فائزہ ظفر

فائزہ ظفر
شخصی معلومات
پیدائش	4 مارچ 1996ء (28 سال)  سیالکوٹ
رہائش	لاہور پاکستان
شہریت	پاکستان
قد	158 سینٹی میٹر
وزن	65کلوگرام
استعمال ہاتھ	دائیں ہاتھ سے
بہن/بھائی	مدینہ ظفر
عملی زندگی
سبکدوش؟	فعال
پیشہ	اسکواش کھلاڑی
کھیل	اسکوائش
اعلیٰ ترین درجہ	نمبر 78
تمغے خواتین اسکواش نمائندگی پاکستان جنوب ایشیائی کھیل 2019ء نیپال ٹیم 2019ء نیپال سنگل

فائزہ ظفر (پیدائش 4 مارچ 1996ء سیالکوٹ) ایک پاکستانی خاتون پیشہ ور اسکوائش کھلاڑی ہے۔ نومبر 2018ء میں پی ایس اے کی عالمی اسکوائش درجہ بندی میں وہ 78 درجے پر تھیں، جو ان کی اب تک کی سب سے بڑی درجہ بندی ہے۔ جب کہ اس وقت نومبر 2020ء کے مطابق ان کی درجہ بندی 109 ہے۔ ان کی چھوٹی بہن مدینہ ظفر اسکواش کی ساتھی کھلاڑی ہیں جو بین الاقوامی سطح پر پاکستان کے لیے کھیلتی ہیں۔

کھیل

مدینہ ظفر و فائزہ ظفر کے ایک مشترکہ انٹرویو میں ان دونوں بہنوں کا کہنا تھا کہ انھوں نے بچپن ہی سے اسکوائش شروع کر دی تھی، اس کی وجہ جہانگیر خان تھے، جن سے ایک ملاقات کے بعد فائزہ ظفر کے والد نے اپنی بیٹیوں کو اسکوائش کی طرف مائل کیا۔ فائزہ ظفر کو اپنی بہن کے ہمراہ 2018ء دولت مشترکہ کھیلوں میں پاکستان کی نمائندگی کے لیے منتخب کیا گیا تھا جہاں ان دونوں نے دولت مشترکہ کھیلوں میں پہلی بار حصہ لیا تھا۔ فائزہ کی شراکت میں مدینہ ظفر نے خواتین ڈبل مقابلے میں 2018ء دولت مشترکہ کھیلوں میں حصہ لیا اور گروپ مرحلے میں ہی باہر ہو گیئں۔

فائزہ ظفر نے 2018ء پی ایس اے عالمی دورہ کے حصے پی ایس ایف پاکستان اسکوائش سرکٹ کے فائنل میں اپنی بہن مدینہ ظفر سے شکست کھائی۔

2017ء میں فائزہ نے فائنل میں پاکستان کی نمبر ایک کھلاڑی سعدیہ گل کو دو کے مقابلے سے تین سیٹ سے ہرا کر، پشاور کے پی اے ایف ہاشم خان سکواش کمپلیکس میں آٹھویں آئی سی ایم ایس قومی خواتین سکواش چیمپین شپ جیتی۔ 2019ء میں نیپال میں جنوب ایشیائی کھیلوں میں اسکوائش کے ٹیم مقابلوں میں چاندی کا اور سنگل مقابلوں مین کانسی کا تمغا جیتا۔ مارچ 2020ء میں سندھ رینجرز جہانگیرخان اسکواش کمپلیکس میں کھیلے گئے سندھ اوپن اسکواش چیمپئن شپ سرکٹ تھری کے ویمنز ایونٹ کے فائنل میں فائزہ ظفر نے آمنہ فیاض کو کسی مزاحمت کے بغیر تین، صفر سے مات دے کر چیمپئن شپ جیت لی۔ اکتوبر2020ء میں پاکستان آرمی کی طرف سے کھیلتے ہوئے، فائزہ ظفر نے اپنی بہن مدینہ ظفر کو شکست دے کر قومی وویمن سکواش چمپئن شپ جیتی۔

فائزہ ظفر اس وقت پاکستان کی اپنی اسکوائش درجہ بندی میں 25ویں درجے پر ہیں، جب کہ یہ پاکستان فوج سے ایک معاہدے کے تحت، فوج کی اسکوائش ٹیم کا حصہ ہیں۔ اور ملکی سطح پر ہونے والے اسکوائش مقابلوں میں فوجی ٹیم کی نماہندگی کرتی ہیں۔

ان کی دیگر وہ بہنوں میں، بڑی بہن پاکستان قومی کرکٹ ٹیم میں اور چھوٹی بہن بھی اسکوائش کھیلتی ہے۔

بیرونی روابط

• فائزہ ظفر اسکوائش انفو پر