"احمد فراز" کے نسخوں کے درمیان فرق
←احمد فراز: درستی املا (ٹیگ: ترمیم از موبائل ترمیم از موبائل ایپ اینڈرائیڈ ایپ ترمیم) |
1 مآخذ کو بحال کرکے 1 پر مردہ ربط کا ٹیگ لگایا گیا) #IABot (v2.0.8 |
||
سطر 161: | سطر 161: | ||
== بیرونی روابط == |
== بیرونی روابط == |
||
* [http://www.ipaki.com/urdu/poetry/ahmad_faraz/index.shtml آئی پاکی] |
* [http://www.ipaki.com/urdu/poetry/ahmad_faraz/index.shtml آئی پاکی] {{wayback|url=http://www.ipaki.com/urdu/poetry/ahmad_faraz/index.shtml |date=20050308190707 }} |
||
* [http://www.bbc.co.uk/urdu/specials/1023_likhari_fz_sen/ احمد فراز کا انٹرویو] |
* [http://www.bbc.co.uk/urdu/specials/1023_likhari_fz_sen/ احمد فراز کا انٹرویو] |
||
* [http://www1.voanews.com/urdu/news/arts-entertainment/ahmad-faraz-26aug09-55128987.html احمد فراز ہند پاک دوستی اور ہم آہنگی کی علامت تھے : گوپی چند نارنگ] |
* [http://www1.voanews.com/urdu/news/arts-entertainment/ahmad-faraz-26aug09-55128987.html احمد فراز ہند پاک دوستی اور ہم آہنگی کی علامت تھے : گوپی چند نارنگ]{{مردہ ربط|date=January 2021 |bot=InternetArchiveBot }} |
||
{{Authority control}} |
{{Authority control}} |
||
نسخہ بمطابق 06:55، 16 جنوری 2021ء
احمد فرازؔ | |
---|---|
احمد فرازؔ، ٹورنٹو 2005ء | |
پیدائش | سید احمد شاہ علی 12 جنوری 1931 ء کوہاٹ، خیبر پختونخوا، پاکستان |
وفات | اگست 25، 2008 اسلام آباد، پاکستان | (عمر 77 سال)
قلمی نام | فرازؔ |
پیشہ | اردو شاعر، لیکچرر |
قومیت | پاکستانی |
نسل | ہندکووان سید |
شہریت | پاکستانی |
تعلیم | ایم اے اردو، ایم اے فارسی |
مادر علمی | پشاور ماڈل اسکول جامعہ پشاور |
دور | 1950–2008 |
اصناف | اردو غزل |
موضوع | عشق ، تحریک مزاحمت |
ادبی تحریک | پروگریسو رائٹرز موومنٹ/ڈیموکریٹک موومنٹ |
اہم اعزازات | ہلال امتیاز ستارہ امتیاز نگار ایوارڈ |
اولاد | 3 بیٹے: سعدی، شبلی فراز اور سرمد فراز |
رشتہ دار | سید محمد شاہ برق (والد) سید مسعود کوثر (بھائی) |
[1]احمد فراز کوہاٹ، پاکستان میں پیدا ہونے والے اردو شاعر تھے۔
حالات زندگی
احمد فراز ( یوم پیدائش 12 جنوری، 1931ء - یوم وفات 25 اگست، 2008ء) میں کوہاٹ پاکستان میں پیدا ہوئے۔ ان کا اصل نام سید احمد شاہ ' تھا۔ اردو اور فارسی میں ایم اے کیا۔ ایڈورڈ کالج ( پشاور ) میں تعلیم کے دوران ریڈیو پاکستان کے لیے فیچر لکھنے شروع کیے۔ جب ان کا پہلا شعری مجموعہ "" تنہا تنہا "" شائع ہوا تو وہ بی اے میں تھے۔ تعلیم کی تکمیل کے بعد ریڈیو سے علاحدہ ہو گئے اور یونیورسٹی میں لیکچر شپ اختیار کر لی۔ اسی ملازمت کے دوران ان کا دوسرا مجموعہ "" درد آشوب ""چھپا جس کو پاکستان رائٹرزگلڈ کی جانب سے " آدم جی ادبی ایوارڈ "" عطا کیا گیا۔ یونیورسٹی کی ملازمت کے بعد پاکستان نیشنل سینٹر (پشاور) کے ڈائریکٹر مقرر ہوئے۔ انہیں 1976 ء میں اکادمی ادبیات پاکستان کا پہلا سربراہ بنایا گیا۔ بعد ازاں جنرل ضیاء کے دور میں انہیں مجبوراً جلا وطنی اختیار کرنی پڑی۔1989 سے 1990 چیرمین اکادمی پاکستان،1991 سے 1993 تک لوک ورثہ اور 1993 سے 2006ء تک "" نیشنل بک فاؤنڈیشن ""کے سربراہ رہے۔ ان کا کہنا تھا کہ ٹی وی انٹرویو کی پاداش میں انہیں "" نیشنل بک فاؤنڈیش "" کی ملازمت سے فارغ کر دیا گیا۔ احمد فراز نے 1966 ء میں "" آدم جی ادبی ایوارڈ "" اور 1990ء میں "" اباسین ایوارڈ "" حاصل کیا۔ 1988 ء میں انہیں بھارت میں "" فراق گورکھ پوری ایوارڈ "" سے نوازا گیا۔ اکیڈمی آف اردو لٹریچر ( کینڈا ) نے بھی انہیں 1991ء میں ایوارڈ دیا، جب کہ بھارت میں انہیں 1992 ء میں ""ٹاٹا ایوارڈ "" ملا۔
انہوں نے متعدد ممالک کے دورے کیے۔ ان کا کلام علی گڑھ یونیورسٹی اور پشاور یونیورسٹی کے نصاب میں شامل ہے۔ جامعہ ملیہ (بھارت ) میں ان پر پی ایچ ڈی کا مقالہ لکھا گیا جس کا موضوع "" احمد فراز کی غزل "" ہے۔ بہاولپور میں بھی "" احمد فراز۔ فن اور شخصیت "" کے عنوان سے پی ایچ ڈی کا مقالہ تحریر کیا گیا۔ ان کی شاعری کے انگریزی ،فرانسیسی ،ہندی،یوگوسلاوی،روسی،جرمن اور پنجابی میں تراجم ہو چکے ہیں۔ احمد فراز جنہوں نے ایک زمانے میں فوج میں ملازمت کی کوشش کی تھی، اپنی شاعری کے زمانۂ عروج میں فوج میں آمرانہ روش اور اس کے سیاسی کردار کے خلاف شعر کہنے کے سبب کافی شہرت پائی۔ انہوں نے ضیاالحق کے مارشل لا کے دور کے خلاف نظمیں لکھیں جنہیں بہت شہرت ملی۔ مشاعروں میں کلام پڑھنے پر انہیں ملٹری حکومت نے حراست میں لیے جس کے بعد احمد فراز کوخود ساختہ جلاوطنی بھی برداشت کرنی پڑی۔
سنہ دوہزار چار میں جنرل ریٹائرڈ پرویز مشرف کے دورِ صدارت میں انہیں ہلالِ امتیاز سے نوازا گیا لیکن دو برس بعد انھوں نے یہ تمغا سرکاری پالیسیوں پر احتجاج کرتے ہوئے واپس کر دیا۔ احمد فراز نے کئی نظمیں لکھیں جنہیں عالمی سطح پر سراہا گیا۔ ان کی غزلیات کو بھی بہت شہرت ملی۔
مجموعہ کلام
- تنہا تنہا
- دردِ آشوب
- شب خون
- نایافت
- میرے خواب ریزہ ریزہ
- بے آواز گلی کوچوں میں
- نابینا شہر میں آئینہ
- پسِ اندازِ موسم
- سب آوازیں میری ہیں
- خوابِ گُل پریشاں ہے
- بودلک
- غزل بہانہ کروں
- جاناں جاناں
- اے عشق جنوں پیشہ
نمونہ کلام
اب کے ہم بچھڑے تو شايد کبھی خوابوں ميں مليں
اب کے ہم بچھڑے تو شايد کبھی خوابوں ميں مليں
جس طرح سوکھے ہوئے پھول کتابوں ميں مليں
ڈھونڈ اجڑے ہوئے لوگوں ميں وفا کے موتی
يہ خزینے تجھے ممکن ہے خرابوں ميں مليں
غم دنيا بھي غمِ يار ميں شامل کر لو
نشہ بڑھتا ہے شرابيں جو شرابوں ميں مليں
تو خدا ہے نہ ميرا عشق فرشتوں جيسا
دونوں انساں ہيں تو کيوں اتنے حجابوں ميں مليں
آج ہم دار پہ کھينچے گئے جن باتوں پر
