آلومہار شریف

آلومہار شریف Mahar آلو مہار شریف
Village and union council
ملک	پاکستان
پاکستان کی انتظامی تقسیم	خطۂ پنجاب
ضلع	سیالکوٹ
ضلع سیالکوٹ	ڈسکہ
منطقۂ وقت	پاکستان کا معیاری وقت (UTC+5)

مزار آلو مہار

آلومہار شریف سرزمین اولیاء ڈسکہ سے سیالکوٹ جاتے ہوئے چارپانچ میل کے فاصلے پر لہلہاتے کھیتوں کے درمیان واقع ہے جس کے ساتھ ہی مشہورنہر موترہ ہے اسی نہر کی وجہ سے اڈا موترہ ہے، بھیلو مہار اڈا پر اتر کر آلو مہار شریف جانا پڑتا ہے مغربی جانب نہر لوئر چناب واقع ہے یہ جگہ مشائخ آلو مہار کی وجہ سے شہرت رکھتی ہے ان مشائخ سید محمد جیون شاہ، سید محمد چنن شاہ نوری، سید محمد امین شاہ، سید محمد حسین شاہ، سید خالد حسن شاہ اور سید فیض الحسن شاہ کے مزارات جنوب مغربی کونے میں واقع ہیں وجہٴ تسمیہ یہ ہے کہ مہارجٹ برادری کی ایک ذات کا نام ہے، جبکہ آلو، واضح رہے کہ یہ آلو سبزی کے وزن پر نہیں بولا جاتا، بلکہ لو لگنے والی لو کے وزن پر آلو ہے، آلو اور بھیلو مہار ذات کے دو بھائی تھے جن کہ ناموں پر یہ دو گاؤں آلو مہار اور بھیلو مہار بسے ہوئے ہیں۔ ان دونوں گاؤں میں اب بھی زیادہ تر مہار ذات کے لوگ آباد ہیں۔ دونوں گاؤں ایک دوسرے کے آمنے سامنے سڑک کے دونوں طرف آباد ہیں۔ آلو مہار کو شریف وہاں ایک مشہور بزرگ " پیر فیض الحسن شاہ قادری "کے مزار کی وجہ سے کہا جاتا ہے۔