ڈونلڈ بریڈمین

آزاد دائرۃ المعارف، ویکیپیڈیا سے
Jump to navigation Jump to search
ڈونلڈ بریڈمین
(انگریزی میں: Don Bradman ویکی ڈیٹا پر (P1559) کی خاصیت میں تبدیلی کریں
DonaldBradman.jpg
سر ڈان بریڈمین کی ایک دستخط شدہ تصویر

معلومات شخصیت
پیدائش 27 اگست 1908[1][2][3][4]  ویکی ڈیٹا پر (P569) کی خاصیت میں تبدیلی کریں
کوٹامونڈرا  ویکی ڈیٹا پر (P19) کی خاصیت میں تبدیلی کریں
وفات 25 فروری 2001 (93 سال)[1][2][4]  ویکی ڈیٹا پر (P570) کی خاصیت میں تبدیلی کریں
کینسنگٹن پارک  ویکی ڈیٹا پر (P20) کی خاصیت میں تبدیلی کریں
وجہ وفات نمونیا  ویکی ڈیٹا پر (P509) کی خاصیت میں تبدیلی کریں
شہریت Flag of Australia (converted).svg آسٹریلیا  ویکی ڈیٹا پر (P27) کی خاصیت میں تبدیلی کریں
قد 173 سنٹی میٹر  ویکی ڈیٹا پر (P2048) کی خاصیت میں تبدیلی کریں
عملی زندگی
پیشہ کرکٹ کھلاڑی  ویکی ڈیٹا پر (P106) کی خاصیت میں تبدیلی کریں
کھیل کرکٹ  ویکی ڈیٹا پر (P641) کی خاصیت میں تبدیلی کریں
کھیل کا ملک Flag of Australia (converted).svg آسٹریلیا  ویکی ڈیٹا پر (P1532) کی خاصیت میں تبدیلی کریں
اعزازات
400px ribbon bar of Australian Sports Medal.svg آسٹریلوی کھیلوں کا تمغا (2001)
OrderAustraliaRibbon.png کمپینیون آف دی آرڈر آف آسٹریلیا (1979)[5]
200px ribbon bar of the Knight Bachelor medal (UK).svg نائٹ بیچلر  (1949)
وزڈن کرکٹر آف دی ایئر   ویکی ڈیٹا پر (P166) کی خاصیت میں تبدیلی کریں

ڈونلڈ جارج بریڈمین (انگریزی: Donald George Bradman) المعروف ڈان بریڈمین (پیدائش:27 اگست 1908ء |وفات: 25 فروری 2001ء) آسٹریلیا سے تعلق رکھنے والے ایک کرکٹر تھے جنہیں کرکٹ کی تاریخ کا عظیم ترین کھلاڑی مانا جاتا ہے۔[6] وہ آسٹریلیا کی تاریخ کے مشہور ترین کھلاڑیوں میں سے ایک تھے۔ ان کا بلے بازی کا اوسط 99.94 تھا جسے کسی بھی بڑے کھیل میں اعداد و شمار کے لحاظ سے عظیم ترین کارکردگی سمجھا جاتا ہے۔ اس کا تقابل اس سے کیا جا سکتا ہے کہ ٹیسٹ کرکٹ میں ان کے بعد بہترین اوسط 75.56، 60.97 اور 60.83 ہیں۔ اس طرح بلے بازی کے اوسط میں ان کا کوئی دور دور تک مد مقابل نہیں دکھائی دیتا۔ 1948ء میں آسٹریلیا کے دورۂ انگلستان کے آخری ٹیسٹ میں اگر وہ 4 رنز بنانے میں کامیاب ہو جاتے تو آج ان کا اوسط 100 رنز ہوتا لیکن بدقسمتی سے وہ صفر پر آؤٹ ہو گئے اور یوں ان کا اوسط 99.94 فیصد ہے۔ڈان بریڈ مین نے آسٹریلیا کے علاوہ نیو سائوتھ ویلز اور سائوتھ آسٹریلیا کی طرف سے بھی کرکٹ کھیلی۔ڈان بریڈ مین کا قد 5 فٹ 7 انچ تھا۔ وہ دائیں ہاتھ کے بلے باز اور دائیں ہاتھ کے لیگ بریک کے بولر کے طور پر بھی جانے جاتے تھے۔ انہوں نے اپنے ٹیسٹ کیریئر کا آغاز انگلستان کے خلاف 1928-29ء کی سیریز میں برسبین کے مقام پر کیا تھا جبکہ ان کا آخری ٹیسٹ میچ انگلستان کے ہی خلاف اوول کے مقام پر 1948ء میں انجام پایا۔

