لی شین لونگ

لی شین لونگ
(چینی میں: 李显龙)
مناصب
رکن پارلیمان سنگاپور
برسر عہدہ 22 دسمبر 1984  – 31 اگست 1991
رکن پارلیمان سنگاپور
آغاز منصب 31 اگست 1991
وزیراعظم سنگاپور (3 )
آغاز منصب 12 اگست 2004
گو چوک تونگ
معلومات شخصیت
پیدائش	10 فروری 1952 (71 سال)
شہریت	سنگاپور
جماعت	پیپلز ایکشن پارٹی (1984–)
زوجہ	ہو چنگ (1985–)
والد	لی کوان یئو
والدہ	کوا گیوک چو
بہن/بھائی	لی شین یانگ،  لی وے لنگ
عملی زندگی
مادر علمی	جامعہ کیمبرج ریاستہائے متحدہ آرمی کمانڈ اینڈ جنرل اسٹاف کالج جون ایف کینیڈذی سرکاری اسکول ٹرینٹی کالج، کیمبرج
پیشہ	سیاست دان،  فوجی افسر،  ریاضی دان
عسکری خدمات
عہدہ	جرنیل
اعزازات
اولمپک آرڈر
دستخط
	IMDB پر صفحات

لی شین لونگ (چینی: 李显龙؛ تمل: லீ சியன் லூங்؛ پیدائش 10 فروری 1952) ایک سنگاپوری سیاست دان جو 2004ء سے ملک کے تیسرے اور موجودہ وزیر اعظم ہیں۔ جب سابق وزیر اعظم گو چوک تونگ نے سینئر منسٹر بننے کے لیے پارٹی لیڈر کا عہدہ چھوڑ دیا تو لی نے پیپلز پارٹی ایکشن (پی اے پی) کی قیادت سنبھال لی۔ پھر لی کی سربراہی میں جماعت کو 2006ء، 2011ء اور 2015ء کے عام انتخابات میں فتح حاصل ہوئی۔ ان کی وزارت عظمیٰ کی موجودہ مدت سنگاپور کے تیرہویں پارلیمان کے آغاز کے بعد 15 جنوری 2016ء کو شروع ہوئی۔ لی سنگاپور کے پہلے وزیر اعظم لی کوان یئو کے سب سے بڑے صاحبزادے ہیں۔

پس منظر

لی شین لونگ 10 فروری 1952ء کو لی کوان یئو اور ان کی بیوی کوا گیوک چو کے ہاں پیدا ہوئے۔ ان کی پردادی چوا چم نیو ایک چینی الاصل خاتون تھی اور ان کی والدہ کے آباو اجداد بھی شیامین، فوجیان، چین سے آئے تھے۔ لی کوان یئو کی سوانح حیات کے مطابق چھوٹے لی پانچ سال کی عمر میں جوی رسم الخط سیکھ چکے تھے اور انہیں ہمیشہ سے سنگاپور کے امور میں دلچسپی تھی۔

تعلیم

لی نے ابتدائی تعلیم ننیانگ پرائمری اسکول سے اور ثانوی تعلیم کیتھولک ہائی اسکول، سنگاپور سے حاصل کی اس کے بعد مزید تعلیم نیشنل جونیئر کالج سے حاصل کی، یہیں سے انہوں نے ایسوسی ایٹ پروفیسر ہو وی لونگ سے کلاری نٹ (clarinet) بجانا سیکھی۔ سنہ 1971ء میں انہیں پبلک سروس کمیشن نے صدارتی وظیفہ اور سنگاپور مسلح افواج سمندرپار وظیفہ دیا تاکہ وہ ٹرینیٹی کالج، کیمبرج سے ریاضی کی تعلیم پڑھ سکیں۔ وہ سنہ 1973ء میں سینئر رینگلر تھے، اور سنہ 1974ء میں ریاضی میں بیچلر آف آرٹس اور کیمبرج یونیورسٹی سے ہی کمپیوٹر سائنس میں ڈپلومہ کیا۔ سنہ 1980ء میں جان ایف کینیڈی اسکول آف گورنمنٹ، ہارورڈ یونیورسٹی سے ماسٹر آف پبلک ایڈمنسٹریشن کی تعلیم حاصل کی۔