مینزا

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش

مینزا (Mensa) دنیا میں ذہنی طور پر اونچے درجے کے لوگوں کی ایک انجمن ہے۔ مینزا میں صرف انہی لوگوں کو رکنیت ملتی ہے جن کے ذہنی درجے کو کسی معیاری ذہنی امتحان میں ناپا جا چکا ہو۔

مینزا لاطینی زبان کے لفظ Mensa سے بنا ہے جس کا مطلب ہے میز۔ یہ ظاہر کرتا ہے کہ مینزا ایک میز کے گرد بیٹھے ارکان کی انجمن ہے۔

رولینڈ بیریل اور لانسلیٹ ویئر نے 1946ء میں انگلستان میں مینزا کی بنیاد رکھی۔ وہ ذہین لوگوں کوایک جگہ لانا چاہتے تھے اور اونچا ذہنی درجہ ہی اس کا معیار تھا۔ انجمن کی رکنیت قوم، نسل، وطن اور زبان کے سماجی معیاروں سے آزاد تھی کوئی شخص بھی اسکا رکن بن سکتا ہے۔

مینزا کے ایک لاکھہ سے زیادہ ارکان ہیں اور یہ پاکستان میں بھی موجود ہے۔

مینزا نے اپنے تین مقاصد کو بیان کیا ہے:

  • انسانی ذہانت کو ڈھونڈنا اور اسے بڑھانا انسانیت کی فلاح کے ليے۔
  • ذہانت کی فطرت، خصوصیات اور اسکے استعمال کے بارے میں تحقیق کرنا۔
  • اسکے ارکان کی ذہنی اور سماجی سرگرمیوں کے مواقع کو بڑھانا.