ریا سین

ریا سین
(بنگالی میں: রিয়া সেন)
معلومات شخصیت
پیدائشی نام	(انگریزی میں: Riya Dev Sen)
پیدائش	24 جنوری 1981ء (43 سال)  کولکاتا
شہریت	بھارت
والدہ	مون مون سین
بہن/بھائی	رائما سین
عملی زندگی
مادر علمی	جامعہ کلکتہ
پیشہ	ماڈل ،  ادکارہ
پیشہ ورانہ زبان	بنگلہ ،  ملیالم
	IMDB پر صفحہ

ریا سین (پیدائشی نام ریا دیو سین ؛ پیدائش 24 جنوری 1981 ) ایک ہندوستانی اداکارہ اور ماڈل ہے۔ ریا سین ہندوستان کے ایک اداکاراوں کے خاندان میں پیدا ہوئی، اس کی نانی سُچترا سین ، ماں مون مون مون سین اور بہن ریما سین بھی اداکارائیں تھیں۔ ریا سین نے اپنی فنی زندگی کا آغاز 1991 میں فلم وِش کنیا میں بطور بچی اداکارہ سے کیا تھا۔ اس کی پہلی فلمی کامیابی 2001 ہدایتکار این0چندرا کی کم بجٹ ہندی فلم سٹائل سے ہوئی تھی۔ اس کے علاوہ اس کے دیگر قابل ذکر فلموں میں پروڈیوسر پریتیش ناندے کی ہندی-انگریزی میوزیکل فلم جھنکار بیٹس (2003) ، شادی نمبر 1 (2005) اور ملیالم خوفناک فلم انانتھابھادرم (2005) ہیں۔

ایک ماڈل کی حیثیت سے ریا سین کو شہرت اس وقت ملی جب اس نے 1998 میں سولہ برس کی عمر میں فالگنی پاٹھک کی موسیقی فلم “ یاد پیا کی آنے لگی “ میں کام کیا تھا۔ اور تب سے اب تک ریا سین موسیقی فلموں ، ٹیلی وژن اشتہارات ، فیشن شو میں کام کر رہی ہے اور مختلف میگزینوں کے سرورق پر شائع ہوتی ہے۔ ریا سین نے ایک فلاحی متحرک کے طور پر بھی کام کیا اور ایڈز آگاہی مہم کی موسیقی فلم میں اس بیماری کے بارے میں روایتی نظریات کی نفی کے لیے کام کیا۔ اس کے علاوہ اس نے بچوں کے امراض چشم کے لیے عطیات جمع کرنے میں بھی حصہ لیا۔

اداکاری

ریا سین نے 1991 میں بچی اداکارہ کی حیثیت سے اپنے فنی سفر کا آغاز کیا اور فلم وِش کنیا میں پوجا بیدی کے بچپن کا کردار ادا کیا۔ سال 2000 میں ریا نے 19 برس کی عمر میں ریا نے نیشنل فلم ایوارڈ یافتہ ہدایتکار بھرتھراجا کی تامل فلم تاج محل میں کام کیا لیکن کاروباری طور پر یہ فلم کامیاب نہ ہو سکی تھی۔

غیر ہندی فلمیں

ریا سین نے ہندی زبان کے علاوہ ہندوستان کی دوسری زبانوں کی فلموں مثلاً تیلگو، ملیالم، بنگالی اور تامل میں بھی کام کیا۔ اس کے علاوہ اس نے انگریزی فلم میں بھی اداکاری کی۔

ماڈلنگ

لیک می ہفتہ فیشن میں, 2011

معروف گلوکاروں کی موسیقی فلموں میں ماڈلنگ کرنے سے ریا سین ایک مشہور اور کامیاب ماڈل بن گئی۔ جن میں فالگنی پاٹھک کا “یاد پیا کی آنے لگی” یا “چوڑی جو کھنکی”، آشا بھوسلے کا “جھمکا گرا رے”، جگجیت اور بھوسلے کے “ جب سامنے تم “ اور “ کہیں کہیں سے” ، لتا منگیشکر ، بھونسلے اور سنگھ کا “ دل کہیں ہوش کہیں “، سونو نگم کا “ جینا ہے تیرے لیے” اور شان کا “ سوٹا مارو” شامل ہیں۔

نجی زندگی اور خاندان

ریاسین (دائیں) اور ریما سین (بائیں)

مغربی بنگال کے شہر کلکتہ میں 24 جنوری 1981 کو پیدا ہونے والی ریا سین ، ماضی کی معروف اداکارہ مون مون سین کی بیٹی ہے۔ اور بنگالی سینیما کی لیجنڈ اداکارہ سُچترا سین کی نواسی ہے۔ اس کی بہن ریما سین بھی ایک اداکارہ ہے۔ ریا سین کے والد بھارت دیو ورما تری پورہ کے شاہی خاندان سے ہیں۔