مہرین پیرزادہ

مہرین پیرزادہ
معلومات شخصیت
پیدائش	5 نومبر 1995ء (29 سال)  بٹھنڈہ
رہائش	حیدر آباد
شہریت	بھارت
عملی زندگی
مادر علمی	مایو کالج گرلز اسکول
پیشہ	ادکارہ ،  ماڈل ،  ٹیلی ویژن اداکارہ
	IMDB پر صفحہ

مہرین کور پیرزادہ (پیدائش 5 نومبر 1995ء) ایک بھارتی ماڈل اور اداکارہ ہے جو عموماً تیلگو زبان کی فلموں میں اداکاری کرتی ہے۔مہرین پیرزادہ نے ٹالی وڈ میں اپنے فنی سفر کا آغاز فلم کرشنا گادی ویرا پریما گادھا میں نانی کے ساتھ کیا۔ مہرین کور پیر زادہ نے 2017 میں اپنی پہلی بالی وڈ کی فلم پھلاؤری میں اداکاری کی۔

ابتدائی زندگی

مہرین کور پیرزادہ 5 نومبر 1995 ء کو ہندوستانی پنجاب کے شہر بٹھنڈہ میں ایک سکھ خاندان کے ہاں پیدا ہوئی۔ اس کا ایک چھوٹا بھائی گُرفتح پیرزادہ ہے۔ .

مہرین نے ابتدائی تعلیم مایو کالج گرلز اسکول اجمیر سے حاصل کی اور وہ اس اسکول میں طلبہ کونسل کی رکن بھی تھی۔اس نے پاتھ وے ہائی اسکول اراولی سے ابتدائی تعلیم مکمل کی۔

فنی زندگی

ماڈلنگ

مہرین کور پیرزادہ 10 سال کی عمر میں پہلی بار ریمپ واک میں شریک ہوئی اور اس مقابلہ حسن میں کساؤلی کی شہزادی (Kasauli Princess) کا اعزاز جیتا، یوں یہ اس کی فنی زندگی کا نقطہ آغاز تھا۔ اس کے بعد سال 2013 میں اس نے ٹورنٹو میں ہونے والے مقابلے مس پرسنیلیٹی ساؤتھ ایشیا کنیڈا (Miss Personality South Asia Canada 2013) کا تاج سر پر سجایا۔

فلم

مہرین نے اپنی پہلی فلم تیلگو زبان میں کی جس کا نام کرشنا گادی ویرا پریما گادھا تھا۔ اور اس فلم میں اس نے مہالکشمی کا کردار ادا کیا۔ یہ فلم تیلگو ریاستوں اور امریکی باکس آفس پر ہٹ ترین ثابت ہوئی۔ مارچ 2017 میں مہرین نے انوشکا شرما ، دل جیت دو سنج اور سورج شرماکے ساتھ بالی وڈ میں اپنی پہلی فلم میں اداکاری کی۔ مہرین کور پیرزادہ کی تازہ ترین ٹالی وڈ ہٹ فلم راجا دی گریٹ ہے، جس میں اس کے ساتھ روی تیجا نے اداکاری کی ہے اور یہ ایک مزاحیہ ایکشن فلم ہے۔