بین جونسن

بین جونسن
(انگریزی میں: Ben Jonson)
معلومات شخصیت
پیدائش	11 جون 1572ء   ویسٹ منسٹر ،  لندن
وفات	6 اگست 1637ء (65 سال)  لندن
مدفن	ویسٹمنسٹر ایبی
شہریت	مملکت انگلستان انگلستان
عملی زندگی
مادر علمی	ویسٹمنسٹر اسکول
پیشہ	ڈراما نگار ،  شاعر ،  مصنف ،  اداکار ،  ادبی نقاد
پیشہ ورانہ زبان	انگریزی
اعزازات
اعزازی ڈاکٹریٹ
دستخط
	IMDB پر صفحات

بین جونسن (انگریزی: Ben Jonson) ایک انگریز ڈراما نگار اور شاعر تھا۔ وہ مشہور معلم ولیم کیم ڈین کے محبوب شاگردتھے۔ 1597 سے پہلے انھوں نے اپنے والد کی تجارت میں ہاتھ بٹانے کے علاوہ  فلینڈرس میں بطور فوجی کئی سالوں تک خدمات انجام دیں۔  اسی برس انھوں نے  ڈراما نگاری کا آ‏غاز کیا۔ انھوں نے   کیتھولک نظریہ کو اپنایا جسے بعد میں ترک کر دیا۔ 1606 میں طنزیہ ناٹک  تحریر کرنے کی پاداش میں کچھ دنوں کے لیے جیل بھی گئے ۔ 1616 میں جیمس پنجم نے ان کے لیے وظیفہ مقرر کیا۔ 1618 میں انھوں نے سکاٹ لینڈ  کا سفر کیا جہاں ان کی ملاقات ڈرمنڈ آف ہاتھاڈین سے ہوئی  جنھوں نے ان کے ساتھ ہوئی گفتگو کو قلمبند کیا ہے۔  ان کا تقرر  کرونالازر آف لندن کے عہدے پر  1628 میں ہوا۔ اپنے گہرے مطالعے اور مستحکم شخصیت کے بنا پر  اپنے زمانے میں کافی مقبول تھے۔ ان کے معاصر ادبا یا تو ان کے دوست تھے یا رقیب۔

بین جونسن  اپنے طربیہ ڈراموں کے لیے مشہور ہیں۔ ان کی تخلیقات میں حقیقت پسندی  اور طنزیات کا سنگم دکھائی دیتا ہے، جن میں  جذبات کا سنجیدہ اظہار بھی ہے۔