فنا (فلم)

فنا
(ہندی میں: फ़ना)
عمومی معلومات
صنف	رومانوی صنف ،  ڈراما
موضوع	دہشت گردی
تاریخ نمائش	2006
دورانیہ	180 منٹ
ملک	بھارت
زبان	ہندی
عکس بندی کے مقامات	دہلی
عملہ
ہدایت کار	کنال کولی
فلم ساز	ادتیے چوپڑا ،  یش چوپڑا
پروڈکشن ڈیزائنر	ایوا سکوزکوزکا ‏
منظر نامہ	کنال کولی
اداکار	کاجول دیوگن مکھرجی ،  عامر خان ،  رشی کپور ،  کرن کھیر ،  شرت سکسینا ،  تبو ،  کرن جوہر ،  لارا دتا ،  سنایا ایرانی
موسيقى	جتن للت
فلمی صنعت
عکس بندی	راوی کے چندران ‏
اسٹوڈیو	یش راج فلمز
تقسیم کنندہ	یش راج فلمز ،  نیٹ فلکس
۔۔۔ پر معلومات

فنا 2006ء میں جاری ہونے والی بھارتی فلم ہے۔ فلم کی ہدایت کاری کونال کوہلی نے کی جبکہ فلم کی پروڈکشن یش راج فلم کی زیر نگرانی ہوئی ۔ فلم نے ہندوستانی سینما کی کامیاب فلموں کی تاریخ کی بلندیوں کو چھوا۔فلم میں ہیرو کا کردار عامر خان نے ادا کیا جبکہ ان کے مقابل اداکارہ کاجل نے اپنی اداکاری کے جوہر دکھائے- کاجل نے ایک کشمیری نابینا لڑکی کا کردار ادا کیا جو ایک گائیڈکی محبت میں گرفتار ہوجاتی ہے- فلم میں معاون کرداروں کا کردار رشی کپور اور تبو نے کیا ہے۔

فلم کی کہانی فلم کے ہیرو عامر خان کے گرد گھومتی ہے جو ایک ٹریول گائیڈ ریحان خان کا کردار ادا کر رہے ہیں جو نئی دہلی میں آنے والے لوگوں کی رہنمائی کرتے ہیں۔فلم میں کاجل ایک کشمیری نابینا لڑکی زونی علی بیگ کا کردار ادا کر رہی ہے جو ریحان خان کی دل لگانے والی باتوں سے متاثر ہو کر اس کی محبت میں گرفتار ہوجاتی ہے یہ دونوں ایک حادثے اور دہشت گرد حملے کی وجہ سے علاحدہ ہو جاتے ہیں جس کے نتیجے میں ظاہر کیا جاتا ہے کہ ریحان ہلاک ہو گیا جبکہ بعد میں یہ انکشاف ہوتا ہے کہ ریحان مارا نہیں گیا بلکہ درحقیقت یہ دہشت گرد حملوں کا ماسٹر مائنڈ ہے اور سات سال بعد اسے کشمیری تنظیم جسے"آئی کے ایف" کہا جاتا ہے ایک مشن پر بھیجتا ہے جہاں وہ ایک بار پھر زونی سے ملتا ہے

اپنے وقت ریلیز ہونے والی فلموں میں یہ مہنگی ترین فلم گنی جاتی ہے۔ اس کا نام فنا متعدد زبانوں سے لیا گیا ہے جس کا مطلب عربی، فارسی ،اردو اور ہندی میں " خاتمہ" ہیں۔ اس فلم کو چھ مئی2006 کو ملائیشیا میں جبکہ 2012 میں برازیل میں بھی ریلیز کیا گیا۔ فلم ک بجٹ تقریباََ 30 کروڑ   ہندوستانی روپے تھا اور اس نے باکس آفس پر سو کروڑ سے زیادہ کما کر دیے۔

فلمبندی کے مقامات

فلم کو بنیادی طور پر کشمیر میں فلم بندی کا منصوبہ بنایا گیا تھا لیکن فلمی اداکاروں کے وہاں کے ناموافق حالات کی وجہ سے کام کرنے سے انکار پر پولینڈ کی پہاڑوں پر عکس بندی کی گئی جو انتہائی برفانی اور خوبصورت پہاڑی علاقہ ہے ۔