لومباردیہ

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
لومباردیہ
Regions of Italy Names Lombardia UR.png
عمومی معلومات
علاقہ کا صدر مقام میلان (Milan)
صدر علاقہ روبرتو فورمیگونی (Roberto Formigoni)
صوبوں کی تعداد 12
کمونے کی تعداد 1546
رقبہ 23,861 مربع کلومیٹر (چوتھا ۔ 7.9 فیصد)
آبادی 9,475,202 (پہلا ۔ 16.1 فیصد)
علامت
Wappen der Lombardei.png


لومباردیہ (انگریزی: Lombardy) (اطالوی: Lombardia) اٹلی کے بیس علاقوں میں سے ایک ہے، جسکا علاقائي صدر مقام میلان ہے۔ اطالوی آبادی کا چھٹا حصہ لومباردیہ میں رہتا ہے، جہاں اٹلی کی کل جی۔ڈی۔پی GDP کا چوتھا حصہ پیدا ہوتا ہے۔

جغرافیعہ[ترمیم]

لومباردیہ کے شمال میں بلند پہاڑیاں واقع ہیں، علاقہ کا تقریبا چالیس فیصد حصہ پہاڑی ہے جن میں بلند ترین برنینا رینج (Bernina Range) کی پہاریاں ہیں جو چار ہزار میٹر تک کی بلندی تک بھی جاتی ہیں۔ جنوب میں دریائے پوہ (Po river) بہتا ہے، جو اٹلی کا سب سے لمبا دریا ہے۔ علاقہ کے دیگر اہم دریاؤں میں دریائے آدا (Adda riverمنچیو، اور دریائے تیچینو (Ticino river) شامل ہیں جو سب دریائے پوہ میں گرتے ہیں۔ دریاؤں کے علاوہ علاقہ میں کئی ندیاں بھی بہتی ہیں جن میں بڑی ندیاں، ندی ماجیورے (Maggiore) یا واریزے کی ندی (Lake of Varese)، کومو کی ندی (lake Como) اور گاردا ندی (lake Garda) ہیں۔

علاقہ کو بارہ صوبوں میں تقسیم کیا گیا ہے، جنکی تفصیل خانہ معلومات میں دی گئی ہے۔

نمبر شمار صوبہ آبادی (2006ء) رقبہ (مربع کلومیٹر) کمونے
1 بیرگامو (Bergamo) 1,022,428 2,723 244
2 بریشیا (Brescia) 1,109,841 4784 206
3 کومو (Como) 507,500 1,288 162
4 کریمونہ (Cremona) 335,950 1,771 115
5 لیکو (Lecco) 311,452 816 90
6 لودی (Lodi) 209,874 782 61
7 مانتوعہ (Mantua) 377,887 2,339 70
8 میلان (Milan) 3,869,037 1,984 189
9 مونزہ اور بریعانزہ (Monza e Brianza) 766,941 363,80 50
10 پاویہ (Pavia) 493,829 2,965 190
11 سوندریو (Sondrio) ) 176,769 3,212 78
12 واریزے (Varese) 812,934 1,199 141

(نوٹ: خانہ معلومات میں دی گئی آبادی سارے صوبہ بشمول تمام کمونے کی آبادی کے ہے، نہ کا صرف شہر کی۔)

اقتصادیات[ترمیم]

لومبارڈی دنیا کے کاروباری انجنوں میں سے ایک ہے، جسکی جی۔ڈی۔پی GDP اسٹاٹ (ISTAT) کے اعدادوشمار کے مطابق چار کھرب امریکی ڈالر ہے جو کئی امیر ممالک مثلا سعودی عرب، سویزرلینڈ اور سویڈن کی جی۔ڈی۔پی سے بھی زیادہ ہے۔ علاقہ کا شمار یورپ کے تین امیر ترین علاقوں میں ہوتا ہے، جہاں فی کس آمدنی اٹلی ہی کے باقی علاقوں کی فی کس آمدنی سے پچاس فیصد زیادہ ہے۔ 2003ء کے یوروسٹیٹ (Eurostat) اعداد شمار کے مطابق لومباردیہ کی جی۔ڈی۔پی یورپ کے تمام علاقوں میں سب سے زیادہ تھی۔

