الیاس احمد گدی

الیاس احمد گدی
معلومات شخصیت
پیدائش	24 اپریل 1934ء   دھنباد ضلع ،  جھارکھنڈ ،  برطانوی ہند
وفات	27 جولا‎ئی 1997ء (63 سال)  جھریا ،  دھنباد ضلع
شہریت	برطانوی ہند بھارت
عملی زندگی
پیشہ	ناول نگار ،  افسانہ نگار
پیشہ ورانہ زبان	اردو
اعزازات
ساہتیہ اکادمی ایوارڈ   (برائے:فائر ایریا ) (1996)
باب ادب

الیاس احمد گدی بھارت سے تعلق رکھنے والے ناول نگار، سفرنامہ نگار اور افسانہ نگار تھے، وہ 24 اپریل 1934ء کو جھریا، ضلع دھنباد، جھارکھنڈ، برطانوی ہندوستان میں پیدا ہوئے۔ انھوں نے اپنی ادبی زندگی کا آغاز ایک افسانہ سُرخ نوٹ لکھ کر شروع کیا جو ماہنامہ افکار بھوپال 1948ء میں شائع ہوا تھا۔ان کے دو افسانوی مجموعے آدمی (1980ء) اور تھکا ہوا دن (1989ء) میں شائع ہو کر ادبی دنیا سے داد حاصل کر چکے ہیں۔ اس کے علاوہ ان کے تین ناول زخم(1953ء)، مرحم(1954ء)اور فائر ایریا(1994ء) شائع ہو چکے ہیں۔ ناول فائر ایریا ان کی شہرت کا باعث بنا۔ انھوں نے اپنی تحریروں میں مزدو، ناچار، بے بس اور دبے کچلے ہوئے انسانوں کے مسائل کو بھرپور انداز میں پیش کیا ہے۔ انھیں ان کے ناول فائر ایریا پر ساہتیہ اکیڈمی کی جانب سے 1996ء میں ساہتیہ اکیڈمی اعزاز برائے اردو ادب عطا کیا گیا۔ الیاس احمد گدی 27 جولائی 1997ء کو جھریا، ضلع دھنباد، بھارت میں وفات کر گئے۔