جانثار اختر

آزاد دائرۃ المعارف، ویکیپیڈیا سے
یہاں جائیں: رہنمائی، تلاش کریں
جانثار اختر
پیدائش 18 فروری 1914(1914-02-18)
گوالیار, Gwailor State, برطانوی ہند
(now in مدھیہ پردیش, بھارت)
وفات 19 اگست 1976(1976-80-19) (عمر  62 سال)ممبئی, مہاراشٹر، بھارت
پیشہ شاعر, lyricist
اصناف غزل
ادبی تحریک ترقی پسند تحریک
نمایاں کام "Khaak-e-dil" (The Ashes of Heart") (1973)
شریک حیات صفیہ سراج الحق
خدیجہ طلعت
اولاد جاوید اختر
سلمان اختر
شاہد اختر
اونیزا اختر
البینا شرما

جانثار اختر18 فروری 1914کو گوالیار (بھارت) میں پیدا ہونے۔ ان کے والد مظفر خیر آبادی اور تایا بسمل خیر آبادی دونوں شاعر تھے۔

تعلیم[ترمیم]

جانثار اختر نے میٹرک کے بعد علی گڑھ مسلم یونیورسٹی میں داخلہ لےلیا تھا۔ یہاں سے انہوں نے بی اے آنرز اور ایم اے کی ڈگریاں لیں۔

پہلی ملازمت[ترمیم]

جانثار اختر نے وکٹوریہ کالج گوالیار میں اردو کے لیکچرر کی حیثیت سے کام کیا۔

پہلی بارخانہ آبادی[ترمیم]

1943ء میں جانثار اختر کی شادی اسرار الحق مجاز لکھنوی کی ہمشیرہ صفیہ سراج الحق سے ہو گئی۔ ان کے دو بیٹے جاوید اختر اور سلمان اختر 1945ء اور 1946ء میں پیدا ہوئے۔

دوسری ملازمت[ترمیم]

آزادی کے بعد جانثار اختر نے بھوپال کا رُخ کیا اور یہیں کے حمیدیہ کالج میں اردو اور فارسی کے شعبوں کی ذمے داری سنبھالی۔ یہیں سے وہ تحریک ترقی پسند مصنفین سے وابستہ ہوئے اور اپنی بلندآور شخصیت کی وجہ سے اس تحریک کے صدر بنے۔

ممبئ کا رُخ[ترمیم]

1949ء میں جانثار اختر نے تدریس سے استعفیٰ دیا ۔ وہ ممبئی چلے گئے ۔ ممبئی آنے کے ان کے دو عزائم تھے: ایک فلمی نغمہ نگاری اور دوسرا اپنے شعری مجموعوں کی اشاعت۔ ممبئی میں وہ ملک راج آنند، کرشن چندر ،راجندر سنگھ بیدی اور عصمت چغتائی اور دیگر ترقی پسند ادیبوں سے جاملے تھے۔ جانثار اختر کے شعری مجموعوں میں ’’نظرتباں‘‘، ’’سلاسل‘‘،’’جاوداں‘‘،’’پچھلی پہر‘‘،’’گھر آنگن‘‘،اور ’’خاک دل‘‘ شامل ہیں۔’’خاک دل‘‘پر انہیں 1976میں ساہتیہ اکیڈمی ایوارڈ ملا۔ جانثار اختر نے مجموعی طور پر 151فلمی گیت لکھے۔ انہوں نے زیادہ تر سی رام چندر،اوپی نیر اور خیام جسے سنگیت کاروں کے ساتھ کام کیا۔ 1976ء میں وہ رضیہ سلطان فلم کے نغمے اپنی زندگی کے آخری فلم کے طور پر لکھے تھے۔

پہلی بیوی کا سانحہ ارتحال اوردوسری بارخانہ آبادی[ترمیم]

1953ء میں جانثار کی اہلیہ صفیہ کا انتقال ہوا۔ صفیہ کے جانثار اختر کے نام خطوط کے مجموعوں کوجانثار نے 1955میں کیا۔ یہ مجموعے دو عنوانوں سے ’’حرف آشنا‘‘اور ’’زیر لب‘‘ چھاپے گئے تھے۔ ستمبر 1956ء میں جانثار اختر نے خدیجہ طلعت نامی خاتون سے شادی کر لی تھی۔

شاعری کے اہم عناصر[ترمیم]

جانثار کی شاعری میں عمومًا رومانیت کا عنصر پایا جاتا ہے۔ اس کے علاوہ وہ گاہے گاہے اشتراکی نظریات سے بھی متاثر معلوم ہوتے ہیں۔

انتقال[ترمیم]

جانثار اختر کا انتقال 1976ء میں ہوا تھا۔ [1]

حوالہ جات[ترمیم]