چنگیز خان

چنگیز خان
(unsupported language میں: ᠴᠢᠩᠭᠢᠰ ᠬᠠᠭᠠᠨ)،(unsupported language میں: ᠴᠢᠩᠭᠢᠰ ᠬᠠᠭᠠᠨ)،(unsupported language میں: Чингис хаан)
معلومات شخصیت
پیدائشی نام	(unsupported language میں: ᠲᠡᠮᠦᠵᠢᠨ)،  (unsupported language میں: Тэмүжин)
پیدائش	31 مئی 1162ء   ڈیلون بولڈوگ
وفات	18 اگست 1227ء (65 سال)  ینچوان
وجہ وفات	گھوڑے سے گر کر
شہریت	منگول سلطنت
زوجہ	بورتے
اولاد	جوجی خان ،  چغتائی خان ،  اوکتائی خان ،  تولی خان
والد	یسوخئی بہادر
خاندان	بورجگین
دیگر معلومات
پیشہ	عسکری قائد ،  شاہی حکمران
عسکری خدمات
لڑائیاں اور جنگیں	دریائے سندھ کی لڑائی
دستخط

چنگیز خان (انگریزی: Genghis Khan) (تلفظ: /ˈdʒɛŋɡɪs ˈkɑːn/، عام طور پر تلفظ /ˈɡɛŋɡɪs ˈkɑːn/; منگولی: [tʃiŋɡɪs xa:ŋ] ( سنیے)) منگول سردار۔ دریائے آنان کے علاقے میں پیدا ہوا۔ اصلی نام تموجن تھا جس کا مطلب ہے "فولاد جیسا مضبوط"۔

ابتدائی زندگی

1175ء میں، تیرہ برس کی عمر اس کے باپ نے اس کی شادی بورتے سے کر دی، چونکہ شروع ہی سے چنگیز خان نہایت شاہانہ مزاج کا آدمی تھا۔ اس لیے اپنی لیاقت کی بنا پر اسی سال تخت پر متمکن ہوا۔

چنگیز خان کا خطاب

جب 1175ء کو جب وہ اپنے قبیلے کا سردار بنا تو دیگر قبائل سے اس کی چپقلش شروع ہو گئی۔ اس نے تمام قبائل اور حلقوں کو اپنے زیر اثر کرنے کی بھر پور کوشش کی کیونکہ اس وقت منگولیا پر کئی قبائل کی حکومت تھی۔ پھر صورت حال کا جائزہ لینے کے بعد اس نے سب سرداروں کو اکٹھا کیا اور مل کر دیگر علاقوں کو فتح کرنے کا منصوبہ پیش کیا۔ اس مشورے کے بعد وہ بہت مقبول ہو گیا اور دیگر سب سرداروں نے اسے متفقہ طور پر اپنا سردار تسلیم کر لیا اور متفقہ طور پر دریائے آنان کے قریب ایک مجلس میں اسے چنگیز خان کا خطاب بھی دیا۔

منگول سلطنت

چنگیز خان نے باقاعدہ طور پر منگول سلطنت کو ایک مضبوط سلطنت کے طور پر متعارف کروایا، منگول سلطنت کی فوج کی تنظیم نو کے ساتھ ساتھ دیگر اداروں کو بھی مضبوط بنیادوں پر کھڑا کیا۔ اس نے فوج کی تنظیم کے جو اصول مقرر کیے وہ صدیوں تک فوجی ماہروں کے لیے مشعل راہ کا کام دیتے رہے۔ اس نے چین کو دو دفعہ تاراج کیا اور 18۔1214ء میں دو چینی ریاستوں ہیا اور کن پر قبضہ کر لیا۔

وفات

1219ء میں اس کے چند سفیر، جو مختلف ممالک میں بھیجے گئے تھے، قتل ہو گئے۔ اس واقعے نے اس کو تسخیر عالم پر ابھارا اور وہ دنیا کو فتح کرنے کے ارادے سے نکل کھڑا ہوا۔ اسی سال اس نے شمالی چین اور افغان سرحد کے کئی علاقے فتح کیے۔ بخارا اور مرو کے علاقوں کو لوٹا اور ہرات پر قبضہ کر لیا۔ اس کے بعد ترکی اور جنوب مشرقی یورپی ملکوں کا رخ کیا۔ اس کی فوجوں نے جنوبی روس اور شمالی ہند تک یلغار کی۔ 1227ء میں چین پر تیسرے حملے کے دوران میں اس کا انتقال ہو گیا۔

مزید دیکھیے

• فہرست خاقان مغول
• مقبرہ چنگیز خان

بیرونی روابط

• 100 عظیم شخصیات۔ چنگیز خان
• چنگیز خان کے حالات زندگی، جنگوں اور موت کی دلچسپ داستان

حوالہ جات

چنگیز خان خاندان بورجگین (موسم بہار 1206ء — 1635ء) پیدائش: 1162ء وفات: 18 اگست 1227ء
شاہی القاب
ماقبل  ہوتولہ خان	خاماگ منگول 1189ء— موسم بہار 1206ء	خاماگ منگول کا اختتام مغول سلطنت کا آغاز
' اِبتدائے مغول سلطنت	خاقان مغول سلطنت موسم بہار 1206ء — 18 اگست 1227ء	مابعد  تولی خان As regent