ول ڈیورانٹ
| ول ڈیورنٹ | |
|---|---|
| پیدائش | 5 نومبر 1885 شمالی آدمز، میساچوسٹس |
| وفات | نومبر 7، 1981 (عمر 96 سال)لاس اینجلس، کیلی فورنیا |
| پیشہ | مورخ، مصنف، فلسفی اور استاد |
| قومیت | امریکہ |
| مادر علمی | سینٹ پیٹرز کالج (بی۔اے، 1907) کولمبیا یونی ورسٹی (پی ایچ ڈی فلسفہ، 1917) |
| دور | 1917ء- 1981ء |
| صنف | غیر افسانوی ادب |
| موضوع | تاریخ، فلسفہ، مذہب |
| شریک حیات | ایرئیل ڈیورنٹ |
| اولاد | ایتھل ڈیورنٹ |
ول ڈیورانٹنارتھ ایڈمز میساچیوسٹس امریکہ میں 5 نومبر 1885ء کو پیدا ہوا۔ ول ڈیورنٹ مورخ اور فلسفی تھا جس نے 11جلدوں میں تہذیب کی کہانی لکھی اور 1968 میں پلٹزر پرائز Pulitzer prize اور 1977ء میں صدارتی تمغا برائے آزادی ( Presidential Medal of Freedom )حاصل کیا۔
تعلیم و تدریس[ترمیم]
ول ڈیورانٹ نے 1900ء میں سینٹ پیٹرز پریپریٹری اسکول سے فراغت کے بعد سینٹ پیٹرز کالج نیوجرسی شہر چلا گیا۔1907ء میں وہ گریجوایشن کے بعد ایک اخبار میں کام کرنے لگا۔1907میں نیو جرسی کی یونیورسٹی میں لاطینی، فرانسیسی، انگریزی اور جیومیٹری پڑھانا شروع کی۔1911ءمیں فریر ماڈرن اسکول کا نگران بنا دیا گیا۔1913ء میں ایرئیل نامی لڑکی سے شادی کی، اس کے بعد نوکری چھوڑ کر یورپکے دورے پر گيا بعد ازاں وہ ایک گرجے میں لیکچر دینے لگا۔1917ء میں کولمبیا یونیورسٹی سے فلسفے میں پی ایچ ڈی کی۔
کتب[ترمیم]
1917ء میں جب ول ڈیورنٹ پی ایچ ڈی کر رہا تھا تب اس کو فلسفے سے دلچسپی پیدا ہوئی۔اس دوران ہی اس نے پہلی کتاب لکھی، "فلسفہ اور سماجی مسائل"۔جس میں اس نے اس بات پر زور دیا کہ فلسفہ میں سماجی مسائل سے گریز کیا جاتا رہا ہے۔اس نے کافی کتابیں لکھیں جن میں تہذیب کی کہانی 11 جلدوں پر مشتمل ہے۔
- فلسفہ اور سماجی مسائل، (Philosophy and the Social Problem)۔1917
- داستان فلسفہ، (The Story of Philosophy)۔1926
- تہذیب کی کہانی ، (The Story of Civilization)۔1935 سے 1975 کے دوران 11 جلدوں میں چھپی۔
- منتقلی، (Transition)۔1927
- فلسفہ کی عمارت، (The Mansions of Philosophy)۔1929
- بھارت کے لیے مقدمہ، (The Case for India)۔1930
- نشاط فلسفہ، ( The Pleasures of Philosophy)۔1953
- تاریخ کا سبق، ( The Lessons of History)۔1968
- زندگی کی تشریح، (Interpretations of Life)۔1970
- انسانی تہذیب کا ارتقاء
وفات[ترمیم]
7 نومبر 1981ء کو 96 سال کی عمر میں وفات پائی۔
حوالہ جات[ترمیم]
https://en.wikipedia.org/wiki/Will_Durant
مزید دیکھیے[ترمیم]
 |
ویکی اقتباسات میں ول ڈیورنٹ سے متعلق اقتباسات موجود ہیں۔ |
