اضطراب کا عارضہ
| اضطراب کا عارضہ | |
|---|---|
 | |
| چیخ (نارویجن: Skrik ) نارویجن آرٹسٹ ایڈورڈ منچ کی ایک پینٹنگ [1] | |
| تخصص | نفسیات, کلینیکل نفسیات |
| علامات | پریشانی, دل کی تیز دھڑکن, لرزش [2] |
| طبی پیچیدگیاں | میجرڈپریسیو ڈس آرڈر،سونے میں دشواری زندگی کا ناقص معیار , خودکشی[3] |
| عمومی ہدف | 15–35 سال کے درمیان[4] |
| دورانیہ | > 6 مہینے[2][4] |
| سبب | جنیاتی/موروثی اور ماحولیاتی عوامل [5] |
| قابل تشویش | بچپن میں بدسلوکی,, خاندانی ہسٹری, غربت[4] |
| تشخیصی طریقہ | نفسیاتی تشخیص، نفسیاتی جانچ |
| تفریقی تشخیص | ہائپرتھائیرائیڈزم; دل کا عارضی; کیفین, شراب, بھنگ ; عض منشیات سے دستبرداری[4][6] |
| معالجی تدابیر | طرز زندگی میں تبدیلیاں, مشاورت, ادویات[4] |
| علاج | اینٹی ڈپریسنٹس, دافع اضطراب, بیٹا بلاکرز[5] |
| تعدد | 12%سالانہ[4][7] |
اضطراب کا عارضہ ذہنی عوارض کا ایک گروپ ہے جن کی خصوصیت اضطراب اور خوف کے شدیداحساسات ہوتی ہے۔[2] بے چینی، مستقبل کے واقعات کے بارے میں تشویش، جبکہ خوف واقعات کا رد عمل ہے۔ [2] یہ احساسات جسمانی علامات میں ظاہر ہو سکتے ہیں، جیسے دل کی دھڑکن میں اضافہ اور لرزش۔ [2] اضطراب کے کئی اقسام ہیں، جن میں عمومی اضطراب ، مخصوص فوبیا ، سماجی اضطراب ، علاحدگی کا اضطراب ، کھلے مقامات میں جانے کا ڈرا ، گھبراہٹ اور منتخب گونگا پن شامل ہیں۔ [2] ہر عارضہ کے نتیجے میں مختلف علامات ظاہر ہوتی ہیں۔ [2] ایک فرد میں ایک سے زیادہ اضطرابی خرابی کی کیفیات ہو سکتی ہیں۔ [2]
جینیاتی اور ماحولیاتی عوامل کے امتزاج کو اضطراب کے عارضہ کی وجہ سمجھا جاتا ہے-[5] دیگر امکانات میں بچپن میں بد سلوکی، ذہنی امراض کی خاندانی ہسٹری اور غربت شامل ہیں۔ [4] اضطراب کی خرابی اکثر دیگر ذہنی امراض کے باعث بھی ہوتی ہے، خاص طور پر میجر ڈپریشن ، پرسنالٹی ڈس آرڈر اور منشیات کا استعمال - [4] تشخیص ہونے کے لیے، علامات کا کم از کم 6 ماہ تک موجود رہنا ضروری ہوتا ہے، جو کسی صورت حال کا اندازہ لگانے کے لیے کافی ہوتاہے،یہ عرصہ کسی شخص کی روزمر ہ کے کام کرنے کی صلاحیت کو کم کرسکتاہے۔ [2] [4] دیگر مسائل جن کے نتیجے میں ملتی جلتی علامات پیدا ہو سکتی ہیں ان میں ہائپر تھائیرائیڈزم دل کی بیماری؛ کیفین، الکحل یا بھنگ کا استعمال اور بعض ادویات سے دستبرداری شامل ہیں۔، [4] [6] اضطراب کے عارضہ کے باعث ہونے والی پریشانی اور خوف معمول کے خوف سے مختلف ہوتے ہیں، اضطراب کے باعث یہ بہت زیادہ یا مستقل بنیاد پر ہوتے ہیں۔ [2]
