پنکج دھیر

پنکج دھیر
(ہندی میں: पंकज धीर)
معلومات شخصیت
پیدائش	9 نومبر 1956ء   کانپور
وفات	15 اکتوبر 2025ء (69 سال)  ممبئی
وجہ وفات	سرطان
طرز وفات	طبعی موت
شہریت	بھارت
اولاد	نکیتن دھیر
عملی زندگی
پیشہ	اداکار ،  ٹیلی ویژن اداکار ،  فلم ہدایت کار ،  فلم اداکار
پیشہ ورانہ زبان	ہندی ،  ملیالم
	IMDB پر صفحات

پنکج دھیر (9 نومبر 1956ء - 15 اکتوبر 2025ء) ایک بھارتی اداکار تھے جو ہندی فلموں اور ٹی وی سیریز میں جلوہ گر ہوئے۔ وہ ٹی وی سیریز مہابھارت میں کرن کے کردار اور چندرکانتا، دی گریٹ مراٹھا، یوگ اور بدھو بہو میں دیگر کرداروں کے لیے جانے جاتے تھے۔ وہ کئی ہندی فلموں میں چھوٹے کرداروں میں نظر آئے، جن میں سڑک، سپاہی اور بادشاہ شامل ہیں۔

ابتدائی زندگی

پنکج دھیر 9 نومبر 1956ء کو کانپور (اتر پردیش ) میں پیدا ہوئے۔ پنکج دھیر کے والد سی۔ ایل۔ دھیر معروف فلم ساز اور ڈائریکٹر تھے، جنھوں نے بالی ووڈ میں کئی فلمیں بنائیں، جن میں اداکارہ گیتابالی کی فلمیں بہو بیٹی (1953ء)، زندگی (1956ء)، آلنگن (1974ء) قابل ذکر ہیں۔ انھوں نے شمی کپور اور نندا کی فلم‘‘راجا صاحب’’ (1969ء) کی کہانی بھی لکھی۔ اپنکج دھیر کے والد سی۔ ایل۔ دھیر نے 1965ء میں دھرمیندر اور گیتا بالی کو لے کر ایک فلم ‘‘رانو’’ بھی بنائی تھی، جس کی شوٹنگ تقریباً مکمل ہو چکی تھی، لیکن بدقسمتی سے فلم کی مرکزی اداکارہ چیچک کے مرض میں انتقالکرگئیں اور گیتا بالی کی یہ آخری فلم ریلیز نہ ہو سکی۔

پیشہ ورانہ زندگی

بچپن سے ہی پنکج ددھیر کا شوق اداکاری اور فلموں کی دنیا سے جڑا ہوا تھا۔ پنکج بھی ابتدا میں اپنے والد کے نقشِ قدم پر چل کرڈائریکٹر یا پروڈیوسر بننا چاہتے تھے، لیکن قسمت نے انھیں اداکاری کی دنیا میں لے آئی۔

انھوں نے 1983ء میں ایک رومانوی فلم بومبے فینٹسی کی ہدایتکاری کی، 1994ء میں انھوں نے ہندی فلم ‘ اکے پہ اکا’’ کی کہانی لکھی، جس میں اکشے کمار ہیرو تھے۔ 1998ء میں انھوں نے پنجابی فلم ‘‘ساڈا مقدر’’ لکھی اورڈائریکٹ کی۔ 2016ء میں ایک ٹیلی فلم ‘‘مائی فادرگاڈفادر’’ بنائی۔

