زیب النسا حمید اللہ

زیب النسا حمید اللہ
معلومات شخصیت
پیدائش	25 دسمبر 1921ء   کولکاتا
وفات	10 ستمبر 2000ء (79 سال)  کراچی
شہریت	برطانوی ہند پاکستان
عملی زندگی
مادر علمی	جامعہ کلکتہ
پیشہ	صحافی ،  شاعرہ ،  مصنفہ ،  ناشر
پیشہ ورانہ زبان	انگریزی
کارہائے نمایاں	مرر (جریدہ)
باب ادب

بیگم زیب النسا حمید اللہ (انگریزی: Zaib-un-Nissa Hamidullah)، (پیدائش: 25 دسمبر، 1921ء - وفات: 10 ستمبر، 2000ء) پاکستان سے تعلق رکھنے والی انگریزی زبان کی ممتاز مصنفہ، شاعرہ، صحافی، پبلشر اور مشہور انگریزی جریدے مرر کی ایڈیٹر تھیں۔ وہ پاکستان کی پہلی خاتون ایڈیٹر ہونے کی وجہ سے شہرت رکھتی ہیں۔

حالات زندگی

زیب النسا حمید اللہ 25 دسمبر، 1921ء کو کلکتہ، برطانوی ہندوستان میں پیدا ہوئیں۔ انھوں نے اپنی صحافتی زندگی کا آغاز روزنامہ ڈان سے کیا۔ اکتوبر 1951ء میں انھوں نے کراچی سے مشہور انگریزی جریدے مرر کا اجرا کیا جو اپنے گیٹ اپ اور خبروں اور مضامین کی خوب صورت پیشکش کی وجہ سے بہت جلد پاکستان کا ایک مقبول جریدہ بن گیا۔ یہ جریدہ اپریل 1972ء تک جاری رہا۔ اس دوران اسے ایک مرتبہ بندش کا بھی سامنا کرنا پڑا مگر بیگم زیب النسا حمید اللہ نے اس بندش کو سپریم کورٹ آف پاکستان میں چیلنج کر دیا۔ جہاں ان کے حق میں فیصلہ ہوا اور یوں مرر کی اشاعت دوبارہ بحال ہو گئی۔ بیگم زیب النسا حمید اللہ انگریزی زبان کی شاعرہ بھی تھیں، ان کے شعری مجموعے The Indian Bouqet، The Lotus Leaves اور The Flute of Memory کے نام سے شائع ہوئے۔

تصانیف

• Indian Bouquet - 1941
• Lotus Leaves - 1946
• Sixty Days in America- 1956
• The Young Wife - 1958
• The Flute of Memory - 1964
• Poems - 1972

وفات

بیگم زیب النسا حمید اللہ 10 ستمبر، 2000ء کو کراچی، پاکستان میں وفات پا گئیں۔