مہاجر بن ابی امیہ

مہاجر بن ابی امیہ
معلومات شخصیت
والد	ابو امیہ ابن المغیرہ
بہن/بھائی	ہند بنت ابی امیہ ،  قريبہ كبرى بنت ابی اميہ ،  قريبہ بنت ابی اميہ

مہاجر بن ابی امیہ مخزومی، صحابی ہیں، اصل نام: ولید بن ابو امیہ بن مغیرہ بن عبد اللہ ہے، جب اسلام قبول کیا اور ہجرت کی تو محمد صلی اللہ علیہ و آلہ وسلم نے ان کا نام "مہاجر" رکھ دیا۔ قریش کے قبیلہ بنو مخزوم سے تعلق تھا، ام المؤمنین ام سلمہ کے بھائی تھے۔ یعنی خال المومنین تھے۔ شادی اسماء بنت نعمان سے ہوئی تھی۔

احوال

مہاجر غزوہ بدر کے موقع پر اسلام قبول نہیں کیے تھے اور مشرکین کے ہمراہ مسلمانوں کے خلاف جنگ میں شریک تھے، بدر میں ان کے دو بھائی بھی مارے گئے تھے۔ مہاجر ان اصحاب میں سے ہیں جو کسی وجہ سے غزوہ تبوک میں شریک نہیں ہو سکے تھے، پیغمبر اسلام صلی اللہ علیہ و آلہ وسلم ان سے ناراض تھے، پھر ام المومنین ام سلمہ کی سفارش کے ان کا عذر قبول کیا اور معاف کر دیا۔

نبی صلی اللہ علیہ و آلہ وسلم نے انھیں "کندہ" اور "صدف" کے صدقات وصولنے کا عامل بنایا تھا، نبی اکرم کی وفات تک بیماری کی وجہ سے مدینہ میں ہی رہے، بعد میں "زياد بن لبيد" کو خط لکھا۔ (زیاد یمن میں رسول اللہ کے عامل تھے۔) جب بیماری سے نجات ملی تو فتنہ ارتداد کا زمانہ تھا، ابوبکر صدیق نے فتنہ ارتداد کی جنگوں میں یمن میں اسود عنسی سے مقابلہ کے لیے ان کے ہاتھ میں جھنڈا دیا تھا، جنگ میں کامیاب ہونے کے بعد ابوبکر صدیق نے انھیں یمن اور محافظہ حضرموت کی ولایت کا اختیار دیا، انھوں نے یمن کو اختیار کیا.