ٹیسٹ کرکٹ میں کارکردگی[ترمیم]

ڈان بریڈ مین 52 ٹیسٹ مقابلوں میں 99.94 کے اوسط سے 6996 رنز بنائیں۔ آپ بہترین انفرادی کارکردگی 334 رنز تھی۔ آپ نے 29 مرتبہ 100 سے زیادہ رنز بنائے۔ جس میں دو مرتبہ 300 سے زیادہ کی اننگز شامل ہیں۔ وہ ایک عرصہ تک واحد کھلاڑی تھے جنہوں نے دو مرتبہ 300 سے زائد انفرادی اننگز بنانے کا اعزاز حاصل کیے رکھا۔ دونوں مرتبہ اس زبردست کارکردگی کا مظاہرہ انہوں نے انگلستان کے خلاف ہیڈنگلے کے میدان میں کیا۔ پہلی مرتبہ 1930ء میں 334 اور دوسری مرتبہ 1934ء میں 304 کا کادنامہ ان۔کے نام سے درج ہوا۔ آپ کا یہ کارنامہ 2004ء میں ویسٹ انڈیز سے تعلق رکھنے والے بلے باز برائن لارا نے برابر کیا تاہم انہوں نے اس کارنامے کو انجام دینے کے لیے بریڈمین سے دوگنے مقابلے کھیلے۔ بریڈمین ایک مرتبہ 300 رنز بنانے کے انتہائی قریب پہنچ گئے تھے جب 1932ء میں جنوبی افریقا کے خلاف وہ 299 رنز کے ساتھ میدان میں موجود تھے لیکن ان کے ساتھی بلے باز رن آؤٹ ہو گئے۔

سر کا خطاب[ترمیم]

آپ 1931ء میں وزڈن کے سال کے 5 بہترین کھلاڑیوں میں سے ایک تھے۔ 1949ء میں آپ کو "سر" کا خطاب دیا گیا اور 1979ء میں آسٹریلیا کے اعلیٰ ترین شہری اعزاز کمپینین آف دی آرڈر آف آسٹریلیا سے نوازا گیا۔ 2000ء میں بریڈمین کو ماہرین نے وزڈن کی صدی کے بہترین کھلاڑیوں کی فہرست میں شامل کیا، بریڈمین واحد کھلاڑی تھے جسے ماہرین کے گروہ کے تمام 100 اراکین نے منتخب کیا تھا۔ اس فہرست کا حصہ بننے والے دیگر کھلاڑیوں میں گارفیلڈ سوبرز (90 آراء)، جیک ہوبس (30 آراء)، شین وارن (27 آراء) اور ویوین رچرڈز (25 آراء) شامل تھے۔ 2002ء میں وزڈن نے بریڈمین کو ٹیسٹ کرکٹ کی تاریخ کا عظیم ترین بلے باز قرار دیا۔ اس فہرست میں ٹنڈولکر، گیری سوبرز، ویوین رچرڈز بالترتیب دوسرے، تیسرے اور چوتھے درجے پر تھے۔ انگلستان کے خلاف ملبورن میں کھیلے گئے تیسرے ٹیسٹ مقابلے میں بریڈمین کی 270 رنز کی باری کو وزڈن کی جانب سے ٹیسٹ کی عظیم ترین باری قرار دیا گیا تھا۔

ڈاک ٹکٹ[ترمیم]

بریڈ مین کا نام اب آسٹریلیا میں محفوظ کر لیا گیا ہے اور ڈونلڈ بریڈمین کے نام سرکاری طور پر منظور شدگی کے علاوہ کسی استعمال نہیں کیا جا سکتا۔ آپ کی تصویر ڈاک ٹکٹوں اور سکوں پر چھپی اور آپ آسٹریلیا کی پہلی شخصیت تھے جن کی زندگی ہی میں ان سے موسوم ایک عجائب گھر قائم کیا گیا۔

اعدادوشمار[ترمیم]

