محمد عثمان ڈیپلائی

آزاد دائرۃ المعارف، ویکیپیڈیا سے
Jump to navigation Jump to search
محمد عثمان ڈیپلائی
پیدائش 13 جون 1908(1908-06-13)ء

ڈیپلو، ضلع تھر پارکر، سندھ، برطانوی ہندوستان (موجودہ پاکستان)
وفات 7 فروری 1981(1981-20-07) (عمر  72 سال)
قلمی نام محمد عثمان ڈیپلائی
پیشہ ناول نگار، افسانہ نگار، صحافی ، ڈراما نویس، مترجم
زبان سندھی، اردو
نسل سندھی
شہریت Flag of پاکستانپاکستانی
نمایاں کام سانگھڑ
گلستان حسن
اسلام تے مقدمو
گمراہ مسافر
مجاہد کشمیر
بلبل ایران
اہم اعزازات صدارتی اعزاز برائےحسن کارکردگی

محمد عثمان ڈیپلائی (انگریزی: Muhammad Usman Diplai) (پیدائش: 13 جون، 1908ء - وفات: 7 فروری، 1981ء) پاکستان سے تعلق رکھنے والے سندھی اور اردو زبان کے مشہور و معروف ناول نگار، افسانہ نگار، مترجم، ڈراما نویس اور صحافی تھے جنہوں نے سندھی زبان میں شہرۂ آفاق ناول سانگھڑ تحریر کیا۔

حالات زندگی[ترمیم]

محمد عثمان ڈیپلائی 13 جون، 1908ء کو ڈیپلو، ضلع تھر پارکر، سندھ، برطانوی ہندوستان (موجودہ پاکستان) میں پیدا ہوئے[1][2]۔ وہ کسی درس گاہ کے فارغ التحصیل نہیں تھے لیکن بچپن ہی سے انہیں علم حاصل کرنے کی لگن تھی۔[2]

ادبی خدمات[ترمیم]

محمد عثمان ڈیپلائی نے بچپن ہی سے سندھی اور اردو زبان میں کہانیاں لکھنی شروع کر دیں۔ انہوں نے لاتعداد علمی اور ادبی مضامین اور سو کے لگ بھگ تاریخی ناول تحریر کیے جن میں ان کا ناول سانگھڑ شہرۂ آفاق حیثیت رکھتا ہے۔ اس ناول میں صوبہ سندھ میں انگریز سامراج کے خلاف پیر صبغت اللہ شاہ راشدی اور ان کے حواریوں کی آزادی کے لیے جدوجہد کو موضوع بنایا گیا ہے۔[2]

محمد عثمان ڈیپلائی سندھی کے ایک کثیر الاشاعت اخبار روزنامہ عبرت کے بانی تھے۔ انہوں نے آزادی صحافت کی خاطر قید و بند کی صعوبت بھی برداشت کی۔ اپنے آخری زمانے میں وہ ایک ماہوار ادبی جریدے سانٹریہہ (وطن) کے ساتھ انگریزی روزنامہ سندھ ٹائمز کے مدیر بھی تھے۔[2]

تصانیف[ترمیم]

  • سانگھڑ (ناول)
  • گلستان حسن (ناول)
  • اسلام تے مقدمو (ڈراما)
  • گمراہ مسافر (ناول)
  • مجاہد کشمیر (ناول)
  • بلبل ایران (ناول)
  • عید جو چنڈ (ناول)
  • درد جو شہر (افسانے)
  • سنگدل شہزادی (ناول)
  • آخری امید
  • وطن فروش (کہانی)
  • شاہ جے رسالے جو رہبر (لطیفیات)
  • مجاہد مصر (ناول)
  • غازی اورنگ زیب عالمگیر
  • درگاہ شریف

ادارت[ترمیم]

  • روزنامہ عبرت (سندھی) حیدرآباد، سندھ
  • روزنامہ سندھ ٹائمز (انگریزی) حیدرآباد
  • ماہوار ادبی جریدہ سانٹریہہ (وطن)

محمد عثمان ڈیپلائی کے فن و شخصیت پر کتب[ترمیم]

اعزازات[ترمیم]

محمد عثمان ڈیپلائی کو حکومت پاکستان کی جانب سے ان کی وفات کے بعد صدارتی اعزاز برائے حسن کارکردگی کے اعزاز سے نوازا گیا۔[2]

وفات[ترمیم]

محمد عثمان ڈیپلائی 7 فروری، 1981ء کو وفات پا گئے۔[1][2]

حوالہ جات[ترمیم]