بنزین

بینزین
عمومی معلومات
اسم نظامی	بینزین
اسم دیگر	Benzol 1,3,5-cyclohexatriene
سالماتی صیغہ	اندراج C6H6
اسمائلس	c1ccccc1 C1=CC=CC=C1
مولرکمیت	78.1121 g/mol
صورت	بے رنگ مائع
کاس عدد	[71-43-2]
خواص
کثافت و حالت	مائع، 0.8786 g/cm³
حل پزیری (پانی)	1.79 g/L (25 °C)
نقطۂ پگھلاؤ	5.5 °C (278.6 K)
سالماتی شکل	مستوی (planar)
دوقطبی حرکت	0 D
خطرات
ایم ایس ڈی ایس	ایم ایس ڈی ایس (بیانات)
نفپا 704	3 2 0
نقطۂ شرر	−11 °C
کلمۂ خطر	R45, R46, R11, R36/38, R48/23/24/25, R65
کلمۂ سلامہ	S53, S45
ریٹیکس عدد	CY1400000
اضافی معلومات
وابستہ مرکب	ٹولوین بورازائین
ماسواۓ کسی خصوصی بیان کے، تمام مادی معطیات معیاری درجہ حرات و دباؤ یعنی 25°C, 100 kPa پر دیۓ گۓ ہیں۔ لاتعلقیتِ معلوماتی خانہ و حوالہ جات

بنزین، جسے بنزول بھی کھا جاتا ھے، ایک نامیاتی مرکب ھے۔ اس کی کیمیائی صیغہ C₆H₆ ھے۔ اسے بعض اوقات Ph-H بھی لکھا جاتا ھے۔ بنزین ایک بے رنگ اور آتش گیر مادہ ھے جس کی میٹھی سی بو اور نسبتا بلند نقطۂ پگھلاؤ ھے۔ یہ مرکب سرطان کا باعث ھے اور اس وجہ سے اس کا ا ستعمال معدنی ایندھن میں اضافی جز کے طور پر محدود کر دیا گیا ھے۔ یہ ایک اہم صنعتی محلل اور ادویات، پلاسٹک، مصنوعی ربڑ اور رنگ و روغن کی تیاری میں ایک اہم درمیانی مرکب ھے۔ بنزین خام تیل میں قدرتی طور پر پایا جاتا ھے لیکن عموما اس کے دوسرے مرکبات سے تیار کیا جاتا ھے۔ بنزین ایک عطری آبی فحم (Aromatic Hydrocarbon) ھے۔

تاریخ

بنزین کا لفظ انگریزی زبان کے الفاظ "Gum Benzoin" سے نکلا ہے۔ یہ ایک گوند جیسا مرکب ہے جو پندرھویں صدی میں یورپ کے حکمأ اور عطاروں کے زیر استعمال تھا۔ اس مرکب کو بعض اوقات "benjamin" یا "Benzoin Resin" بھی کھا جاتا ھے۔ عربی میں اسے لوبان جاوائ کہتے ہیں کیونکہ اس کی پیداوار دراصل جنوب مشرقی ایشیا اور خصوصا جاوا میں ہوتی تھی۔ سترھویں صدی کے اوائل میں اس مرکب کی تصعید کے ذریعے ایک تیزاب تیار کیا گیا جو بعر میں بنزین کے نام سے مشہور ہوا۔

ساخت

شکل ا: بنزین متبادل دھرے بند کے ساتھ

بنزین میں ایک خاص مسئلہ اس میں موجود تعاد ہے اس میں متبادل دہرے بند موجود ہے۔ x-ray سے پتہ چلا ہے کہ اس میں تمام c-c بندوں (bonds) کی لمبائی 140 پیکو میٹر اوردہرے بند کی لمبائی زیادہ ھے جو کہ134 پیکو میٹر ھےلیکن عام اکہرے بند کی لمبائی147 پیکومیٹر ھوتی ھے جو کہ بنز ین کے اکہرے بند سے زیادہ ھے۔ برقات (electrons) بنزین میں جگہ تبدیل کرتے رہتےہیں اور کاربن۔کاربن بند کے درمیان تقسیم ہو تے ہے۔ دہرے بند کی تبدیلی کی وجہ اسکی گمگ ساخت (Resonance) ہے جبکہ برقیہ یا الیکٹرون کی اس جگہ بدلی کو عطریہ (aromaticity) کہتے ہیں۔ اس سے بنزین مستحکم ساخت بن جاتا ہے اس جگہ بدلی کو دائرے سے ظا ہر کرتے ہیں۔ (دیکھیۓ شکل ج)

شکل ب: بنزین کی شش پہلو ساخت دائرے کے ساتھ

تیاری

بنزین کے ہائڈروجن کو ہٹاکردوسرے جذر (radical) لگا کرمختلف کیمیائی مرکبات بناۓ جاتے ہیں۔ مثلا فینول (PHOH)، ٹولین (phMe)، انیلین (PhNH) وغیرہ۔ جب بنزین کے دو سالمات آپس میں ملاۓ جاتے ہیں ذوفنائل (C₆H₅-C₆H₅) بنتا ہے۔اگر اس میں سے مزید ہائڈروجن کو نکالا جاتا ہے تو امیختہ (fused) ہائڈروکاربن جیسے نپتھلین (C₁₀H₈) اور اینتھراسین (C₁₄H₁₀) بن جاتے ہیں۔

