محمد صادق گنگوہی
محمد صادق گنگوہی (987–1058ھ بہ مطابق 1579–1648ء) ایک ہندوستانی عالم دین سلسلہ چشتیہ صابریہ کے مشہور روحانی پیشوا، مصلح ، مصنف اور مبلغ تھے۔
| محمد صادق گنگوہی | |
|---|---|
| معلومات شخصیت | |
| پیدائش | 23 مئی 1579ء گنگوہ |
| وفات | سنہ 1648ء (68–69 سال) گنگوہ |
| شہریت |  مغلیہ سلطنت |
| عملی زندگی | |
| پیشہ | صوفی ، عالم ، مصنف ، مبلغ |
| پیشہ ورانہ زبان | عربی ، فارسی |
درستی - ترمیم  | |
سوانح[ترمیم]
محمد صادق گنگوہی کی پیدائش 17 ربیع الاول 987ھ (بہ مطابق 1579ء) کو قصبہ گنگوہ میں ہوئی۔[1] یہ ابو سعید گنگوہی کے حقیقی بھتیجے اور عبد القدوس گنگوہی کے پڑپوتے تھے۔[2]
کم عمری ہی سے تعلیمی سلسلہ شروع ہو گیا تھا، ان پر ابو سعید گنگوہی کی خصوصی نظر تھی، ان سے ہی اجازت و خلافت عطا ہوئی اور ابو سعید گنگوہی کے بعد ان کے جانشین ہوئے۔[2][3]
ان کے خلفاء میں ان کے دونوں لڑکوں داؤد گنگوہی اور محمد گنگوہی کے علاوہ ابراہیم مرادآبادی، عبد السبحان سہارنپوری، جلیل الہ آبادی اور یوسف کابلی شامل ہیں۔[3][4]
ان کی وفات 1058ھ (بہ مطابق 1648ء) کو گنگوہ میں ہوئی۔[3] قصبہ گنگوہ، اتر پردیش بھارت میں ان کا مزار عبد القدوس گنگوہی کے مزار کے شمال میں ہے۔[1]
حوالہ جات[ترمیم]
مآخذ[ترمیم]
کتابیات[ترمیم]
- مسرت حسین آزاد، مدیر (اگست 1970)۔ "شیخ محمد صادق گنگوہی از ڈاکٹر حامد علی خاں، لیکچرار مسلم یونیورسٹی"۔ الفاروق۔ رام پور، اتر پردیش: دفتر ماہنامہ الفاروق بنگلہ آزاد خاں۔ 3 (21)
- عبد الحئی حسنی (1999)۔ نزهة الخواطر و بهجة المسامع والنواظر (جلد اول) (بزبان عربی) (پہلا ایڈیشن)۔ بیروت، لبنان: دار ابن حزم