جیوتی باسو

جیوتی باسو
(بنگالی میں: জ্যোতি বসু)
معلومات شخصیت
پیدائش	8 جولا‎ئی 1914  کولکاتا
وفات	17 جنوری 2010 (96 سال)  کولکاتا
وجہ وفات	نمونیا
شہریت	بھارت (26 جنوری 1950–) برطانوی ہند (–14 اگست 1947) ڈومنین بھارت (15 اگست 1947–26 جنوری 1950)
جماعت	بھارتیہ مارکسوادی کمیونسٹ پارٹی (1964–) کمیونسٹ پارٹی آف انڈیا (1940–1964)
مناصب
وزیر اعلی مغربی بنگال (6 )
برسر عہدہ 21 جون 1977  – 5 نومبر 2000
بدھادیو بھٹاچاریہ
عملی زندگی
مادر علمی	جامعہ کلکتہ
پیشہ	سیاست دان
پیشہ ورانہ زبان	بنگلہ،  انگریزی،  ہندی
دستخط

جیوتی باسو معروف بھارت کے بنگالی کمیونسٹ سیاستدان اور رہنما اور مغربی بنگال کے سابق وزیر اعلیٰ تھے۔

ابتدائی سیاست

جیوتی باسو کی پیدائش 8 جولائی 1914 کو مشرقی بنگال (جو اب بنگلہ دیش ہے) کے ایک خوشحال متوسط خاندان میں ہوئی تھی۔ انہوں نے لندن سے وکالت کی تعلیم حاصل کی اور 1930 کے عشرے میں کمیونسٹ پارٹی میں شمولیت اختیار کی۔ وہ ریلوے ورکرز فیڈریشن میں اپنی سرگرمیوں کے سبب پہلی بار نوٹس میں آئے۔

وزیراعلیٰ

جیوتی باسو سنہ انیس سو ستتر سے سنہ دو ہزار تک مغربی بنگال کے وزیر اعلیٰ رہے اور جب ان کی صحت خراب ہونے لگی تو ان کی جگہ موجودہ وزیر اعلیٰ بدھ دیو بھٹا اچاریہ نے لی۔ اس طرح وہ دنیا کے سب سے طویل عرصے تک حکومت کرنے والے پہلے منتخب کمیونسٹ رہنما تھے۔

دور حکومت

جیوتی باسو کے دور اقتدار میں دس لاکھ سے زیادہ بے زمین کسان زمینوں کے مالک بن گئے۔ حکومت دیہی علاقوں میں محض بیس برس کے عرصے میں غربت میں 25 فی صد کمی لانے میں کامیاب ہوئی۔ اس نےگاؤں اور مقامی سطح پر خود انتظامی کے نظام پر توجہ دے کر عام لوگوں کے جمہوری حقوق کو تقیوت بخشی۔ یہی نہیں حکومت نے مغربی بنگال کی زرعی اور مچھلیوں کی پیداوار میں زبردست اضافہ کیا۔

کنارہ کشی

دنیا کے دیگر ملکوں کے کمیونسٹ رہنماؤں کے برعکس باسو 23 برس تک اقتدار میں رہنے کے بعد اپنی مقبولیت کے عروج پر اپنی مرضی سے سیاست سے کنارہ کش ہو گئے۔

انتقال

کلکتہ میں نمونیے کی وجہ سے سترہ جنوری دو ہزار دس کو ان کا انتقال ہوا۔

بیرونی روابط

• جیوتی باسو کی زندگی: تصاویر میں
• جیوتی باسو، سیاست کا افسانوی کردار