ٹائیگر شارک

ٹائیگر شارک زمانی حد: 56–0 ما قبل ک ک O S D C P T J K Pg N Early Eocene to Present
بقا کی صورت حال
قریب الخطر  (IUCN 3.1)
سائنسی درجہ بندی
اقلیم:	جانور
جماعت:	Chondrichthyes
ذیلی جماعت:	Elasmobranchii
بالائی فصیلہ:	شارک
فصیلہ:	Carcharhiniformes
خاندان:	Carcharhinidae
جنس:	Galeocerdo J. P. Müller & Henle, 1837
نوع:	G. cuvieri
فائل:Cypron-Range Galeocerdo cuvieri.svg
ٹائیگر شارک کے مسکن
ہم نام
Squalus cuvieriPerón and Lessueur, 1822 Galeocerdo tigrinus Müller and Henle, 1837

ٹائیگر شارک (انگریزی: Tiger shark) ریکویم شارک (requiem shark) کی ایک نوع اور گیلیو سرڈو(Galeocerdo) جنس میں تنہا موجود جاندار ہے۔ عام طور پر یہ سمندری ٹائیگر کے نام سے جانی جاتی ہے۔ٹائیگر شارک جسمانی طور پر ایک بڑے حجم کی حامل شارک ہے جس کی لمبائی 5میٹر یعنی 16 فیٹ 6انچ تک ہو سکتی ہے۔یہ شارک عموماً استوائی اور معتدل آبی خطوں میں اور خصوصاً بحر الکاہل کے وسط میں واقع جزیروں کے قریب بکثرت پائی جاتی ہے۔اس کا نام ٹائیگر اس کے جسم کے زیریں حصے پر موجود گہری پٹیوں کی وجہ سے پڑا ہے جس کا رنگ شارک کے بڑا ہونے کے ساتھ ساتھ پھیکا پڑتا جاتا ہے ۔

ٹائیگر شارک کی خوراک

ٹائیگر شارک اکیلی اور رات کی شکاری ہے اور شارک کی تمام پرجاتیوں میں اس کی خوراک کی فہرست سب سے وسیع ہے ، یہ کرسٹیشینز ، مچھلیاں ، پرندے ، سیلز ، سکویڈ ، کچھوے اور سمندری سانپوں سے لے کر ڈالفن اور حتی کہ چھوٹی شارکس کو بھی کھا جاتی ہے۔ ٹائیگر شارک آدمی کی بنائی ہوئی ناقابل ہضم چیزیں کھانے میں بھی مشہور ہے ، جو اس کے معدے میں دیر تک رہتی ہیں ، اسی وجہ سے یہ کچرہ کھاؤ کے نام سے بھی شہرت رکھتی ہے ، ٹائیگر شارک خوراک کی چین میں سب جانداروں پر سبقت رکھتی ہے وہیں ایک ایسا جانداربھی موجود ہے جو اکثر ٹائیگر شارک کا شکار کرتا ہے اور اس جاندار کا نام ہے کلر وہیل ، ٹائیگر شارک کی نسل انسانوں کی وجہ معدوم ہونے کے خطرے سے دوچار ہے ۔

اسمیات(taxonomy)

اس شارک کو سب سے پہلے 1822 میں پیرن اور لئیر نے بیان کیا اور اس کا نام سکویلس کویری رکھا ، ملر اورہنری نے 1837 میں اس کا نام بدل کر گیلیسرڈو ٹگرینس رکھا ، جینس گیلیسرڈو لفظ یونانی زبان کے لفظ گیلیوزمطلب شارک اور لاطینی زبان کے لفظ سرڈس جو سور کے سخت بالوں کو کہتے ہیں سے نکلا ہے ، عام بول چال میں اس شارک کو آدم خور بھی کہا جاتا ہے ، ٹائیگر شارک شارکس کے جس گروپ کی رکن ہے اس کا نام Carcharhiniformes ہے اور یہ سب سے انواع والا گروپ ہے جس میں 270 سے زیادہ اقسام پائی جاتی ہیں جس میں کیٹ شارک اور ہیمر ہیڈ شارک بھی شامل ہے ، اس گروپ کے ارکان کی پہچان ان کی آنکھوں پر موجود ایک جھپکتی جھلی ، دو سائیڈ کے پرایک پشت کے پر اور گلپھڑے کے پانچ شگافوں سے کی جا سکتی ہے ، Carcharhinidae خاندان کی یہ سب سے بڑی رکن ہے جسے عام طور پر ریکویم شارک کہا جاتاہے ، شارک کا یہ خاندان زیادہ تر دبلی لیکن طاقتور درمیانے سے بڑی جسامت کی شارک مچھلیوں پر مشتمل ہے اور کچھ دوسری جانی پہچانی شارکس بھی اس خاندان میں شامل ہیں جیسے بلیو شارک ، لیمن شارک ، اوربل شارک ۔

جسم

ٹائیگر شارک کی لمبائی 5 میٹر سے زیادہ ہوتی ہے، اس کا تعلق ذہین شارک کی قسم سے ہے اسی وجہ سے اس کو محض رات ہی میں شکار کیا جا سکتا ہے۔

دیو مالا

ہوائی کے بعض مقامی قبائل ٹائیگر شارک کو مقدس خیال کرتے ہیں، بعض کا خیال ہے کہ ٹائیگر شارک میں اُن کے آبا و اجداد کی روحیں ہیں، نیز بعض قبائل کا یہ بھی خیال ہے کہ ان کی آنکھوں کے ڈیلے میں دیکھنے کی خصوصی طاقت ہوتی ہے۔

بیرونی روبط

• "Galeocerdo cuvier"۔ Integrated Taxonomic Information System۔ اخذ شدہ بتاریخ 2006-04-07
• Tiger shark, Galeocerdo cuvier موسوعۃ الحیات پر
• عمومی معلومات Enchanted Learning. تجدید 22 جنوری2005.
• مختلف خوراک کی معلومات شارک کی معلومات. تجدید22 جنوری2005.
• ہوائی میں ٹائیگر شارک تحقیقی پروگرام. تجدید 22 جنوری 2005.
• ٹائیگر شارک: فیکٹ فائلآرکائیو شدہ بذریعہ animals.nationalgeographic.com نیشنل جیوگرافک پر
• ٹائیگر شارک پر ٹریکنگ ریسرچ
• ٹائیگر شارک کی تصویریںآرکائیو شدہ بذریعہ shark-pictures.com