محمد عاصم بٹ

آزاد دائرۃ المعارف، ویکیپیڈیا سے
Jump to navigation Jump to search
محمد عاصم بٹ
New asim.jpg
 

معلومات شخصیت
رہائش لاہور  ویکی ڈیٹا پر (P551) کی خاصیت میں تبدیلی کریں
عملی زندگی
مادر علمی گورنمنٹ کالج یونیورسٹی لاہور  ویکی ڈیٹا پر (P69) کی خاصیت میں تبدیلی کریں
پیشہ ماہرِ لسانیات،  مصنف  ویکی ڈیٹا پر (P106) کی خاصیت میں تبدیلی کریں

محمد عاصم بٹ اردو کے ناول نگار، افسانہ نگار، مدیر، نقاد اور مترجم ہیں۔ نئے لکھنے والوں میں آپ کا اختصاص جدید انسان کے مسائل اور رویوں کی عکاسی ہے۔

ابتدائی زندگی[ترمیم]

محمد عاصم بٹ لاہور میں پیدا ہوئے۔ گورنمنٹ کالج یونیورسٹی لاہور پاکستان سے فلسفہ کے مضمون میں ایم اے کرنے کے بعد انگریزی صحافت میں کیریئر کا آغاز کیا۔ مختلف انگریزی اور اردو اخباروں کے ساتھ وابستہ رہے۔ تاہم چند سال اس شعبے میں گزارنے کے بعد انسانی حقوق کے لیے کام کرنے والے غیر سرکاری اداروں سے وابستگی اختیار کی۔ 1996ء سے آپ سرکاری ملازم ہیں اور اکادمی ادبیات پاکستان کے ساتھ بطور مدیر "سہ ماہی ادبیات" کام کیا اور آج کل اکادمی میں ریذیڈنٹ ڈائریکٹر لاہور ہیں۔

ادبی سفر[ترمیم]

محمد عاصم بٹ نے ادبی زندگی کی شروعات شاعری سے کی۔ تاہم جلد ہی میلان طبع کی وجہ سے کہانی کاری کی طرف متوجہ ہوئے۔ پہلی کہانی 1989ء میں ماہنامہ "ماہ نو" میں شائع ہوئی۔ 1998ء میں کہانیوں کا پہلا مجموعہ "اشتہار آدمی" اور 2009ءمیں دوسرا مجموعہ "دستک" کے نام سے چھپا۔ 2001ء میں ناول "دائرہ" شائع ہوا۔ عالمی ادب پر گہری نگاہ رکھتے ہیں۔ سیموئل بیکٹ کے شہرہ آفاق ڈرامے "گوڈو کے انتظار میں" کے علاوہ کافکا اور بورخیس کی کہانیوں اور جاپانی کہانیوں کے انتخاب کو بھی اردو میں ترجمہ کیا۔ محمد عاصم بٹ کی اب تک دو درجن کے قریب کتابیں چھپ چکی ہیں۔ اردو کے ساتھ ساتھ انگریزی میں بھی لکھتے ہیں۔

اعزازات[ترمیم]

نیشنل یونیورسٹی آف ماڈرن لینگوئجز، اسلام آباد، اسلامک انٹرنیشنل یونیورسٹی، اسلام آباد، پنجاب یونیورسٹی، لاہور، گورنمنٹ کالج یونیورسٹی، لاہور، سرگودھا یونیوسٹی، ایجوکیشن یونیورسٹی لاہور، کے اردو زبان و ادب کے شعبوں میں محمد عاصم بٹ کی فکشن نگاری پر ایم اے ، ایم فل اور ایم ایس کی سطح پر تحقیقی مقالے لکھے گئے ہیں۔

"تین نئے ناول نگار"کے عنوان سے ایک کتاب شائع ہوئی ہے جس میں محمد عاصم بٹ کی ناول نگاری پر طویل مقالہ شامل ہے- تحریر روبینہ سلطان، پبلشر: دستاویز مطبوعات، لاہور 2012، اشاعت اول

محمد عاصم بٹ کے ناول ’ناتمام‘ کو ’یوبی ایل ایوارڈ برائے سال ۲۰۱۵ میں فکشن کی کیٹگری میں بہترین کتاب کا انعام ملا۔ اسی ناول نے عکس خوش بو پروین شاکر ایوارڈ بھی جیتا۔