پنکج ددھیر نے اعلیٰ تعلیم مکمل کرنے کے بعد فلم انڈسٹری میں قدم رکھا۔ پنکج دھیر نے اپنے کیریئر کا آغاز 1980ء کی دہائی میں کیا۔ ان کی پہلی فلم ‘‘پونم’’ 1981ء میں ریلیز ہوئی، جس میں انہوںنے ایک مختصر کردار نبھایا۔ اس کے بعد کنڑ ز زبان کی فلم ‘‘بارا’’ (یعنی خشک سالی) تھی، جو 1982ء میںریلیز ہوئی اور 1983ء میں اسے ہندی زبان سوکھا کے نام سے بھی ریلیز کیا گیا۔ اس فلم نے نیشنل ایوارڈ حاصل کیا۔ اس کے بعد وہ ملیالم زبان کی کرائم تھرلر فلم "رَندم ورَوُ" (1990ء) اور ہندی فلم "جیون ایک سنگھرش" ( 1990ء) میں نظر آئے۔ پنکج کو شہرت اُس وقت ملی جب انھوں نے ٹیلی ویژن سیریل "مہا بھارت" (1988ء–1990ء) میں کرن کا کردار ادا کیا۔ جلد ہی اپنی شخصیت، گہری آواز اور باوقار انداز سے سب کی توجہ حاصل کر لی۔

1980ء اور 1990ء کی دہائی میں انھوں نے متعدد فلموں میں اہم اور منفرد کردار ادا کیے۔ جن میں انیل کپور کی فلم جیون ایک سنگھرش (1990ء)، سنجے دت کی فلم سڑک (1991ء)، سلمان خان کی فلم صنم بے ودفا(1991ء)، اکشے کمار کی فلم سوگندھ(1991ء)، بابی دیول کی فلم سولجر (1998ء)، شاہ رخ خان کی فلم بادشاہ (1999ء) اور اجے دیوگن کی ٹارزن دا ونڈر کار (2004ء)شامل ہیں۔

پنکج دھیر کا کیریئر تقریباً چار دہائیوں پر محیط تھا۔ انھوں نے 100 سے زائد فلموں اور درجنوں ٹی وی ڈراموں میں کام کیا۔ 1994ء سے 1996ء کے دوران پنکج مشہور ٹی وی سیریز "چندرکانتا" میں بھی نظر آئے، جو مصنف دیواکی نندن کھتری کے 1888ء کے ناول پر مبنی تھی۔ اس ڈرامے میں انھوں نے شیودتھ کا کردار نبھایا، جو خیالی ریاست چُنان گڑھ کا بادشاہ تھا۔

2000ء کی دہائی کے اواخر میں، پنکج نے کئی مشہور ٹی وی ڈراموں میں کام کیا جیسے:تین بہورانیاں، راجا کی آئے گی بارات اور سسرال سمر کا۔ حالیہ دنوں میں وہ سب ٹی وی کے ڈرامے "دھرو تارا، سمے صدی سے پرے " (2024ء) میں بھی دکھائی دیے۔

فلموگرافی

ٹی وی ڈرامے

سال	ڈراما	کردار	حوالہ
1988ء–1990ء	مہابھارت	کرن
1993ء	زی ہارر شو	مونٹی
1993ء	قانون	وجے سکسینہ
1994ء–1996ء	چندر کانتا	راجا شیودوت
1994ء	دا گریٹ مراٹھا	شیواجی راؤ بھاؤ
1997ء	یُگ	علی خان
1997ء–1998ء	مہابھارت کتھا	کرن
1998ء	ہریش چندرا
1999ء	رشتے	دیاشنکر
2008–2009	تین بہورانیاں	دوارکا داس
2008ء–2010ء	راجا کی آئے گی بارات	مسٹر سسوڈیا راجا صاحب
2009ء	اک سفر ایسا کبھی سوچا نہ تھا	مسٹر راٹھور
2010ء	رنگ بدلتی اوڑھنی	سرپنج
2011ء–2012ء	سسرال سمر کا	جمنا لال دیویویدی
2011ء	شوبھنا سومناتھ کی	کرت چالوکیہ
2012ء–2014ء	دیووں کے دیو، مہادیو	ہیماوت
2012ء	ساودھان انڈیا	گرو بخش
2015ء	دل کی باتیں دل ہی جانے	آنند کپور
2015ء	ڈولی ارمانوں کی	مسٹر جام دار
2016ء	رشتوں کا سوداگر، بازیگر	کیلاش ناتھ تریویدی
2016ء–2018ء	بدھو بہو	ٹھاکر وگھوویر سنگھ اہلاوت
2019ء	پویزن ویب سیریز	بیرسٹر ڈی کوسٹا
2022–2023ء	اجونی	رویندر سنگھ بگا
2024ء	دھرو تارا، سمے صدی سے پرے	گری راج