ڈان بریڈ مین 52 ٹیسٹ میچوں کی 80 اننگز میں 10 مرتبہ ناٹ آئوٹ رہ کر 6996 رنز سکور کئے۔ 99.94 کی اوسط سے بننے والے اس مجموعے میں ان کا سب سے زیادہ سکور 334 تھا۔ 29 سنچریاں اور 13 نصف سنچریاں ان کے ریکارڈ کو نمایاں کررہی ہیں۔ اسی طرح انہوں نے 234 فرسٹ کلاس میچوں کی 338 اننگز میں 43 دفعہ ناٹ آئوٹ رہ کر 28067 رنز سکور کئے جس میں 452 ناقابل شکست رنز ان کا سب سے بڑا انفرادی سکور تھا۔ فرسٹ کلاس میچوں میں بھی ان کی اوسط قابل ذکر تھی جب انہوں نے 95.14 کی اوسط سے 117 سنچریوں اور 69 نصف سنچریوں کی مدد حاصل کی۔ ٹیسٹ میچوں میں 2 اور فرسٹ کلاس میں 36 وکٹیں بھی انہیں حاصل ہوئیں۔ سر ڈان بریڈ مین کو یہ اعزاز حاصل ہے کہ انہوں نے 1930ء میں لیڈز کے میدان پر انگلستان کے خلاف 309 رنز ناقابل شکست بنائے۔ یہ ایک دن کے کھیل میں بننے والے عالمی ریکارڈ ہے جو کسی کھلاڑی نے کھیل کے ایک دن میں ٹرپل سنچری سکور کی ہو۔ اسی طرح انہیں یہ منفرد مقام حاصل ہے کہ ان کی بیٹنگ اوسط 99.94 بھی دنیا میں کسی بھی بیٹسمین کے مقابلے میں سب سے زیادہ ہے۔ انہوں نے 1928ء سے 1948ء تک کے کیریئر میں یہ اوسط حاصل کی۔ حیرت والی بات یہ ہے کہ 74 سال گزرنے کے باوجود یہ بیٹنگ اوسط آج بھی قائم ہے۔ ڈان بریڈ مین کو یہ اعزاز بھی حاصل ہے کہ ان کا شمار ان کھلاڑیوں میں ہوتا ہے جنہوں نے میچ کی دونوں اننگز میں سنچری بنانے کا اعزاز حاصل کیا تھا۔ انہوں نے 1948ء میں میلبورن کے میدان میں بھارت کے خلاف ٹیسٹ میچ میں 132 اور 127 ناقابل شکست رنز بنا کر میچ کی دونوں اننگز میں سنچری بنانے کا اعزاز حاصل کیا۔

انتقال[ترمیم]

ڈان بریڈمین 25 فروری 2001ء کو کنگسٹن پارک ایڈیلیڈ سائوتھ آسٹریلیا میں 92 سال 182 دن کی عمر میں انتقال کرگئے آپ کے انتقال کے بعد آسٹریلیا کی حکومت نے 20 سینٹ کے یادگاری سکے جاری کیے۔[7]

حوالہ جات[ترمیم]

  1. ^ ا ب دائرۃ المعارف بریطانیکا آن لائن آئی ڈی: https://www.britannica.com/biography/Don-Bradman — بنام: Don Bradman — اخذ شدہ بتاریخ: 9 اکتوبر 2017 — عنوان : Encyclopædia Britannica
  2. ^ ا ب ایس این اے سی آرک آئی ڈی: https://snaccooperative.org/ark:/99166/w6nk6hdf — بنام: Donald Bradman — اخذ شدہ بتاریخ: 9 اکتوبر 2017
  3. فائنڈ اے گریو میموریل شناخت کنندہ: https://www.findagrave.com/memorial/11409618 — بنام: Donald George Bradman — اخذ شدہ بتاریخ: 9 اکتوبر 2017
  4. ^ ا ب ڈسکوجس آرٹسٹ آئی ڈی: https://www.discogs.com/artist/3386269 — بنام: Sir Donald Bradman — اخذ شدہ بتاریخ: 9 اکتوبر 2017
  5. https://honours.pmc.gov.au/honours/awards/886305
  6. سر ڈان بریڈمین کا خاکہ کرک انفو ویب سائٹ سے ۔
  7. ڈان بریڈمین کی یاد میں 5 ڈالرز کا یادگاری سکہ