علاج کے بغیر اضطراب کا عارضہ ختم نہیں ہوتا ۔[2] [5] علاج میں طرز زندگی میں تبدیلیاں، مشاورت اور ادویات شامل ہو سکتی ہیں۔ کوگنیٹیو بی ہیورئل تھراپی اضطراب کے عارضہ کے علاج میں استعمال ہونے والی سب سے عام مشاورتی تکنیکوں میں سے ایک ہے۔ [4] ادویات، جیسے اینٹی ڈپریسنٹس ، بینزوڈیازپائنز یا بیٹا بلاکرز ، علامات کو بہتر بنا سکتے ہیں۔ [5]
ایک سال میں تقریباً 12 فیصد لوگ اضطراب کی خرابی سے متاثر ہوتے ہیں اور تقریباً 5سے 30 فیصد زندگی بھر متاثر رہتے ہیں۔ [7] یہ شرح عورتوں میں مردوں کے مقابلے میں تقریباً دوگنی ہوتی ہے۔ اس کی علامات عموماً 25 سال کی عمر سے پہلے شروع ہوتی ہیں [2] [4] عام طور پر کچھ مخصوص فوبیا ہیں، جو تقریباً 12 فیصد کو متاثر کرتے ہیں، مثلاسماجی اضطراب کی خرابی، جو 10 فیصد افراد کو متاثر کرتی ہے۔ [4]
فوبیا بنیادی طور پر 15 سے 35 سال کی عمر کے لوگوں کو متاثر کرتے ہیں اور 55 سال کی عمر کے بعد کم عام ہو جاتے ہیں ۔ دنیا کے دیگر حصوں کے مقابلے میں امریکا اور یورپ میں یہ شرحیں زیادہ دکھائی دیتی ہیں۔
حوالہ جات[ترمیم]
- ↑ Peter Aspden (21 April 2012)۔ "So, what does 'The Scream' mean?"۔ Financial Times۔ 14 اکتوبر 2013 میں اصل سے آرکائیو شدہ
- ^ ا ب پ ت ٹ ث ج چ ح خ د ڈ Diagnostic and Statistical Manual of Mental DisordersAmerican Psychiatric Associati. (5th ایڈیشن)۔ Arlington: American Psychiatric Publishing۔ 2013۔ صفحہ: 189–195۔ ISBN 978-0890425558
- ↑ "Anxiety disorders - Symptoms and causes"۔ Mayo Clinic (بزبان انگریزی)۔ 06 اپریل 2021 میں اصل سے آرکائیو شدہ۔ اخذ شدہ بتاریخ 23 مئی 2019
- ^ ا ب پ ت ٹ ث ج چ ح خ د ڈ ذ MG Craske، MB Stein (24 June 2016)۔ "Anxiety."۔ Lancet۔ 388 (10063): 3048–3059۔ PMID 27349358۔ doi:10.1016/S0140-6736(16)30381-6
- ^ ا ب پ ت ٹ "Anxiety Disorders"۔ NIMH۔ March 2016۔ 27 جولائی 2016 میں اصل سے آرکائیو شدہ۔ اخذ شدہ بتاریخ 14 اگست 2016
- ^ ا ب A Testa، R Giannuzzi، S Daini، L Bernardini، L Petrongolo، N Gentiloni Silveri (2013)۔ "Psychiatric emergencies (part III): psychiatric symptoms resulting from organic diseases" (PDF)۔ Eur Rev Med Pharmacol Sci (Review)۔ 17 Suppl 1: 86–99۔ PMID 23436670۔ 10 مارچ 2016 میں اصل (PDF) سے آرکائیو شدہ
- ^ ا ب Kessler (2007)۔ "Lifetime prevalence and age-of-onset distributions of mental disorders in the World Health Organization's World Mental Health Survey Initiative"۔ World Psychiatry۔ 6 (3): 168–76۔ PMC 2174588
۔ PMID 18188442