فلمیں بطور اداکار

سال	فلم	کردار	زبان	ساتھی فنکار	! ایوارڈ / تبصرہ
1981ء	پونم	گریجا	ہندی	راج ببر، پونم ڈھلون، شکتی کپور	مختصر منفی کردار
1982ء	بارا	سنجے	کنڑا	اننت ناگ، موجی سی آر سمہا، اوما شیوکمار	فاتح: نیشنل ایوارڈ، بہترین کنڑا فلم، فلم فئیر ایوارڈ کنڑا، بہترین فلم، کنڑا اسٹیٹ ایوارڈ، بہترین فلم
1983ء	سوکھا	سنجے	ہندی	اننت ناگ، موجی سی آر سمہا، اوما شیوکمار	کنڑا فلم بارا کا ہندی ورژن
1983ء	بے خبر	انسپکٹر وجے ورما	ہندی	مدھو کپور، راج تلک، امریش پوری	بطور مرکزی کردار پہلی فلم
1987ء	میراسہاگ	امر	ہندی	رتی اگنی ہوتری، دپتی نول، تنوجا	بطور مرکزی کردار دوسری فلم
1990ء	رَندم ورَوُ	انسپکٹر وشنو	ملیالم	جے رام، ریکھا، دیون، سوکمارن	منفی کردار
1990ء	جیون ایک سنگھرش	مہیش ڈھولکیا	ہندی	انیل کپور، مادھوری، راکھی، کنولجیت سنگھ،	منفی کردار
1991ء	مجبور لڑکی	وویک	ہندی	کونیکا، الوک ناتھ، انجان شریواستو	بطور مرکزی کردار تیسری فلم
1991ء	سوگندھ	ٹھاکررنویرسنگھ	ہندی	اکشے کمار، شانتی پریا، راکھی، مکیش کھنہ
1991ء	صنم بے وفا	زبیر خان	ہندی	سلمان خان، چاندنی، پران، ڈینی
1991ء	سڑک	انسپکٹر ایرانی	ہندی	سنجے دت، پوجا بھٹ، دیپک تجوری
1991ء	ناچنے والے گانے والے	پنکج	ہندی	شہباز خان، شیبا، قادرخان، شکتی کپور
1991ء	بنجارن	گریجا	ہندی	رشی کپور، سری دیوی، پران، کلبھوشن کھربندا
1991ء	ٹاکرے جتن دے	کرن	پنجابی	فیروز خان ارجن، دلجیت کور، رنجیت
1992ء	قید میں ہے بلبل	سی بی آئی آفیسر امر	ہندی	ہیمالیہ داسانی، بھاگیاشری، سدھا چندرن، وکرم گوکھلے
1992ء	ہیر رانجھا	سلطان	ہندی	انیل کپور، سری دیوی، شمی کپور،
1992ء	سونے کی لنکا	ناٹی	ہندی	جتیندر، چنکی پانڈے، جیا پردا
1992ء	پردہ ہے پردہ	رگھوویر	ہندی	چنکی پانڈے، لکشمی کانت برڈے، آدی ایرانی، شوبھا کھوٹے،
1992ء	مسٹر بونڈ	ڈریگن ڈاگا	ہندی	اکشے کمار،
1992ء	جاگرتی	کسٹم آفیسروشال	ہندی	سلمان خان، کرشما کپور، پریم چوپڑا
1993ء	پردیسی	حسین	ہندی	متھن چکرورتی، ورشاالگاؤنکر، شکتی کپور
1993ء	اشانت	امیت	ہندی	اکشے کمار، وشنو وردھن، اشونی بھاوے، ممتا کلکرنی
