الفریڈ مارشل (معاشیات)

الفریڈ مارشل (معاشیات)
(انگریزی میں: Alfred Marshall)
معلومات شخصیت
پیدائش	26 جولا‎ئی 1842ء   بیرمونڈسی ،  کلیپہیم ،  لندن
وفات	13 جولا‎ئی 1924ء (82 سال)  کیمبرج
شہریت	متحدہ مملکت برطانیہ عظمی و آئر لینڈ
رکن	رائل سویڈش اکیڈمی آف سائنسز ،  امریکی اکادمی برائے سائنس و فنون
عملی زندگی
مادر علمی	سینٹ جانز کالج مرچنٹ ٹیلرز اسکول جامعہ کیمبرج
پیشہ	ماہر معاشیات ،  فلسفی ،  استاد جامعہ
پیشہ ورانہ زبان	انگریزی
شعبۂ عمل	معاشیات ،  معیشت
ملازمت	جامعہ اوکسفرڈ ،  جامعہ کیمبرج ،  جامعہ برسٹل
اعزازات
ایڈم سمتھ انعام فیلو آف برٹش اکیڈمی

الفریڈ مارشل FBA (26 جولائی 1842ء ۔ 13 جولائی 1924ء)، ایک انگریز ماہر معاشیات تھے اور اپنے وقت کے سب سے زیادہ بااثر ماہر معاشیات میں سے ایک تھے۔ ان کی کتاب پرنسپلز آف اکنامکس (١٨٩٠ء) انگلینڈ میں کئی سالوں تک غالب اقتصادی درسی کتاب تھی۔ اس کتاب کے ذریعے طلب اور رسد کے نظریے، افادیت عامہ اور پیداواری لاگت کو ایک مربوط مجموعے کے طور پر لایا گیا۔ وہ نئی کلاسیکل معاشیات کے بانیوں میں سے ایک کے طور پر جانے جاتے ہیں۔

مارشل نے معاشیات کی تعریف ان الفاظ میں بیان کی ہے؛

"معاشیات میں انسان کے ان افعال کا مطالعہ کیا جاتا ہے جن کا تعلق روزمرہ معاملات سے ہے۔ یہ علم انسان کی انفرادی اور اجتماعی کوششوں کے اس حصے کا جائزہ لیتا ہے جس کا اس سے گہرا تعلق ہے کہ خوش حال زندگی کے مادی لوازمات کس طرح حاصل کیے جاتے ہیں اور انھیں کس طرح استعمال کیا جاتا ہے۔ پس معاشیات ایک طرف تو دولت کا علم ہے تو دوسری طرف خود انسانی زندگی کے ایک پہلو کا"۔