تصنیفات[ترمیم]

فکشن[ترمیم]

  • اشتہار آدمی (کہانیوں کا مجموعہ) 1998
  • دائرہ (ناول) 2001
  • دستک (کہانیوں کا مجموعہ) 2009
  • ناتمام (ناول) 2014
  • بھید (ناول) 2018

تراجم[ترمیم]

  • کافکا کہانیاں (فرانز کافکا کی کہانیوں کے تراجم)، 1993 [1] [2] [3]
  • سو عظیم آدمی (مائیکل ہارٹ کی کتاب ’دی ہنڈرڈ‘کا ترجمہ)، 1993 [4] [5]
  • توہمات کی دنیا (کارل سیگاں کی کتاب کا ترجمہ)، مشعل، لاہور، پاکستان، 2002
  • بورخیس کہانیاں (خورخے لوئیس بورخیس کی کہانیوں کا ترجمہ) 2018 [6]
  • جاپانی کہانیاں (انتخاب و ترجمہ) 2019 [7]
  • مختصر تاریخ عالم ، تخلیقات پبلشرز ، پاکستان ،1995 [8]
  • مارکو پولو کا سفرنامہ ، تخلیقات پبلشرز ، لاہور ، پاکستان ، 1999
  • محمد (کیرن آرمسٹرانگ کی کتاب کا ترجمہ)، تخلیقات پبلشرز ، لاہور ، پاکستان ، 2002
  • بے موسم کے پھول (جاپانی کہانیوں کا انتخاب)
  • صارف نامہ (صارف حقوق کا تعارف)، تحفظ صارف نیٹ ورک ، اسلام آباد ، 2004
  • فیڈیلیو (لڈوگ وین بیتھو وین کا واحد اوپیرا)، اسلام آباد ، 2011
  • تعلیم کا لبرل نقطہ نظر (لبرل ریڈنگز آن ایجوکیشن کا ترجمہ) [9] ، اسلام آباد ، پاکستان ، 2012


اردو سے انگریزی[ترمیم]

  • Story of Four Saints (قصہ چہار درویش کا انگریزی روپ)، نیشنل بک فاؤنڈیشن اسلام آباد 2016 [10]

زیر طبع کتابیں[ترمیم]

حوالہ جات[ترمیم]

  1. Saeed، Saadat. "Kafka: the Pioneer of New Story". [مردہ ربط]
  2. Farrukhi، Asif (29 September 2013). "REVIEW: Kafka metamorphoses into Urdu". DAWN.COM. اخذ شدہ بتاریخ 15 اپریل 2019. 
  3. "Can you break NCC field records in 100m, 200m, 400m sprints in Karachi?". www.thenews.com.pk. 30 October 2015. اخذ شدہ بتاریخ 15 اپریل 2019. 
  4. Butt، M Asim. ""100" The Hundred Most Influential Persons in History". 
  5. http://urdunovelspk.com/?p=6059[مردہ ربط]
  6. Butt، M Asim. "Borgese Kahanian". 09 مارچ 2019 میں اصل سے آرکائیو شدہ. اخذ شدہ بتاریخ 25 جولا‎ئی 2020. 
  7. Butt، M Asim. "Japani Kahaniyan / جاپانی کہانیاں". 
  8. Butt، Muhammad Asim. "Mukhtasar Tareekh-e-Alam". 04 مارچ 2016 میں اصل سے آرکائیو شدہ. اخذ شدہ بتاریخ 27 ستمبر 2012. 
  9. Melnik، Stefan؛ Tamm، Sascha. "Liberal Readings on Education" (PDF). 
  10. Butt، Muhammad Asim (4 September 2016). The Story of the Four Saints. ISBN 978-1537500676. 
  • Asad, Altaf Hussain (دسمبر 2010)۔ "Soul of an Era: Review of Dastak"۔ Literati (The News on Sunday)۔
  • Butt, Muhammad Asim (16 جون 2002)۔ "Reviews: Empowering Women"۔ Dawn.
  • Saeed, Saadat. "Kafka: the Pioneer of New Story"۔ A review of Butt's translation of Kafka
  • "Foundation of SAARC Writers and Literature"۔
  • Javed, Kazy (مارچ 2010)۔ "A Word About Letters"۔ Literati.
  • Javed, Kazy. "English history of Punjabi literature"۔