جموں و کشمیر

جموں اور کشمیر
سابقہ ریاست
1954ء–2019ء
Flag نشان
جموں و کشمیر کا نقشہ
دار الحکومت	سری نگر (مئی-اکتوبر) جموں (نومبر-اپریل)
رقبہ
• متناسقات	33.45°N 76.24°E / 33.45; 76.24
حکومت
گورنر
• 1954–ء1965ء بطور صدرِ ریاست؛ 1965ء–1967ء	کَرن سنگھ (پہلا)
• 2018ء–2019ء	ستیا پال ملک (آخری)
وزیر اعلٰی
• 1947ء–1948ء بطور وزیر اعظم	مہر چند مہاجن (پہلا)
• 2016ء–2018ء	محبوبہ مفتی (آخری)
مقننہ	مقننہ جموں و کشمیر
• ایوان بالا	جموں و کشمیر ودھان پریشد (36 نشستیں)
• ایوان زیریں	جموں و کشمیر قانون ساز اسمبلی (89 نشستیں)
تاریخ
• 1954ء کے صدارتی حکم کے نفاذ کے بعد بھارت کی ریاست کے طور پر قائم ہوئی	14 مئی 1954ء
• تنظیم نو قانون کے بعد جموں و کشمیر اور لداخ میں تقسیم کیا گیا	31 اکتوبر 2019ء
سیاسی ذیلی تقسیمات	22 اضلاع
ماقبل مابعد جموں و کشمیر (نوابی ریاست) جموں و کشمیر (یونین علاقہ) لداخ

جموں و کشمیر (کشمیر یا بھارت کے زیر انتظام کشمیر) بھارت کی سب سے شمالی ریاست تھی جس کا بیشتر علاقہ ہمالیہ کے پہاڑی سلسلے پر پھیلا ہوا تھا۔ جموں و کشمیر کی سرحدیں جنوب میں ہماچل پردیش اور پنجاب، بھارت، مغرب میں پاکستان اور شمال اور مشرق میں چین سے ملتی تھیں۔ پاکستان میں جموں و کشمیر کو اکثر مقبوضہ کشمیر کے نام سے پکارا جاتا ہے۔ جموں و کشمیر تین حصوں جموں، وادی کشمیر اور لداخ میں منقسم تھے۔ سری نگر اس کا گرمائی اور جموں سرمائی دار الحکومت تھا۔ وادی کشمیر اپنے حسن کے باعث دنیا بھر میں مشہور تھا جبکہ مندروں کا شہر جموں ہزاروں ہندو زائرین کو اپنی جانب کھینچتا ہے۔ لداخ جسے "تبت صغیر" بھی کہا جاتا ہے، اپنی خوبصورتی اور بدھ ثقافت کے باعث جانا جاتا ہے۔ سابقہ ریاست میں مسلمانوں کی اکثریت ہے تاہم ہندو، بدھ اور سکھ بھی بڑی تعداد میں رہتے ہیں۔

کشمیر دو جوہری طاقتوں پاکستان اور بھارت کے درمیان تنازعے کا باعث بنا ہوا ہے۔ پاکستان کا موقف ہے کہ مسلم اکثریتی ریاست ہونے کے باعث تقسیم ہند کے قانون کی رو سے یہ پاکستان کا حصہ ہے جبکہ بھارت اسے اپنا اٹوٹ انگ قرار دیتا ہے۔ علاقہ عالمی سطح پر متنازع قرار دیا گیا ہے۔

بھارت کے زیر انتظام کشمیر میں مسلمانوں کی اکثریت ہے جس میں وادی کشمیر میں مسلمان 95 فیصد، جموں میں 28 فیصد اور لداخ میں 44 فیصد ہیں۔ جموں میں ہندو 66 فیصد اور لداخ میں بودھ 50 فیصد کے ساتھ اکثریت میں ہیں۔

5 اگست 2019ء کو حکومت ہند نے آئین ہند کی دفعہ 370 کو ختم کرنے اور ریاست کو دو یونین علاقوں میں منقسم کرنے کا اعلان کیا – جموں و کشمیر اور لداخ۔ اس کے بعد کرفیو نافذ، ریاست بھر میں انٹرنیٹ سروس معطل اور موبائل کنیکشن بند اور مقامی سیاسی لیڈروں کو گرفتار کیا گیا۔

نگار خانہ

• 
• 
• 
• 
• 
• 
• 
•