حمید الحق چودھری

حمید الحق چودھری
(بنگالی میں: হামিদুল হক চৌধুরী)
تفصیل=
چوتھے وزیر خارجہ پاکستان
مدت منصب ستمبر 28, 1955 – ستمبر 12, 1956
محمد علی بوگرہ ملک فیروز خان نون
معلومات شخصیت
پیدائش	سنہ 1901ء   نواکھالی ضلع
وفات	18 جنوری 1992ء (90–91 سال)  ڈھاکہ
شہریت	برطانوی ہند پاکستان
جماعت	آل انڈیا مسلم لیگ
عملی زندگی
مادر علمی	جامعہ کلکتہ
پیشہ	سیاست دان
مادری زبان	اردو
پیشہ ورانہ زبان	اردو

سابق وزیر خارجہ پاکستان۔ سابق وزیر مالیات، محنت، تجارت اور صنعت مشرقی پاکستان، نواکھالی میں پیدا ہوئے۔ 1929ء میں کلکتہ یونیورسٹی سے ایل ایل بی کی ڈگری حاصل کی۔ آئندہ برس کلکتہ کی عدالت عالیہ میں وکالت شروع کی۔ چار برس تک نائب مشیر قانونی اور عدالت عالیہ کے سرکاری وکیل رہے۔ بعد میں استعفی دے کر دوبارہ وکالت شروع کی۔ مسلمانوں کا نقطہ نظر بنگالی سرحدی کمیشن کے سامنے پیش کیا۔ 1937ء میں بنگال کی صوبائی اسمبلی کے رکن منتخب ہوئے اور اسی سال اسمبلی کے صدر بن گئے۔ 1947ء میں پاکستان کی دستور ساز اسمبلی کے رکن چنے گئے۔ اگست 1947ء میں مشرقی بنگال کی کابینہ میں وزیر محنت، صنعت اور تجارت بنے۔ 1955ء میں دوسری دستور ساز اسمبلی کے رکن چنے گئے۔ ستمبر 1955ء تا ستمبر 1956ء مرکزی حکومت میں وزیر رہے۔

1958ء میں آپ کو دوبارہ کابینہ میں لے لیا گیا لیکن جو محکمہ پیش کیا گیا تھا آپ نے اسے قبول نہیں کیا۔ اس کے بعد ملک میں مارشل لا نافذ ہو گیا۔ بنگلہ دیش کے قیام کے بعد آپ کو جیل میں ڈال دیا گیا۔ فوجی بغاوت اگست 1975ء کے بعد رہا ہوئے۔