کيا عجب کل وہ زمانے کو نصابوں ميں مليں
اب نہ وہ ميں ہوں، نہ وہ تو ہے نہ وہ ماضی ہے فرازؔ
جيسے دو سائے تمنا کے سرابوں ميں ملیں
آنکھ سے دور نہ ہو دل سے اتر جائے گا
آنکھ سے دور نہ ہو دل سے اتر جائے گا
وقت کا کیا ہے گزرتا ہے گزر جائے گا
اتنا مانوس نہ ہو خلوت غم سے اپنی
تو کبھی خود کو بھی دیکھے گا تو ڈر جائے گا
ڈوبتے ڈوبتے کشتی کو اچھالا دے دوں
میں نہیں کوئی تو ساحل پہ اتر جائے گا
زندگی تیری عطا ہے تو یہ جانے والا
تیری بخشش تری دہلیز پہ دھر جائے گا
ضبط لازم ہے مگر دکھ ہے قیامت کا فرازؔ
ظالم اب کے بھی نہ روئے گا تو مر جائے گا
یہ میری غزلیں یہ میری نظمیں
یہ میری غزلیں یہ میری نظمیں
تمام تیری حکایتیں ہیں
یہ تذکرے تیرے لطف کے ہیں
یہ شعر تیری شکایتیں ہیں
میں سب تری نذر کر رہا ہوں ،
یہ ان زمانوں کی ساعتیں ہیں
جو زندگی کے نئے سفر میں
تجھے کسی روز یاد آئیں
تو ایک اک حرف جی اٹھے گا
پہن کے انفاس کی قبائیں
اداس تنہائیوں کے لمحوں
میں ناچ اٹھیں گی یہ اپسرائیں
مجھے ترے درد کے علاوہ بھی
اور دکھ تھے، یہ جانتا ہوں
ہزار غم تھے جو زندگی کی
تلاش میں تھے، یہ جانتا ہوں
مجھے خبر ہے کہ تیرے آنچل میں
درد کی ریت چھانتا ہوں
مگر ہر اک بار تجھ کو چھو کر
یہ ریت رنگِ حنا بنی ہے
یہ زخم گلزار بن گئے ہیں
یہ آہِ سوزاں گھٹا بنی ہے
یہ درد موجِ صبا ہوا ہے ،
یہ آگ دل کی صدا بنی ہے
اور اب یہ ساری متاعِ ہستی، یہ پھول،
یہ زخم سب ترے ہیں
یہ دکھ کے نوحے، یہ سکھ کے نغمے ،
جو کل مرے تھے وہ اب ترے ہیں
جو تیری قربت، تری جدائی میں
کٹ گئے روز و شب ترے ہیں
وہ تیرا شاعر، ترا مغنی،
وہ جس کی باتیں عجیب سی تھیں
وہ جس کے انداز خسروانہ تھے
اور ادائیں غریب سی تھیں
وہ جس کے جینے کی خواہشیں بھی
خود اس کے اپنے نصیب سی تھیں
نہ پوچھ اس کا کہ وہ دیوانہ
بہت دنوں کا اجڑ چکا ہے
وہ کوہکن تو نہیں تھا لیکن
کڑی چٹانوں سے لڑ چکا ہے
وہ تھک چکا ہے اور اس کا تیشہ
اسی کے سینے میں گڑ چکا ہے
َ
شکوہَ ظلمت شب سے کہیں بہتر تھا
اپنے حصے کی کوئی شمع جلاتے جاتے
بیرونی روابط
- آئی پاکی آرکائیو شدہ (Date missing) بذریعہ ipaki.com (Error: unknown archive URL)
- احمد فراز کا انٹرویو
- احمد فراز ہند پاک دوستی اور ہم آہنگی کی علامت تھے : گوپی چند نارنگ[مردہ ربط]
- 1931ء کی پیدائشیں
- 12 جنوری کی پیدائشیں
- احمد فراز
- 2008ء کی وفیات
- اردو شعرا
- اردو مفکرین
- اسلام آباد کی شخصیات
- اکیسویں صدی کے اردو مصنفین
- ایڈورڈز کالج، پیشاور کے فضلا
- بیسویں صدی کے اردو مصنفین
- بیسویں صدی کے شعرا
- پاکستانی اردو شعرا
- پاکستانی ترقی پسند
- پاکستانی سنی
- پاکستانی شعرا
- پاکستانی مسلم شخصیات
- پشتون شخصیات
- ستارۂ امتیاز وصول کنندگان
- ضلع کوہاٹ کی شخصیات
- غزل
- فضلا جامعہ پشاور
- نگار اعزاز جیتنے والی شخصیات
- وفیات بسبب گردی کمزوری
- ہلال امتیاز وصول کنندگان
- ہندکو شخصیات