کاربو ہائیڈریٹ

آزاد دائرۃ المعارف، ویکیپیڈیا سے
Jump to navigation Jump to search
کاربوہائیڈریٹ سے بھرپور غذائیں

نشاستہ' کیمیائی سالمات کے گروہ ہوتے ہیں۔ یہ عام طور پر کاربن، ہائیڈروجن اور آکسیجن پر مشتمل ہوتے ہیں۔ اسی لیے انہیں اردو میں بھی کاربوہائیڈریٹ کہا جاتا ہے۔

یہ جسم میں توانائی فراہم کرتے ہیں، بلکہ جسم کو توانائی فراہم کرنے والے اہم ترین اجزاء بھی یہی ہیں۔ شکر اور نشاستہ درحقیقت کاربو ہائیڈریٹس کے مرکبات ہی ہوتے ہیں۔ ان کا اہم کام پودوں، جانوروں اور انسانوں کو توانائی فراہم کرنا ہوتا ہے۔ پودے انہیں سورج کی روشنی اور دیگر قدرتی وسائل کی مدد سے از خود تیار کرتے ہیں۔ انسان اور جانور کاربوہائیڈریٹس، غذا کے ذریعے حاصل کرتے ہیں۔

تمام کاربوہائیڈریٹس کے سالمات ہمارے جسم میں پہنچ کر سادہ شکر میں ٹوٹ جاتے ہیں، جسے گلوکوز کہتے ہیں۔ یہ گلوکوز ہمارے لیے توانائی فراہم کرتا ہے۔ اضافی کاربو ہائیڈریٹس جسم کے جگر اور پٹھوں میں گلائکوجن کی شکل میں جمع ہو جاتے ہیں۔ پودوں میں یہ سیلولوز اور نشاستے کی شکل میں پائے جاتے ہیں۔ کاربوہائیڈریٹس زیادہ تر چینی، چاول اور آٹے وغیرہ میں موجود ہوتے ہیں۔