حنا خواجہ بائیات
| حنا خواجہ بائیات | |
|---|---|
| معلومات شخصیت | |
| مقام پیدائش | کراچی |
| رہائش | کراچی، پاکستان |
| قومیت | پاکستانی قوم |
| عملی زندگی | |
| پیشہ | اداکارہ |
| دور فعالیت | 2011 – حال |
| وجہ شہرت | ہم سفر زندگی گلزار ہے |
 |
IMDB پر صفحہ |
درستی - ترمیم  | |
حنا خواجہ بائیات (انگریزی: Hina Khawaja Bayat) ایک پاکستانی اداکارہ ہے۔ ہم سفر، زندگی گلزار ہے اور شہر ذات اُن کے مشہور ڈرامے ہیں۔ وہ اپنے ملک کے ڈراموں، ان کی جاذبیت اور ما ورائے ملک شہرت کے بارے میں کافی مطمئن ہیں۔ ان کے مطابق پاکستانی ڈراموں کے کردار حقیقت سے بہت قریب تر ہوتے ہیں۔ یہ کردار گویا ایک عام آدمی یا عورت کی عکاسی کرتے ہیں اور ان کو ہو بہ ہو فلمائی ہوئی حالت میں قبولیت کا مادہ رکھتے ہیں۔ اپنے اسی انٹرویو میں انھوں نے کہا کہ پاکستانی ڈرامے ایک قابل اعتماد ہوتے ہیں اور پھر ان کے کردار حقیقت کے بہت قریب ہوتے ہیں۔ انھوں نے کہا کہ پاکستانی ڈراموں کا چلن پاکستان ہی تک محدود نہیں بلکہ کئی دیگر ممالک میں بھی دیکھے جاتے ہیں اور اس وجہ سے یہ ایک عالمی افادیت کا زمرہ اختیار چکے ہیں۔ اسی طرح سے کیبل اور سیٹلائٹ کے دور سے پہلے بھی پاکستانی ڈرامے بھارت میں دیکھے گئے ہیں۔[1]
حنا خواجہ بائیات کے مطابق پاکستانی ڈراموں سے لگاؤ کوئی تازہ نہیں بلکہ 80 کی دہائی میں بھی پاکستانی ڈرامے نہ صرف پاکستان بلکہ بھارت میں بھی مشہور تھے اور اس وقت بھارتی چینلز پر یہ ڈرامے دکھائے جانے کے باوجود سیٹلائٹ اور ڈی کے ذریعے بھارت میں دیکھے جا رہے تھے انھوں نے کہا کہ پاکستان اور بھارت کو ایک دوسرے کی اقتصادی ، تجارتی اور سیاسی اہمیت کو سمجھتے ہوئے آپس میں دشمنی کی بجائے دوستانہ تعلقات کو فروغ دینا چاہیے انھوں نے کہا کہ مجھے شوبز میں آنے کی اجازت ہر گز نہیں تھی کیونکہ میرے والد کہتے تھے کہ مجھے اچھا نہیں لگتا کہ تمھاری تصویر ہر جگہ لگی ہو لوگ تمھیں بری نظر سے دیکھیں تاہم میرے شوہر نے مجھے اس فیلڈ کو اپنانے میں بہت سپورٹ دی ۔[2]
ٹیلی ویژن
[ترمیم]سماجی میڈیا مقبولیت
[ترمیم]حنا خواجہ بائیات شہر ذات، متاع جان ہے تو، زندگی گلزار ہے، ایک نئی سنڈریلا، اڑان، بشر مومن، صنم، تم کون پیا اور کتنی گرہنیں باقی ہیں' جیسے ڈراموں کی اداکارہ حنا خواجہ بائیات یوں تو اپنی اداکاری کی وجہ سے کافی شہرت رکھتی ہیں، تاہم ان کی جانب سے بیٹی کی شادی پر کی گئی ڈانس کی ویڈیو وائرل ہونے کی وجہ سے وہ خبروں میں ہیں۔ حنا خواجہ بائیات نے 18 دسمبر 2020ء کو انسٹا گرام پر اپنی بیٹی کی شادی کی تقریب میں رقص کرنے کی ویڈیو شیئر کی، جس میں انھیں معروف بھارتی گانے 'ڈولا رے' پر رقص کرتے ہوئے دیکھا جا سکتا ہے۔ادھیڑ عمری میں بھی شاندار طریقے سے ناچ کرنے پر مداحوں نے حنا خواجہ بائیات کی تعریفیں کیں جب کہ ان کی بیٹی کے لیے نیک خواہشات کا اظہار کیا۔ اداکارہ نے ڈانس ویڈیو شیئر کرتے ہوئے لکھا ہے کہ ان کے لیے سب سے خوبصورت لمحے ہیں، کیوں کہ ان کی بیٹی کی شادی ہو رہی ہے۔[3]