کئی قومی اور بین الاقوامی اداروں کے مراکز میلان میں واقعہ ہیں۔ پیداوار میں لوہا اور سٹیل، گاڑیاں، میکانی نظام اور پرزہ جات، کمیائی مادے، ٹیکسٹائل، فرنیچر، چمڑہ اور چمڑہ کی مصنوعات، جوتے وغیرہ شامل ہیں۔ بریشیا کا صوبہ دفاعی سازوسامان کی پیداوار کے لیے شہرت رکھتا ہے، جبکہ صوبہ کومو سلک اور لیس کی پیداوار کے لیے۔ اچھے نہری نظام اور کھادوں کے استعمال میں ترقی کی وجہ سے زرعی پیداوار میں بھی بہت بہتر ہے۔ میدانی علاقے جو نہروں سے سیلاب ہوتے ہیں وہاں سال میں آٹھ فصلیں بھی ہوتی ہیں۔ اہم زرعی مصنوعات میں سبزیاں، اناج، پھل وغیرہ شامل ہیں۔ قدرے بلند علاقوں میں پھلوں کے درخت بکثرت ہیں، اور اہم پیداوار میں وائن کی تیاری میں استعمال ہونے والے پھل اور زیتون شامل ہیں۔ بکثرت پیدا ہونے والے مویشیوں میں سور ہیں۔

طرح آبادی[ترمیم]

علاقہ پچانوے لاکھ افراد کا گھر ہے، جو اٹلی کی کل آبادی کا چھٹا حصہ ہے۔ علاقائی آبادی پچاس اور ساٹھ کی دہائی میں اٹلی کے جنوبی علاقوں کے مہاجروں کی آمد کی وجہ سے تقریبا دگنی ہو گئی تھی۔ اسی اور نوے کی دہائی میں علاقہ غیر ملکی مہاجرین کی منزل مقصود رہا، اور آج اٹلی میں رہنے والے غیر ملکی مہاجرین کا ایک چوتھائی لومباردیہ میں رہتا ہے۔ اطالوی قومی ادارہ شماریات (ISTAT) کے 2006ء کے اعدادوشمار کے مطابق علاقہ میں 665,884 غیر ملکی مہاجرین رہتے ہیں، جو علاقہ کی کل آبادی کا سات فیصد ہے۔

علاقہ کے آباد ترین شہر جنکی آبادی پچاس ہزار نفوس سے زیادہ ہے درج ذیل ہیں۔

لومباردیہ کے صوبے
نمبر شمار شہر آبادی (2006ء) مرتبہ شہر
1 میلان (Milan) 1,308,735 صوبہ
2 بریشیا (Brescia) 191,059 صوبہ
3 مونزا (Monza) 121,961 کمونے
4 برگامو (Bergamo) 116,197 صوبہ
5 سستو سان جوانی (Sesto San Giovanni) 83,556 کمونے
6 کومو (Como) 83,002 صوبہ
7 واریزے (Varese) 82,809 صوبہ
8 بستو آرسیزیو (Busto Arsizio) 79,552 کمونے
9 چینیسیلو بالسامو (Cinisello Balsamo) 73,770 کمونے
10 کریمونہ(Cremona) 71,313 صوبہ
11 پاویہ (Pavia) 71,064 صوبہ
12 ویجیوانو (Vigevano) 59,714 کمونے
13 لینیانو (Legnano) 56,622 کمونے
14 رہو (Rho) 50,623 کمونے

(نوٹ: خانہ معلومات میں دی گئي آبادی شہر کی ہے نہ کہ پورے صوبہ کی، شہر کی آبادی میں زیر انتظام کمونے کی آبادی شامل نہیں ہے۔)

مزید پڑھیں[ترمیم]

بیرونی روابط[ترمیم]

عمومی معلومات[ترمیم]

صوبوں کی ویب سائیٹیں[ترمیم]