رسولن بائی

رسولن بائی
فائل:رسولن بائی.jpg
معلومات شخصیت
پیدائش	سنہ 1902ء   کچھوا (قصبہ) ،  مرزاپور ،  اتر پردیش
وفات	15 دسمبر 1974ء (71–72 سال)  بنارس ،  اتر پردیش
شہریت	بھارت (1947–1974) برطانوی ہند (1902–15 اگست 1947) ڈومنین بھارت (15 اگست 1947–26 جنوری 1950)
فنکارانہ زندگی
نوع	ہندوستانی کلاسیکی موسیقی ،  ٹھمری
آلہ موسیقی	سارنگی ،  صوت
پیشہ	گلو کارہ
اعزازات
سنگیت ناٹک اکادمی ایوارڈ

رسولن بائی (پیدائش: 1902ء – وفات: 15 دسمبر 1974ء) بنارس گھرانہ سے تعلق رکھنے والی مشہور گلوکارہ تھیں۔ رسولن بائی کی وجہ شہرت پورب انگ کی ٹھمری اور ٹپہ ہیں۔

ابتدائی حالات

رسولن بائی کی پیدائش 1902ء میں کچھوا، مرزاپور میں ہوئی۔ رسولن بائی کا خاندان غربت زدہ تھا لیکن گلوکاری و موسیقی اُن کو وراثت میں ملی۔ پانچ سال کی عمر میں رسولن بائی کو استاد شمو خان کے پاس بھیج دیا گیا تاکہ وہ موسیقی کی تعلیم حاصل کرسکے۔ بعد ازاں سارنگی نواز استاد عاشق خان اور استاد نجو خان سے سارنگی پر موسیقی سیکھی۔

موسیقی و گلوکاری

رسولن بائی کو وارانسی کے بنارس گھرانہ سے تعلق رہا اور اُن کا عبور پورب انگ ٹھمری میں پوربی گیت، کجری، چیتی اور دادرا گانے میں تھا۔ دھنن جے گڑھ کے دربار میں رسولن بائی نے پہلی بار اپنے فن کا اظہار کیا۔ 1948ء میں رسولن بائی نے مجرا کرنا بند کر دیا اور واپس اپنے آبائی کوٹھے پر لوٹ گئی۔ تمام عمر بنارس میں گزاری اور بنارس کے ایک ساڑھیوں کے تاجر سے شادی کی۔

رسولن بائی نے محافل اور تقاریب میں اپنی ہم عصر گلوکارہ سدیشوری دیوی کے ساتھ گایا۔ رسولن بائی نے لکھنؤ اور الٰہ آباد سے آل انڈیا ریڈیو کے لیے گایا اور اِس کے علاوہ دوردرشن پر رسولن بائی اپنی وفات تک یعنی 1972ء تک مختلف گیت ریکارڈ کروائے۔ عوامی سطح پر آخری بار کشمیر میں منعقدہ ایک تقریب میں گایا۔

وفات

رسولن بائی کی آخری عمر کسمپرسی میں گذری جبکہ وہ وارانسی میں مقیم تھیں۔ نینا دیوی سے بھی سیکھا۔ 1969ء میں وارانسی میں فسادات کی وجہ سے رسولن بائی کا گھر بھی آتشزدگی میں آگیا تھا جس کے بعد وہ آخری عمر کسمپرسی میں گزارنے پر مجبور ہو چکی تھیں۔ 72 سال کی عمر میں 15 دسمبر 1974ء کو وارانسی میں انتقال کرگئیں۔

اعزازات

1957ء میں رسول بائی کو سنگیت ناٹک اکیڈمی ایوارڈ برائے گلوکارہ سے نوازا گیا۔

مزید دیکھیے

• بنارس گھرانہ