ٹیمپی ٹرین حادثہ 2023ء

ٹیمپی ٹرین حادثہ
تفصیلات
تاریخ	28 فروری 2023ء (2023ء-02-28) 23:24 شمالی یورپین وقت (21:24 یونیورسل وقت)
محل وقوع	ٹیمپی، لاریسا، تھیسالی
متناسقات	39°50′54″N 22°31′00″E
ملک	یونان
آپریٹر	Hellenic Train
حادثے کی قسم	ریل گاڑی حادثہ
وجہ	تحقیقات جاری ہیں
اعداد و شمار
اموات	57
زخمی	>85

28 فروری 2023ء کو یونان کے شہر تھیسالی میں ایک مسافر ٹرین اور مال گاڑی آپس میں ٹکرا گئیں جس کے نتیجے میں کم از کم 57 افراد ہلاک اور درجنوں زخمی ہو گئے۔ یہ حادثہ یونان کی تاریخ میں سب سے خطرناک حادثہ تھا۔

پس منظر

مسافر ٹرین شام ساڑھے سات بجے کے قریب تقریباً 350 مسافروں کو لے کر ایتھنز سے تھیسالونیکی کو روانہ ہوئی۔   اور مال بردارگاڑی تھیسالونیکی سے لاریسا جا رہی تھی۔ دونوں ریل گاڑیاں تھیسالونیکی کے قریب آپس میں ٹکرا گئیں، جو اٹلی کی سرکاری ریلوے کمپنی فیرووی ڈیلو سٹیٹو اطالیانی کی ذیلی کمپنی ہیلینک ٹرین کے ذریعے چلائی جاتی ہیں۔ یونانی ٹرین ڈرائیور یونین کے صدر نے کہا کہ "اگر حفاظتی نظام صحیح طریقے سے کام کر رہے ہوتے تو حادثے سے بچا جا سکتا تھا"۔ اس سے ایک دن پہلے (Palaiofarsalos) ریلوے اسٹیشن پر، بجلی کے نیٹ ورک میں دھماکے کی وجہ سے اوور ہیڈ لائن دوسری انٹرسٹی ٹرین پر گر گئی، جس کی وجہ سے لائن کی بحالی میں مشکلات پیش آئیں اور مسافر گاڑیوں کے سفر میں تاخیر ہوئی۔ حادثے کی جگہ موٹر وے 1 کے بالکل ساتھ تھی، لائن کے اس حصے پر جو 2003 ءمیں تعمیر نو کی گئی۔

لاریسا اسٹیشن ماسٹر کا کہناہے کہ اپ لائن سے ڈاؤن لائن پر سوئچ کام نہیں کر رہا تھا اور یہ ٹرین کا مقصد مال بردار ٹرین سے بچنے کے لیے اپ لائن پر رہنا تھا۔ اس نے ٹرین کو ریڈ سگنل کے ذریعے جانے دیا۔ لاریسا میں ایگزٹ سگنل سے شروع ہونے والا ایک بلاک سیکشن ہے جو Neoi Poroi میں انٹری سگنل تک ہے۔

حادثہ

مسافر ٹرین اور مال بردار ٹرین آدھی رات سے عین قبل Evangelismos کے قریب آپس میں ٹکرا گئی، جس کے نتیجے میں 57 افراد ہلاک اور 85 دیگر زخمی ہوئے۔ 25 افراد شدید زخمی ہیں اور 66 زخمیوں کو اسپتال میں داخل کر دیا گیاہے جن میں چھ کو انتہائی نگہداشت کے یونٹوں میں رکھا گیاہے۔ تھیسالی علاقے کے گورنر کوسٹاس اگوراسٹوس نے کہا کہ مسافر ٹرین کی پہلی چار بوگیاں پٹری سے اتر گئیں اور پہلی دو بوگیوں میں آگ لگ گئی اور "تقریباً مکمل طور پر تباہ" ہو گئیں۔

مابعد

تصادم کے بعد مسافر ڈبوں میں آگ لگ گئی۔ 17 گاڑیوں اور 150 فائر فائٹرز نے آگ پر قابو پانے کی کوشش کی، جبکہ تصادم کی جگہ پر 40 ایمبولینسوں اور 30 سے زائد پولیس اہلکاروں کے ساتھ امدادی کارروائیاں کی گئیں۔ حادثہ اتنا شدید تھا کہ گاڑیوں کو نکالنے میں مدد کے لیے کرین کا استعمال کیا گیا۔ زندہ بچ جانے والے مسافروں کو، جن میں معمولی زخم آئے تھے، کو تصادم کی جگہ سے بسوں کے ذریعے تھیسالونیکی کے لیے بھیج دیا گیا۔

امدادی کارروائیوں میں ہیلینک آرمی سے بھی رابطہ کیا گیا۔ حادثے کے بعد حکومت نے ہنگامی میٹنگ کی اور وزیر صحت تھانوس پلیورس جائے وقوعہ کا دورہ کرنے گئے۔ صدر کترینا ساکیلاروپولو نے اس مقام کا دورہ کرنے کے لیے مالڈووا کا اپنا دورہ مختصر کر دیا۔

تحقیقات

حادثے کے بعد پولیس نے ریلوے کے دو اہلکاروں سے پوچھ گچھ کی۔

پولیس نے اسٹیشن ماسٹر کو گرفتار کیا اور اس پر لاپروائی سے موت اور نقصان پہنچانے کا الزام عائد کیا۔

Siemens HellasSprinter locomotive similar to those destroyed in the accident, pictured in 2019

Siemens/Bombardier UIC-Z1 coaches of Hellenic Train that are used on InterCity services in Greece