ایف-35 لائیٹننگ

ایف-35 لائیٹننگ
نوع	پانچویں نسل کا جیٹ جنگی طیارہ،  کثیر جہتی جنگی طیارہ،  سٹیلتھ طیارہ،  بمبار جنگی طیارہ
ملک	ریاستہائے متحدہ امریکا
عسکری نام	F-35 (ریاستہائے متحدہ امریکا، اطالیہ اور ناروے)
صانع	لوکہیڈ مارٹن ایئروناٹکس لوکہیڈ مارٹن
انجن	پراٹ و وٹنی ایف 135
کل پیداوار	530
معلومات
آغاز خدمات	31 جولا‎ئی 2015
پہلی پرواز	15 دسمبر 2006
صارفین	ریاستہائے متحدہ امریکا شاہی فضائیہ آسٹریلوی شاہی فضائیہ اسرائیلی فضائیہ شاہی بحریہ
لمبائی	50.5 فٹ،  15.5 میٹر
بلندی	4.3 میٹر
پروں کا دائرۂ کار	460 مربع فٹ

ایف-35 لائٹننگ (F-35 Lightning) دفاعی ٹیکنالوجی کے بین الاقوامی تعاون کی تاریخ کا سب سے بڑا منصوبہ ہے۔ 21 ویں صدی کے اس جدید ترین لڑاکا طیارے پر تحقیق اور تیاری کی مجموعی لاگت کا تخمینہ 272 ارب امریکی ڈالر سے زیادہ ہے ۔

تیاری

ایف 35، جسے عرفِ عام میں "جوائنٹ اسٹرائیک فائٹر (Joint Strike Fighter)" بھی کہا جاتا ہے، کے منصوبے میں برطانیہ، اٹلی، نیدرلینڈز، ترکی، کینیڈا، آسٹریلیا، ڈنمارک اور ناروے شریک ہیں۔

ایف 35 کا امتیازی نشان

تازہ ترین تخمینے کے مطابق فضائیہ کے لیے تیار کیے جانے والے طیارے کی قیمت 45 ملین جبکہ بحریہ کے لیے بنائے جانے والے طیارے کی قیمت 60 ملین امریکی ڈالر ہو گی۔ اس طیارے کے ٹھیکے کے لیے دو بڑی امریکی طیارہ ساز کمپنیوں بوئنگ اور لاک ہیڈ مارٹن کے درمیان پانچ سال تک سخت کشمکش جاری رہی لیکن بالآخر پینٹاگون نے لاک ہیڈ مارٹن کے تیار کردہ پروٹوٹائپ ایکس۔ 35 کو امریکی فضائیہ، بحریہ اور میرین کور کے لیے منتخب کر لیا جسے اب ایف۔ 35 کہا جاتا ہے۔

خصوصیات

اس طیارے کی خاص بات اس میں سٹیلتھ ٹیکنالوجی کا استعمال اور اس کی عمودی پرواز اور لینڈنگ کی صلاحیت ہے۔ یہ امریکی فضائیہ میں ایف 16 اور اے-10 تھنڈربولٹ جبکہ امریکی بحریہ اور میرین کور میں ایف-18 اور ہیریئر جمپ لڑاکا طیاروں کی جگہ لے گا۔ اس طیارے میں جدید ترین ریڈار، ایویونکس اور الیکٹرانک وارفیئر سسٹم نصب ہیں اور یہ نہ صرف دورِ حاضر بلکہ مستقبل میں تیار کیے جانے والے مہلک روایتی ہتھیار، کروز میزائل اور گائیڈڈ بم بھی لے جانے کی صلاحیت رکھتا ہے۔

حادثات

28 ستمبر 2018ء کو، یو ایس ایم اے سی ایف 35 بی (USMC F-35B) میرین کور ایئراسٹیشن بیوفورٹ، جنوبی کیرولائنا کے قریب گر کر تباہ ہو گیا۔ ہواباز محفوظ رہا۔ یہ ایف 35 کے حادثے کا پہلا واقع ہے۔

عام معلومات

پیمائش

• عملہ : 1
• لمبائی : 15.37 میٹر / 50.6 فٹ
• پر کی لمبائی : 10.65 میٹر / 35 فٹ
• اونچائی : 5.28 میٹر / 17.4 فٹ
• وزن : 12 ٹن

کارکردگی

• رفتار : ماک 1.67
• حد : 2222 کلومیٹر
• ثقلی وزن : 9 جی
• اڑان کی بلندی کی حد : 60000 فٹ

بیرونی روابط

• ویب سائیٹ