سامر ابو دقعہ

سامر ابو دقعہ
(عربی میں: سامر أبو دقة)
معلومات شخصیت
پیدائش	17 نومبر 1978ء   عبسان الکبیرہ
وفات	15 دسمبر 2023ء (45 سال)  خان یونس
وجہ وفات	فضائی حملہ
قاتل	اسرائیلی فضائیہ
طرز وفات	قتل
شہریت	ریاستِ فلسطین بیلجیئم
تعداد اولاد	4
عملی زندگی
مادر علمی	جامعہ ازہر غزہ
تعلیمی اسناد	بیچلر
پیشہ	فوٹوگرافر صحافی ،  کیمرا مین ،  فلم مدیر
مادری زبان	عربی
پیشہ ورانہ زبان	عربی ،  انگریزی
ملازمت	الجزیرہ

سامر ابو دقّہ ( 1978ء - 15 دسمبر 2023ء)، الجزیرہ کے لیے کام کرنے والا فلسطینی/بیلجیئن ویڈیو صحافی تھا۔ وہ 15 دسمبر 2023ء کو خان یونس میں الجزیرہ کے عملے پر اسرائیلی فوج کی بمباری کے بعد مارے گئے۔

زندگی

انھوں نے غزہ کی الازہر یونیورسٹی سے صحافت اور میڈیا میں بیچلر کی ڈگری حاصل کی۔ انھوں نے الشعب اخبار میں بطور صحافی کام شروع کیا، پھر 2004ء میں وہ الجزیرہ کے لیے کام کرنا شروع کیا۔ وہ غزہ کی پٹی میں چینل کے دفتر کے بانیوں میں سے ایک تھے، جہاں انھوں نے بیس سال سے زائد عرصے تک الجزیرہ کے لیے فوٹوگرافر اور ٹیکنیشن کے طور پر کام کیا۔ اس کے پاس بیلجیئم کی شہریت تھی اور وہ تین بیٹوں اور ایک بیٹی کا باپ تھا۔ انھیں 2004ء میں عرب صحافیوں کی یونین کی طرف سے ممتاز عرب صحافی ایوارڈ اور 2007ء میں رپورٹرز ودآؤٹ بارڈرز کی جانب سے ممتاز بین الاقوامی صحافی ایوارڈ ملا۔

وفات

وہ 15 دسمبر 2023ء کو ایک فضائی حملے کے دوران مارے گئے ۔ فضائی حملے میں الجزیرہ کے عملے کو نشانہ بنایا گیا تھا جب وہ 2023ء کی اسرائیل-حماس جنگ کے دوران خان یونس میں حیفہ اسکول کے فضائی حملے کی کوریج کر رہے تھے۔ سامر اپنی چوٹ کے بعد پیچھے ہٹنے سے قاصر تھا اور پانچ گھنٹے سے زیادہ ان کا خون بہتا رہا جس کے بعد وہ انتقال کر گئے۔