میل گبسن

میل گبسن (1990ء)

میل گبسن (انگریزی: Mel Columcille Gerard Gibson) (پیدائش: 3 جنوری 1956ء) امریکی نژاد آسٹریلوی اداکار، ہدایت کار، پیش کار اور مصنف ہیں۔ وہ امریکہ میں پیدا ہوئے اور 12 سال کی عمر میں آسٹریلیا منتقل ہو گئے اور بعد ازاں سڈنی کے نیشنل انسٹی ٹیوٹ آف ڈرامیٹک آرٹ سے اداکاری کی تعلیم حاصل کی۔ میڈ میکس اور لیتھل ویپن جیسے معروف سلسلوں میں نام کمانے کے بعد انہوں نے بریو ہارٹ جیسی اکیڈمی ایوارڈ یافتہ فلم تخلیق کی جس میں انہوں نے ہدایت کاری اور مرکزی کردار جیسے اہم فرائض نبھائے۔ بریو ہارٹ کی ہدایت کاری کے نتیجے میں وہ چھٹی شخص بنے جنہوں نے اداکاری سے ہدایت کاری کا رخ کیا اور بہترین ہدایت کار کا آسکر ایوارڈ جیتا۔ 2004ء میں انہوں نے شہرۂ آفاق فلم دی پیشن آف دی کرائسٹ پیش اور تخلیق کی، جس میں حضرت عیسٰی علیہ السلام کی زندگی کے آخری لمحات (مسیحی عقیدے کے مطابق) کی فلمبندی کی گئی ہے۔ انہیں حکومت آسٹریلیا کی جانب سے آفیسر آف دی آرڈر آف آسٹریلیا (Officer of the Order of Australia) کا اعزاز مل چکا ہے جبکہ 2004ء میں معروف جریدے فوربس (Forbes) نے انہیں دنیا کی طاقتور ترین شخصیات کی سالانہ فہرست میں جگہ دی۔

فلمیں

• Mad Max series
• Gallipoli
• The Year of Living Dangerously
• The Bounty
• Hamlet
• Braveheart
• The Passion of the Christ
• Apocalypto
• The Beaver