الشفاء بتعریف حقوق المصطفی

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
کتاب الشفاء کا عکس

سیرت نبوی کے موضوع پر قاضی عیاض (15 شعبان 476ھ ۔ 544ھ / 28 دسمبر 1083ء ۔ 1149ء ) کی یہ کتاب مختصراً الشفاء یا شفاء شریف کے نام سے بھی مشہور ہے۔ یہ سیرت کی معروف اور مقبول عام کتاب ہے۔ مصنف نے کتاب میں رسول پاک کے فضائل، محاسن اور معجزات کو ایسے مؤثر اور دل پذیر پیرائے میں بیان کیا ہے کہ ان کے ایک ایک لفط سے آنحضرت کے ساتھ انتہائی عقیدت اور محبت ٹپکتی ہے۔

طباعت و اشاعت[ترمیم]

اس کتاب کے متعدد ایڈیشن استنبول، قاہرہ، ہندوستان اور پاکستان سے شائع ہو چکے ہیں۔

شروحات[ترمیم]

ایک مصری عالم اور ادیب الخفاجی (احمد شہاب الدین الخفاجی متوفی 1069ھ / 1659ء) نے اسکی ایک مبسوط شرح نسیم الریاض کے نام سے لکھی جو چار ضخیم جلدوں میں استنبول اور قاہرہ سے شائع ہو چکی ہے۔

اس کی ایک شرح محمد علی القادری نے بھی لکھی جو نسیم الریاض کے مصری ایڈیشن کے حاشیہ پر چھپی ہے۔

تراجم[ترمیم]

اردو تراجم[ترمیم]

الشفاء کے دو اردو تراجم لاہور سے شائع ہو چکے ہیں۔