گل حسن کلمتی

گل حسن کلمتی
معلومات شخصیت
پیدائش	5 جولا‎ئی 1957ء   گڈاپ ٹاؤن ،  گڈاپ ٹاؤن ،  کراچی
وفات	17 مئی 2023ء (66 سال)  کراچی
وجہ وفات	سرطان
طرز وفات	طبعی موت
شہریت	پاکستان
عملی زندگی
مادر علمی	جامعہ کراچی
تعلیمی اسناد	ایم اے
پیشہ	مورخ ،  مصنف ،  محقق ،  سفرنامہ نگار
پیشہ ورانہ زبان	سندھی ،  بلوچی ،  انگریزی ،  اردو
باب ادب

گل حسن کلمتی (پیدائش: 5 جولائی 1957ء - وفات: 17 مئی 2023ء ) پاکستان سے تعلق رکھنے والے سندھی اور اردو زبان کے نامور مورخ، صحافی، سفرنامہ نگار اور سماجی کارکن تھے۔ وہ 5 جولائی 1957ء کو گوٹھ گولاپ، گڈاپ، کراچی، پاکستان میں پیدا ہوئے۔ انھوں نے 1983ء میں جامعہ کراچی سے شعبہ صحافت سے ایم اے کی سند حاصل کی تھی۔ انھوں نے اپنی پیشہ ورانہ زندگی کا آغاز اسکول کے معلم کی حیثیت سے کیا۔ پھر کراچی ڈسٹرکٹ کونسل میں ملازمت اختیار کی۔ انھوں نے 11کتابیں تحریر کیں۔ انھوں نے کراچی اور اس کے مضافاتی علاقوں اور بلوچستان کے بارے میں تحقیق کی۔ کراچی کی تاریخ پر اتھارٹی مانے جاتے تھے۔انھوں نے کراچی کی قدیم تاریخ کو اپنا موضوع بنایا۔ملیر، گڈاپ ، لیاری، لسبیلہ اور مکران کے علاقوں پر خاص طور پر تحقیق کی۔ گل حسن نے ان علاقوں کے قدیم مقامات کے بارے میں تفصیل سے لکھا۔ ان کی کراچی کی تاریخ، ثقافت اور معلومات پر مشتمل کتاب کراچی سندھ جی ماروی کو بہت زیادہ مقبول ہوئی۔ ڈاکٹر امجد سراج میمن نے اس کتاب کا انگریزی میں ترجمہ کراچی گلوری آف ایسٹ کے نام سے کیا جسے انڈومنٹ فنڈ ٹرسٹ کراچی نے شائع کیا ہے۔ سینئر صحافی اور سفرنامہ نگار رضا علی عابدی کی کتاب شیر دریا کا سندھی زبان میں ترجمہ بھی کیا۔ گل حسن کلمتی 17 مئی 2023ء کو کینسر کے مرض میں مبتلا ہو کر کراچی، پاکستان میں انتقال کر گئے۔