ڈوگرا راج

The Jamwal Dynasty جموں و کشمیر
سابقہ بادشاہت
Coat of arms of Jammu and Kashmir State
اولین بادشاہ/ملکہ	گلاب سنگھ
آخری بادشاہ/ملکہ	ہری سنگھ
بادشاہت کا آغاز	16 مارچ 1846
بادشاہت کا آختتام	جون 1952
موجودہ مدعی	کرن سنگھ

ڈوگرا راج ( جموال خاندان) ایک ہندو ڈوگرا شاہی خاندان سوریاونشی کھشتریا جموال راجپوت خاندان تھا جس نے ریاست جموں و کشمیر پر ڈوگرہ راج قیام کیا

اس کا آغاز، گلاب سنگھ سے ہوتا ہے جو رنجیت سنگھ کے عہد میں سکھ سلطنت میں اعلیٰ عہدے دار تھا۔ 1839ء میں رنجیت سنکھ کی موت پر لاہور دربار رنجیت سنگھ کے وارثوں اور فوجی سربراہوں کے درمیان میں جنگ اقتدار کی اماجگاہ بن چکا تھا۔ اسی اثنا میں سکھوں اور انگریزوں کی کشمکش بھی شروع ہو چکی تھی۔ گلاب سنگھ نے خفیہ طور پر لاہور دربار کے خلاف اںگریزوں کا ساتھ دینا شروع کر دیا۔ فروری 1846ء کو معاہدہ امرتسر طے پایا۔ جس کے تحت سات لاکھ کے آبادی والے کشمیر کو سات لاکھ روپے کے عوض گلاب سنگھ کے حوالے کر دیا۔

گلاب سنگھ

گلاب سنگھ کے راستے میں سب سے بڑی رکاوٹ کشمیر کا گورنر امام دین تھا۔ گلاب سنگھ نے انگریزوں کی بروقت امداد سے امام دین کو شکست دی اور ریاست پر قبضہ کر لیا۔ چند دن بعد رانی پور اور راجوری کی جاگیروں میں بھی اس کے خلاف بغاوت رونما ہوئی، جسے انگریز فوجوں کی مدد سے دبا دیا گیا۔ 19 نومبر 1846ء کو مہاراجا گلاب سنگھ پوری ریاست جموں و کشمیر کا مالک و مختار بن کر انگریزی فوج کے ہمراہ سری نگر میں داخل ہوا اور اس طرح ریاست میں ڈوگرا حکومت کا آغاو ہوا۔

رنبیر سنگھ

گلاب سنگھ کی وفات کے بعد اس کا بیٹا رنبیر سنگھ گدی پر بیٹھا۔ یہ اپنے باپ کی طرح ظالم اور متعصب تھا۔ اس نے 28 سال حکومت کی اور ہندو مت کے فروغ اور سنسکرت زبان و ادب کی ترویج کے لیے کوششیں کیں۔ رنبیر سنگھ کی موت 12 ستمبر 1885ء کو ہوئی۔ اس کے تین بیٹے تھے۔ پرتاپ سنگھ، رام سنگھ اور امر سنگھ۔ پرتاپ سنگھ نے چالیس سال تک حکومت کی۔ اس کی حکومت بھی اس کے باپ دادا کی قائم کردہ روایات کے عین مطابق تھی۔ اس کے دور میں گائے کے ذبیجہ پر مسلمانوں کے لیے عمر قید کی سزا تھی۔

جموں و کشمیر کے مہاراجوں کی فہرست (1846–1952)

• گلاب سنگھ (1846–1856)
• رنبیر سنگھ (1856–1885)
• پرتاب سنگھ (1885–1925)
• ہری سنگھ (1925–1952) (بادشاہت ختم کر دی)
• ہری سنگھ (صرف لقب) (1952–1961)

مزید دیکھیے

• ریاست جموں و کشمیر
• جموں و کشمیر
• مسئلہ کشمیر
• کشمیر
• ڈوگرا

کتابیات

• Schofield، Victoria (2003) [First published in 2000]، Kashmir in Conflict، London and New York: I. B. Taurus & Co، ISBN:1-86064-898-3

بیرونی روابط

• Kashmir and Jammu, The Imperial Gazetteer of India، 1909, v. 15, p. 71.
• Genealogy of the ruling chiefs of Jammu and Kashmir
• Conflict in Kashmir: Selected Internet Resources by the Library, University of California, Berkeley, USA; جامعہ کیلیفورنیا، برکلی Library Bibliographies and Web-Bibliographies list
• Brief history of Kashmir rulers with their coinage details
• Brief history of Jammu rulers with a coin image