گوتم اڈانی

گوتم اڈانی
معلومات شخصیت
پیدائش	24 جون 1962ء (62 سال)  احمد آباد
شہریت	بھارت
زوجہ	پریتی اڈانی
عملی زندگی
مادر علمی	جامعہ گجرات (بھارت)
پیشہ	کاروباری شخصیت،  کمپنی منیجر
کل دولت
اعزازات
ٹائم 100  (2022)
ویب سائٹ
ویب سائٹ	باضابطہ ویب سائٹ

گَوتَم شَانْتِلَال اَدَاݨِی (ہندی: गौतम शान्तिलाल अदाणी) (پیدائش 24 جون، 1962ء) ایک بھارت کے ارب پتی صنعت کار ہیں جو اڈانی گروپ کے صدر نشین اور بانی ہیں۔ یہ ایک احمد آباد گجرات میں قائم مختلف النوع کاروباروں کی کمپنی ہے جو جدید طور پر بندر گاہوں اور طیران گاہوں کے حصول اور ان کے انتظامات کے لیے جانی جاتی ہے۔ اداݨی اپنے ہی نام سے قائم اڈانی فاؤنڈیشن کے صدر بھی ہیں، جس کی قیادت زیادہ تر ان کی بیوی پریتی اڈانی کرتی ہے۔

اداݨی گروپ کی تشکیل گوتم اداݨی نے 1988ء میں کی اور اپنے کاروبار کو وسائل، حمل و نقل، توانائی، زراعت، دفاع اور فضائی پروازوں کے ساتھ ساتھ دیگر کئی شعبہ جات میں توسیع کی۔ فوربز کے مطابق اداݨی خاندان کی خالص ملکیت $73 بلین امریکی ڈالر کے برابر ہے، جیسا کہ 2 جون، 2021ء کو دیکھا گیا۔ وہ ایشیا کے دوسرے متمول ترین شخص ہیں اور دنیا بھر میں پندرہویں مال دار شخص ہیں، جیسا کہ فوربز نے 2021ء میں جائزہ لیا۔ , 2018ء کی اطلاعات کے مطابق وہ اڈانی پورٹز اینڈ ایس ای زیڈ میں 66%، اداݨی پَوَر (بجلی) میں 73% اور اڈانی ٹرانسمیشن (بجلی کی سربراہی) میں 75% حصے داری رکھتے ہیں۔

مزید دیکھیے

• اڈانی گروپ