشرق وسطی اور وسطی ایشیاء کے ملکوں کا سفر بھی کیا۔ چین کے سفر میں وہ شاہراہ ریشم سے گذرا۔ اس کے علاوہ اس نے سمندری سفر بھی کیے۔

مزید دیکھیے

• ابن بطوطہ
• قبلائی خان