تسکین مانیروال

تسکین مانیروال
معلومات شخصیت
پیدائش	سنہ 1950ء   صوابی مانیری
وفات	10 جنوری 2022ء (71–72 سال)  ضلع صوابی
شہریت	پاکستان
عملی زندگی
مادر علمی	گورنمنٹ پوسٹ گریجویٹ کالج صوابی
پیشہ	شاعر ،  مصنف ،  دانشور
پیشہ ورانہ زبان	پشتو

تسکین مانیروال ایک پاکستانی پشتو شاعر تھے۔ وہ پشتو ادب کے نامور شاعر، ادیب، دانشور، مصنف اور معلم تھے۔ اور 1999ء میں محکمہ تعلیم سے ہیڈ ماسٹر کی حیثیت سے ریٹائر ہوئے۔ ان کا تعلق مانیری صوابی سے تھا۔ ان کا انتقال 10 جنوری 2022ء کو ہوا۔

پیشہ ورانہ زندگی

انھوں نے اس وقت شاعری شروع کی جب وہ پانچویں جماعت کے طالب علم تھے، مشہور پشتو شاعروں رحمن بابا اور خوشحال خان خٹک سے متاثر تھے۔ان کی بے شمار غزلیں اور اشعار نہ صرف پاکستان بلکہ افغانستان میں بھی پشتونوں میں مقبول تھے۔ جب تسکین گورنمنٹ پوسٹ گریجویٹ کالج صوابی میں زیر تعلیم تھے تو نیلاب میگزین کی اشاعت میں اہم کردار ادا کیا تھا۔ ان کی اکلوتی کتاب "چی ښہ خوشی صحرا وے" تقریباً ایک دہائی قبل شائع ہوئی تھی، جس نے انھیں پشتونوں کے معروف رومانوی شاعروں میں شمار کرنے میں مدد کی۔

ذاتی زندگی

وہ غیر شادی شدہ تھے لیکن کہتے تھے کہ وہ اپنی شاعری کے ذریعے لوگوں میں زندہ رہیں گے۔ ان کے ساتھیوں کے مطابق، اس کی زندگی مشکل تھی، لیکن جب وہ لوگوں کے درمیان میں تھا تو وہ امن کا سچا حامی تھا۔

وفات

ان کا انتقال صوابی میں 10 جنوری 2022ء کو 72 سال کی عمر میں ہوا۔ انھیں اپنے آبائی قبر ستان مانیری پایاں صوابی میں سپرد خاک کر دیا گیا۔ قومی وطن پارٹی کے صوبائی چیئرمین سکندر حیات خان شیرپاؤ، عوامی نیشنل پارٹی خیبر پختونخوا کے صدر ایمل ولی خان، جنرل سیکرٹری سردار حسین بابک اور سیکرٹری ثقافت خادم حسین نے پشتو زبان کے ممتاز شاعر و ادیب تسکین مانیروال کی وفات پر دلی رنج و غم اور افسوس کا اظہار کیا۔