رؤف دینک تاش

رؤف دینک تاش
(ترکی میں: Rauf Raif Denktaş)
مناصب
نائب صدر قبرص (2  )
برسر عہدہ فروری 1973  – جولا‎ئی 1974
فاضل کوچک
صدر شمالی قبرص (1  )
برسر عہدہ 15 نومبر 1983  – 24 اپریل 2005
معلومات شخصیت
پیدائش	27 جنوری 1924ء   پافوس ،  برطانوی قبرص
وفات	13 جنوری 2012ء (88 سال)  شمالی نیکوسیا
وجہ وفات	متعدد اعضا کی خرابی
مدفن	شمالی نیکوسیا
شہریت	قبرص ترک جمہوریہ شمالی قبرص
عملی زندگی
مادر علمی	لنکنز ان
پیشہ	سیاست دان ،  وکیل
پیشہ ورانہ زبان	ترکی
دستخط
ویب سائٹ
ویب سائٹ	باضابطہ ویب سائٹ

ترک قبرصی لیڈر۔ 1924ء میں موضع کیتمہ نزد پافوس میں پیدا ہوئے۔ والد جج تھے۔ قبرص میں تعلیم پائی۔ 1944ء میں وکالت شروع کی۔ 1949ء میں اٹارنی جنرل آفس میں جونیئر کروان کونسل مقرر ہوئے اور چار سال بعد کراؤں کونسل بنا دیے گئے۔ 1956ء میں سالیسٹر کے عہدے پر فائز ہوئے۔ 1957ء میں فیڈریشن آف ٹرکش ایسوسی ایشنز کے چیئرمین منتخب ہوئے۔ 1959ء میں ترک قبرصی وفد کے قائد کی حیثیت سے ایتھنز کانفرنس میں شریک ہوئے۔ 1960ء میں ٹرکش کمیونل چیمبر کے صدر منتخب ہوئے۔

1964ء میں لندن کانفرنس میں انھوں نے قبرصی ترکوں کے وفد کی قیادت کی۔ بعد ازاں اقوام متحدہ کی سلامتی کونسل میں شریک ہوئے۔ نیویارک سے واپس آئے تو آرچ بشپ میکایوس نے قبرص میں داخلے پر پابندی لگا دی۔ اکتوبر 1967ء تک ترکی میں مقیم رہے۔ بعد ازاں خفیہ طور پر قبرص آئے تو یونانی قبرصی پولیس نے گرفتار کرکے نظر بند کر دیا۔ عوامی دباؤ کے تحت 13 دن بعد رہا کرکے ترکی بھیج دیا۔ 13 اپریل 1968ء کو قبرص آنے کی اجازت ملی۔ وطن واپس آکر ترکش کمیونل چیمبر کی صدارت کے فرائض سنبھالے۔ جون 1968ء میں قبرص کے ترک اور یونانی باشندوں کے درمیان مذاکرات میں ترکوں کی ترجمانی کی۔ 15 اگست 1974 ء کو قبرص کے شمالی حصے پر ترک فوجوں کا قبضہ ہو گیا تو دینک تاش نے اعلان کیا کہ قبرص کی تقسیم اس مسئلے کا واحد حل ہے۔ فروری 1975ء میں قبرص کے ترکوں نے اپنی آزادی کا اعلان کیا۔ 20 جون کے انتخابات میں رؤف دینک تاش کی قومی اتحاد پارٹی نے بھاری اکثریت حاصل کی اور دینک تاش اس مملکت کے صدر منتخب ہوئے۔