پال ایلن

پال ایلن
(انگریزی میں: Paul Allen)
معلومات شخصیت
پیدائشی نام	(انگریزی میں: Paul Gardner Allen)
پیدائش	21 جنوری 1953ء   سیاٹل
وفات	15 اکتوبر 2018ء (65 سال)  سیاٹل
طرز وفات	طبعی موت
رہائش	مرسر جزیرہ، واشنگٹن
شہریت	ریاستہائے متحدہ امریکا
رکن	امریکی اکادمی برائے سائنس و فنون
عملی زندگی
مادر علمی	واشنگٹن اسٹیٹ یونیورسٹی ہارورڈ یونیورسٹی
پیشہ	موجد ،  کمپیوٹر سائنس دان ،  فلم ساز ،  موسیقار ،  کارجو ،  کاروباری شخصیت ،  میوزک پروڈیوسر ،  نغمہ ساز ،  آرٹ کولکٹر ،  ٹی وی پروڈیوسر ،  پروگرامر ،  انسان دوست ،  سرمایہ کار
پیشہ ورانہ زبان	انگریزی
شعبۂ عمل	کمپیوٹر پروگرامنگ
ملازمت	مائیکروسافٹ
کھیل	امریکی فٹ بال
اعزازات
فیلو آف امریکن اکیڈمی آف آرٹ اینڈ سائنسز
ویب سائٹ
ویب سائٹ	باضابطہ ویب سائٹ
	IMDB پر صفحات

پال ایلن گارڈنر ایک امریکی کاروباری شخصیت، سرمایہ کار اور مخیر تھے۔ انھوں نے 1975ء میں بل گیٹس کے ساتھ مل کر مائیکروسافٹ قائم کیا تھا۔ وفات کے وقت اندازہ لگایا جا رہا تھا کہ وہ دنیا 46ویں امیر ترین شخص ہیں جن کی کل دولت $20.3 بلین ہے جن میں سے مائیکروسافٹ کے 100 ملین شیئرز بھی شامل ہیں۔

پال ولکن انکارپوریشن (Vulcan Inc) کے بانی اور چیئرمین تھے۔ پال ٹیکنالوجی اور میڈیا کمپنیوں، سائنسی تحقیق، جائداد کی خرید و فروخت، نجی خلائی پرواز سٹّا بازوں اور دیگر کمپنیوں میں کئی بلین ڈالر کی سرمایہ کاری کر چکے تھے۔ وہ دو پیشہ ور کھیلوں کی ٹیموں کے مالک تھے: نیشنل فٹبال لیگ کی سیاٹل سی ہاکس اور نیشنل باسکٹ بال ایسوسی ایشن کی پورٹ لینڈ ٹریل بلیزرز اور سیاٹل ساؤنڈرز ایف سی کے بانیان میں سے ایک تھے۔

وہ ایلن انسٹی ٹیوٹ فار برین سائنس، انسٹی ٹیوٹ فار آرٹیفشل انٹیلی جنس، انسٹی ٹیوٹ فار سیل سائنس اور اسٹریٹولانچ سسٹم کے بھی بانی تھی۔ انھوں نے تعلیم، جنگلی حیات، ماحولیاتی تحفظ، فنون، صحت کی دیکھ بھال، عوامی خدمات کے لیے $2 بلین سے زیادہ پیسے عطیہ کیے تھے۔ انھوں نے بے شمار انعامات اور اعزازات حاصل کیے اور 2007ء و 2008ء میں ”ٹائم“ جریدے نے ان کو اپنی 100 انتہائی متاثر کن شخصیات کی فہرست میں بھی شامل کیا تھا۔

وفات

پال ایلن کا انتقال 15 اکتوبر 2018ء کو ان کے آبائی شہر سیاٹل میں خون کے سرطان کی ایک قسم نان ہاجکنز لیمفومیا (non-Hodgkin's lymphoma) کے باعث ہوا۔ ان کی عمر 65 برس تھی۔