وادی آوستہ
| وادی آوستہ | |
 |
|
| عمومی معلومات | |
| علاقہ کا صدر مقام | آوستہ (Aosta) |
| صدر علاقہ | لوسیانو کاویری (Luciano Caveri) |
| صوبوں کی تعداد | 1 |
| کمونے کی تعداد | 74 |
| رقبہ | 3,263 مربع کلومیٹر (بیسواں ۔ 1.1 فیصد) |
| آبادی | 123,978 (بیسواں ۔ 0.2 فیصد) |
| علامت | |
 |
|
وادی آؤستہ (انگریزی:آوستہ ویلی Aosta Valley) (اطالوی: والے دآؤستہ Valle d'Aosta) اٹلی کے بیس علاقوں میں سے آبادی اور رقبہ دونوں کے لحاظ سے سب سے چھوٹا علاقہ ہے۔ علاقہ میں صرف ایک صوبہ ہے جسکو چوہتر کمونی یا قصبات میں تقسیم کیا گیا ہے۔ علاقہ کا کل رقبہ 3,263 مربع کلومیٹر اور آبادی لگ بھگ سوا لاکھ ہے۔ علاقہ زیادہ تر پہاڑی ہے، جہاں مغربی یورپ کی بلند ترین چوٹی مونتے بیانکو (Monte Bianco) واقع ہے۔ علاقہ کے مغرب میں فرانس، شمال میں سوئزرلینڈ اور جنوب میں اطالوی علاقہ پیعیمونتے واقع ہے۔ علاقہ کا شمار اٹلی کے ان پانچ علاقوں میں کیا جاتا ہے جنکو اطالوی آئین میں علاقائي خودمختاری کا خصوصی درجہ دیا گيا ہے۔
علاقہ میں اٹلی کا ایک ہی صوبہ واقع ہے جسکی تفصیلات درج ذیل ہیں۔
| نمبر شمار | صوبہ | آبادی (2006ء) | رقبہ (مربع کلومیٹر) | کمونی |
|---|---|---|---|---|
| 1 | آوستہ (Aosta) | 123,978 | 3,263 | 74 |
(نوٹ: خانہ معلومات میں دی گئی آبادی سارے صوبہ بشمول تمام کمونے کی آبادی کے ہے، نہ کا صرف شہر کی۔)
علاقہ میں ڈیم کی تعمیر سے پہلے علاقہ غیر صنعتی اور زرعی تھا، لیکن ڈیم کی تعمیر سے دھات سازی کی صنعت علاقہ میں آئی۔ آج علاقہ سردیوں کے کھیلوں کا اہم مرکز ہے جو خاص طور پر کورمائر (Courmayeur) میں منعقد ہوتی ہیں۔ علاقہ کا اہم دریا دورا بالتیا (Dora Baltea) علاقہ میں سے نکل کر جنوبی سمت بہتا ہوا دریائے پوہ میں گرتا ہے۔
علاقائی حکومتی معاملات میں اطالوی اور فرانسیسی دونوں زبانوں کو استعمال کیا جاتا ہے، گرچہ علاقہ کی زیادہ تر آبادی فرانسیسی زبان بولتی ہے۔ اسکے علاوہ ایک چھوٹے سے قصبہ گریزونی (Gressoney) کے رہائشی جرمن زبان بولتے ہیں۔ اطالوی قومی ادارہ شماریات کے 2006ء کے اعدادوشمار کے مطابق علاقہ میں 4,976 غیرملکی مہاجر رہتے ہیں جو کل علاقائي آبادی کا 4.0 فیصد ہیں۔ علاقہ کا سب سے بڑا شہر علاقائی صدر مقام آوستہ ہے جسکی آبادی 34270 ہے۔
مزید پڑھیں [ترمیم]
بیرونی روابط [ترمیم]
- نیم خودمختار علاقہ وادی آوستہ ۔ علاقائی حکومت کی باضابطہ ویب سائٹ
- وادی آوستہ نقشہ جات
آبروزو | وادی آوستہ | پلیہ| بازیلیکاتا| کلابریا| کمپانیہ| ایمیلیا رومانیا| فریولی وینیزیا جولیا | لازیو| لیگوریا | لومباردیہ | مارچے| مولیزے| پیعیمونتے| ساردینیا | سسلیہ| ترینتینو جنوبی ٹائرول| تسکانہ | امبریا | وینیتو
| اطالیہ (ترینتینو جنوبی ٹائرول ۔ ساردینیا ۔ سسلیہ ۔ فریولی وینیزیا جولیا ۔ وادی آوستہ) | جارجیا (ادجارا) | فن لینڈ (جزائر ایلانڈ) | برطانیہ (اکروتری اور دھکیلیا ۔ گرنزی ۔ آئل آف مین ۔ جرزی ۔ جبرالٹر) | پرتگال (آزورس ۔ مادیعیرا) | یوکرائن (کریمیا) | ڈنمارک (جزائر فروعے ۔ گرین لینڈ) | مالڈووا (گاگاؤزیا) | یونان (مونٹ آتھوس) | آذربائیجان (نخچیوان) | رشین فیڈریشن کی نیم خودمختار ریاستیں | رشین فیڈریشن کے نیم خودمختار اضلاع | رشین فیڈریشن کے نیم خودمختار صوبے | ناروے (سوالبارد) | سربیا (ووجوودینا)
خودساختہ یا غیر تسلیم شدہ ریاستیں جارجیا (ابخازيا) ۔ (جنوبی اوسیشیا) | آذربائیجان (نگورنو کاراباخ) | مالدوا (ٹرینسنیسٹریا) | قبرص (ترک جمہوریۂ شمالی قبرص) اقوام متحدہ کے زیر انتظام علاقے |
