خلاصۃ الانساب

خلاصۃ الانساب کے نام سے علم انساب کے موضوع پر یہ کتاب لکھی گئی ہے۔ اس کتاب میں خاندان قریش کے انساب کا تذکرہ کیا گیا ہے۔ مصنف نے خلاصۃ الانساب کو اپنی آخری عمر میں تحریر کیا۔ اس کے مصنف کا نام محمد نجف کرمانی مشہدی تھا جس کا شیعہ اثنا عشری مکتب سے تعلق تھا۔ کتاب کا مصنف تیرہویں صدی کے آخر یا چودھویں صدی کے اوائل میں فوت ہوا۔

تعارف

خلاصۃ الانساب کے مصنف کا نام محمد نجف ہے جو کرمان کے رہنے والے تھے اور پھر مشہد میں منتقل ہو گئے۔ اسی لیے کتابوں میں محمد نجف کرمانی مشہدی کے نام سے تعبیر کیا جاتا ہے۔ مصنف تیرہویں صدی کے آخر یا چودھویں صدی کے اوائل میں فوت ہوئے۔

اقوال علما

امین عاملی نے اعیان الشیعہ میں کہا :

محمد نجف کرمانی کا اصلی وطن کرمان تھا اور پھر وہ مشہد رہا اور وہیں 1292 ھ میں فوت ہوا۔ وہ اہل عرفان اور اخباریوں کے مسلک پر چلنے والے ایک عارف، فاضل، محدث، ادیب اور عالم تھا۔ خلاصۃ الانساب اس کی تصنیفات میں سے ہے اس کے علاوہ اس کی دیگر تالیفات بھی ہیں۔

• عمر کحالہ نے معجم المؤلفین میں اس کے بارے میں لکھا:

محمد نجف مشہدی عجمی، شیعہ متکلم، محدث، نسابہ عروضی، نحوی... تھے اس کی تصنیفات میں سے خلاصۃ الانساب ہے۔

پیدائش اور وفات

پیدائش کی تاریخ یا سن کا کسی نے تذکرہ نہیں کیا ہے۔ اس کے سنہ وفات : 1292ھ، 1295ھ اور 1306ھ مذکور ہیں۔

• سید محسن امین عاملی نے لکھا: وہ 1292 میں مشہد میں فوت ہوئے۔ اسی طرح عمر کحالہ نے بھی معجم المؤلفین پر یہی سنہ وفات لکھا: یہی سنہ وفات آقا بزرگ تہرانی نے الذریعہ پر تحریر کیا ہے نیز ہدیہ العارفین پر اسماعیل پاشا بغدادی نے بھی اسی کو ذکر کیا ہے ۔
• إیضاح المكنون میں اسماعیل پاشا بغدادی نے کہا: اخباری شیعہ علما میں سے محمد نجف کرمانی 1295ھ میں فوت ہوا اور یہی سنہ وفات آقا بزرگ تہرانی نے الذریعہ میں نقل کیا ہے۔
• الذریعہ کی تعلیقے میں محمد نجف کرمانی کا سنہ وفات 1306ھ مذکور ہے اور وہاں تصریح ہے کہ ان کا سنہ وفات ہم سے «ح» کے ذیل میں رہ گیا تھا نیز اس بات کی بھی تصریح ہے کہ مصنف نے خلاصۃ الانساب 1295ھ میں تحریر کی تھی۔

کتاب

خلاصۃ الانساب کے متعلق صرف یہ کہا جا سکتا ہے کہ یہ کتاب علم انساب کے موضوع پر لکھی گئی جس میں علویوں اور غیر علویوں کے شجرے بیان کیے ہیں۔

• شہاب الدین مرعشی مقدمہ "لباب الانساب بنام کشف الارتیاب " میں لکھتے ہیں : " محمد نجف کرمانی کی تالیفات شریفہ میں سے ایک خلاصۃ الانساب ہے جس میں مصنف نے علویوں اور غیر علویوں کے نسب کو جمع کی کیا ہے۔"
• السید محسن الأمین (مت 1371ھ ق) نے اعیان الشیعہ پر لکھا :خلاصۃ الانساب، غناء الادیب فی شرح مغنی اللبیب، شرح خطبہ الزہرا اور دعائے کمیل اور دعائے جوشن کبیر ان (محمد نجف کرمانی) کی تالیفات میں سے ہیں۔
• معجم المؤلفین کے مؤلف جناب عمر كحالہ نے اس کتاب کے بارے میں کہا :مصنف کی تصنیفات میں سے تنقیح المرام، خلاصۃ الانساب ہیں۔
• آقا بزرگ تہرانی (مت 1389 ھ ق) نے بھی “الذریعہ میں اسے کشف الظنون کے حوالے سے محمد نجف کرمانی کی کتاب کہا ہے۔
• ہدیہ العارفین میں إسماعیل باشا البغدادی(مت 1339 ھ ق ) لکھتے ہیں :اس مصنف کی تالیفات میں سے خلاصۃ الانساب اور دیگر کتب ہیں۔

نسخہ کتاب

تا حال کسی نے اس کتاب کے خطی یا چاپی نسخے کے دیکھے جانے کی خبر نہیں دی ہے جس سے ظاہر ہوتا ہے کہ یہ کتاب صرف خطی صورت میں موجود تھی۔ یہی وجہ ہے جنھوں نے بھی اس کتاب کا تذکرہ کیا انھوں نے اس کے مندرجات کی طرف اشارہ نہیں کیا البتہ اس کے اجمالی مندرجات کی جانب صرف شہاب الدین مرعشی نے "کشف الارتیاب ص 120/121" میں مجمل اشارہ کرتے ہوئے کہا ہے کہ اس میں قریش کے علویوں اور غیر علویوں کے انساب مذکور ہیں۔ واللہ اعلم۔