پیداوار

کاربن والے مرکبات کو نا مکمل طور پر جلایا جاے تو بنزین حاصل ہوتا ہے۔یہ اتشفشاں ،جنگل کی اگ میں اور سگریٹ میں بھی پای جاتی ہے۔۱۹۵۰تک یہ لوہے کی صنعت میں کوئلہ کو ایندھن کے طور پر استعمال کرنے سے حاصل ہوتی تھی۔اس کی مانگ میں اضافے کی وجہ سے اس کو پٹرول سے بنایا جانے لگا۔صنعتی طور پر یہ تین کیمائ طریقوں سے بنتی ہ C6H5NH2

دوہری بناوٹی عمل انگیزی

اس عمل می٘ں ھائڈروکاربن کے امیزے کوجس کا درجہ حرارت ۶۰ سے ۲۰۰ کے درمیانہے کا ھائڈروجن گیس کے ساتھ ملا یا جاتا ہے اور پھر ایک عمل انگیز ریھینیم کلورائیڈ کی موجودگی میں۵۰۰۔سینٹی گریڈ۵۲۵ اور ۸سے ۵۰ اب ہوائ دباوٓ می٘ں عمل کرایا جاتا ہے۔اس عمل میں الیفیٹک ھائڈروکاربن اپنا ھائڈروجن نکال کر ایرومیٹک ھائڈروکاربن بن جاتے ہیں۔اس ایرومیٹک کو امیزے سے علیحدہ کر لیا جاتا ہے۔یہ علحیدگی مایع۔مایع علحدگی کے طریقے سے ہوتی ہے۔اس میں بنزین کو کسی بھی محلل جیسے ڈائ ایتھائیلین گلا ئیکول کے ساتھ نکالا جاتا ہے۔پھر بنزین کو اس محلول سے کشید کے عمل سے علیحدہ کر لیا جاتا ہے۔

ٹولین ھائیڈروڈی الکائیلیشن

اس مرحلے میں ٹولین کو ھائڈروجن کے ساتھ ملایا جاتا ہے۔اور عمل انگیز کرومیم مولیبڈینم یا پلاٹینم اوکسائڈکی موجودگی میں۵۰۰سے سینٹی گریڈد۶۰درجہ حرارت اور ۴۰۔۶۰ اب ہوائ دباومیں عمل کرایا جاتا ہہے۔عملانگیز کی جگہ بعص دفعہ اونچا درجہ حرارت استعمال کیا جاتاہے۔کیمیائ مساوات کے مطابق

C₆H₅CH₃ + H₂ → C₆H₆ + CH₄

ٹولین کی غیر متنا سبیت

جب دو ٹولین مالیکول آپس میں عمل کرتے ہیں تومیتھا ئل گروہ آپنے آپ کو دوبارہ ترتیب دیتےہیں اور ایک ٹولین سے میتھائل گروہ نکل کر دوسرےٹولین میں لگ جاتا ہے اس کے نتیجہ میں ایک زائیلن اور ایک بنزین کا سالمہ بن جات ہے۔

استعمالات

انیسویں صدی اور بیسویں صدی کے اوائل میں بنزین کو اس کی خو شگوار مہک کی وجہ سے آفٹر شیف لوشن کے طور پر استعمال کیا جاتا تھا۔۱۹۲۰ کے اوائل میں یہ صنعتی محلل خاص کر دھاتوں کی چکناھٹ دور کرنے کے لیے استعمال کیا جاتا تھالیکن بعد میں اس کے زہریلے اثرات کی وجہ سےاس کے بجائےدوسرا محلل استعمال کیا جانے لگا۔ بنزین پٹرول میں اضافی طور پر ڈالا جاتا تھاکیونکہ یہ اوکٹین کی مقدار بڑھاتا ہےجس کی وجہ سے نوکنگ کم ہو جاتی ھے۔پھر بعد میں اسکی جگہ ٹیٹراایتھائل لیڈ استعمال کیا جانے لگا ۔لیکن لیڈ کے مضر اثرات کے سبب اس کو ترک کر دیا گیااور دوبارہ بنزین کا استعمال شروع کر دیا گیا۔بنزین کے مضر اثرات کے سبب امریکہ میں اس کی ایک مقدار معین کر دی گئ ہےجو کہ ایک فیصد ہے۔

موجودہ استعمالات

آجکل بنزین دوسری کیمائ چیزیں بنانے کے لیےدرمیانی مرکب کے طور پر استعمال ہوتا ہے۔اس کے کیمیائ عمل سے اسٹائرین بنتا ہےجو کہ پولیمراو پلاسٹک بنانے میں استعمال ہوتا ہے،فینول جو کہ ریزن اور ایڈھیسف اور سائیکلوھیگزین جو کہ نائیلون بنانے میں استعمال ہوتا ہےبنزین کی معمولی مقدار ربر،لبریکنٹ،رنگ وروغن ،کپڑے دھونے کی اشیا،ادویات،دھماکہ خیز مواداورکیڑے مار ادویات میں استعمال ہوتی ہے۔ تجربے گاہ میں اس کی جگہ ٹولین استعمال کیا جاتا ہےکیونکہ اس کی خصوصیات ٹولین سے ملتی ہے جبکہ ٹولین اس کے مقابلے میں کم نقصاندہ ہوتا ہے۔