رشوت

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
زیمبیا میں رشوت کی روک تھام کے لئے مہم

رشوت قسم ہے بد عنوانی کی، جس میں پیسے یا تحفہ دینے سے وصول کردہ کا طرزِ عمل تبدیل ہوتا ہے۔ رشوت کو جُرم سمجھا جاتا ہے۔ قانونی لغتی معنوں میں کسی سرکاری افسر یا کسی عوامی یا قانونی امور کے مجاز کے عمل کو متاثر کرنے کے لیے کسی قدر کی شئے کی پیشکش، دینا، وصولی، یا مانگنا رشوت کہلاتا ہے۔ رشوت کا مقصد وصول کندہ کے اعمال پر اثر انداز ہونا ہوتا ہے۔ یہ ہو سکتی ہے، پیسہ، چیز، جائیداد، ترجیح، استحقاق، معاوضہ، قدر کی شئے، فائدہ، یا محض کسی سرکاری یا عوامی اہلکار کے عمل یا ووٹ پر اثر انداز ہونے یا ترغیب دینے کا وعدہ یا عہد۔

دنیا کے مختلف حصوں میں بعض قسم کی رشوت کو قدرے قبولیت حاصل ہے۔ مثلاً امریکہ میں سیاست دانوں کو نقد رقوم بطور سیاسی مدد دی جا سکتی ہیں جو بعض دوسرے ممالک میں غیر قانونی رشوت تصور ہو گی۔ عرب ممالک میں اہلکاروں کو "بخشیش" ادا کی جاتی ہے جو غیر قانونی نہیں سمجھی جاتی۔ بد ترین قسم کی رشوت وہ ہے جو قیدیوں کے لواحقین سے وصول کی جاتی ہے اور اس کے بدلے قیدیوں سے بدسلوکی نہیں کی جاتی۔ اس کا رواج پرانے زمانہ میں برطانیہ جیسے ممالک میں بھی رہا ہے[1] اور موجودہ زمانہ میں پاکستان اور ھندستان جیسے ممالک میں بھی ملتا ہے۔[2]

رابرٹ کلائیو نے میر جعفر کو رشوت دے کر 1757 میں پلاسی کے میدان میں سراج الدولہ کو شکست دی اور اسکے بعد میر جعفر کو بنگال کا نواب بنا دیا۔


  1. ^ neal stephenson, "The System of the World (The Baroque Cycle, Vol. 3)", 2004
  2. ^ بی بی سی موقع جال، 24 جون 2010ء، "دعا کرو مجھے موت آجائے"