1993ء	وشنو وجے	امیت	کنڑا	اکشے کمار، وشنو وردھن، اشونی بھاوے، ممتا کلکرنی	اشانت فلم کا کنڑا ورژن
1993ء	عاشق آوارہ	رنویر	ہندی	سیف علی خان، ممتا کلکرنی، شرمیلا ٹیگور،
1994ء	اکے پر اکا	رندھیر	ہندی	اکشے کمار، شانتی پریا، موسمی چٹرجی	فلم کی کہانی بھی لکھی
1995ء	نشانہ	پولیس کمشنرمالک	ہندی	متھن چکرورتی، ریکھا، پریش راول
1996ء	اپا جی	ارجن	کنڑا	وشنو وردھن، امانی، شرنیا	لکھاری  : وی وجیندر پرساد
1998ء	سولجر	میجر وجے ملہوترا	ہندی	بابی دیول، پریٹی زنٹا، راکھی، سریش اوبیرائے
1999ء	بادشاہ	مسٹر کھنہ	ہندی	شاہ رخ خان، ٹوئنکل کھنہ، راکھی، امریش پوری
2002ء	تم کو نہ بھول پائیں گے	شیو پرتاب سنگھ	ہندی	سلمان خان، دیا مرزا، سشمیتا سین، اندر کمار، شرت سکسینہ
2003ء	اوم	مسٹر دھریوال	ہندی	آتن بھلا، سندالی سنہا، راکھی ساونت، شرت سکسینہ
2003ء	انداز	پروفیسر روہت ملہوترا	ہندی	اکشے کمار، لارا دتہ، پریانکا چوپڑا، امن ورما
2003ء	زمین	کیپٹن بشیر علی	ہندی	ابھیشیک بچن، اجے دیوگن، بپاشا باسو
2003ء	ٹارزن، دا ونڈر کار	راکیش کپور	ہندی	اجے دیوگن، آئشہ تاکیہ، وتل سیٹھ، فریدہ جلال
2005ء	وشنوسینا	ڈی سی پی سمرجیت سنگھ	کنڑا	وشنو وردھن، گرلین چوپڑا، اننت ناگ	ماخوذ: تمل فلم رمنا، ری میک: ہندی فلم گبر ازبیک
2006ء	سرحدپار	سورج	ہندی	سنجے دت، تبو، ماہیما چوہدری، چندرچورسنگھ
2013ء	گپی	پاپا پاجی	ہندی	ریا وج، طہ شاہ، دیویا دتہ،
2013ء	مہابھارت اور بربریک	کرن	ہندی	نتیش بھردواج، شہباز خان، گریسی سنگھ، جتیندر،

ذاتی زندگی اور موت

پنکج دھیر کی شادی 1976ء میں انیتا دھیر سے ہوئی، جو فلموں میں کاسٹیوم ڈیزائنر کا کام کرتی ہیں، ان کی قابل ذکر فلمیں وکٹوریہ نمبر203 (2007ء)، اکے پہ اکا(1994ء) اور باکسر (1984ء) ہیں۔

پنکج دھیر کے بیٹے نکیتن دھیر جو خود بھی ایک کامیاب فلمی اداکار ہیں اور چنائی ایکسپریس، شیرشاہ، جودھا اکبر، دبنگ2، ریڈی، سوریا ونشی اور ہاؤس فل 5 وغیرہ میں اداکاری کرچکے ہیں۔ نکیتن نے کریتکا سینگر سے شادی کی۔

ان کا انتقال 15 اکتوبر 2025ء کو 68 سال کی عمر میں کینسر سے ہوا۔