عظیم حائل شعب

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
عظیم حائل شعب
عالمی ثقافتی ورثہ

The Great Barrier Reef lies off the coast of Queensland
ملک آسٹریلیا
قسم قدرتی
شرائط vii, viii, ix, x
حوالہ 154
علاقہ** ایشیا-کاہل
تاریخِ شمولیت
شمولیت 1981  (5-واں اجلاس)
* عالمی ثقافتی ورثہ کی فہرست میں مندرج نام
** یونیسکو کا علاقہ
گریٹ بیریئر ریف کا خلا سے منظر

عظیم حائل شعب (انگریزی: Great Barrier Reef) دنیا کا سب سے بڑا سنگی مرجانی چٹانوں کا نظام ہے جو 2900 انفرادی سنگستانوں اور 900 جزائر پر مشتمل ہے جو تقریباً 3 لاکھ 44 ہزار 400 مربع کلومیٹر کے علاقے میں 2600 کلومیٹر (1600 میل) تک پھیلے ہوئے ہیں۔ سنگی مرجانی چٹانوں کا یہ نظام آسٹریلیا کے شمال مشرقی میں کوئنزلینڈ کے ساحلوں پر بحیرۂ کورل میں موجود ہے۔

گریٹ بیریئر ریف کو خلاء سے دیکھا جا سکتا ہے اور یہ دنیا کا واحد سب سے بڑا ڈھانچہ ہے جو زندہ اجسام نے بنایا ہے۔ سنگی چٹانوں کو اربوں ننھے اجسام نے ترتیب دیا ہے جو 'کورل پولپ' کہلاتے ہیں۔ گریٹ بیریئر ریف متنوع حیات کا حامل ہے اور 1981ء میں اسے عالمی ثقافتی ورثہ قرار دیا گیا تھا۔ سی این این نے اسے دنیا کے 7 قدرتی عجائبات میں سے ایک قرار دیا تھا۔

اس علاقے میں گریٹ بیریئر ریف میرین پارک کے قیام سے علاقے کو انسان کی دستبرد سے محفوظ رکھنے میں مدد ملتی ہے جیسا کہ حد سے زیادہ ماہی گیری اور سیاحت۔ علاقے کو دیگر ماحولیاتی خطرات کا بھی سامنا ہے جیسا کہ پانی کے معیار میں کمی، موسمیاتی تبدیلی وغیرہ۔

یہ علاقہ سیاحوں میں بہت زیادہ مقبول ہے اور یہ علاقے کی ایک اہم اقتصادی سرگرمی ہے۔ ماہی گیری بھی علاقے کی اہم صنعت ہے جس سے ہر سال ایک ارب آسٹریلوی ڈالرز کی آمدنی ہوتی ہے۔

نگار خانہ[ترمیم]