آغا سراج درانی

آغا سراج درانی
(سندھی میں: آغا سراج دراني)
معلومات شخصیت
پیدائش	5 اکتوبر 1953ء   تحصیل گڑھی یاسین
وفات	15 اکتوبر 2025ء (72 سال)  کراچی
شہریت	پاکستان
جماعت	پاکستان پیپلز پارٹی (1985–2025)
مناصب
گورنر سندھ
برسر عہدہ 11 جنوری 2017  – 2 فروری 2017
سعید الزماں صدیقی   محمد زبیر
گورنر سندھ
برسر عہدہ 3 اگست 2018  – 27 اگست 2018
محمد زبیر   عمران اسماعیل
رکن صوبائی اسمبلی سندھ
رکن سنہ 13 اگست 2018
حلقہ انتخاب	پی ایس-9
پارلیمانی مدت	15ویں سندھ صوبائی اسمبلی
گورنر سندھ
برسر عہدہ 8 مارچ 2022  – 9 اکتوبر 2022
عمران اسماعیل   کامران ٹیسوری
عملی زندگی
مادر علمی	سندھ مسلم لاء کالج سینٹ پیٹرک اسکول
تعلیمی اسناد	فاضل القانون
پیشہ	سیاست دان
مادری زبان	سندھی
پیشہ ورانہ زبان	اردو ،  سندھی ،  انگریزی

آغا سراج درانی (مکمل نام: محمد آغا سراج خان درانی بارکزئی؛ 5 اکتوبر 1953ء تا 15 اکتوبر 2025ء) پاکستانی سیاست دان تھے جنھوں نے سندھ کی صوبائی اسمبلی کے سابق اسپیکر کے طور پر خدمات انجام دیں وہ 2013ء سے 2024ء تک اس عہدے پرتعنیات رہے۔

وہ صوبائی اسمبلی سندھ کے 12ویں اسپیکر تھے۔

ابتدائی زندگی اور تعلیم

درانی 5 اکتوبر 1953ء میں پیدا ہوئے۔ ان کا تعلق گڑھی یاسین سے تھا، ان کے والد آغا صدر الدین اور چچا آغا بدر الدین اسی اسمبلی میں اسپیکر رہے۔

درانی نے 1971ء میں کراچی کے سینٹ پیٹرک ہائی اسکول سے میٹرک کیا، اس کے بعد کامرس میں بیچلر کیا۔ انھوں نے سندھ مسلم لا کالج میں ایل ایل بی کی ڈگری بھی حاصل کی۔ 1980ء کی دہائی کے دوران وہ ریاست ہائے متحدہ امریکا چلے گئے جہاں انھوں نے ہارڈ ویئر کا کاروبار کیا۔

سیاسی سفر

درانی نے پہلی بار 1985ء میں جنرل ضیاء الحق کے دور حکومت میں انتخابات لڑے جس میں وہ شکست کھا گئے تھے۔ انھوں نے پاکستان پیپلز پارٹی میں شمولیت اختیار کی اور 1988ء کے انتخابات میں فتح حاصل کی۔ وہ پیپلز پارٹی کے صدر نشین آصف علی زرداری کے ہم راز تھے۔ 1990ء میں نواز شریف حکومت کے دوران وہ بد عنوانی کے الزامات کے تحت کچھ وقت کے لیے قید بھی رہے تھے۔

وفات

درانی طویل عرصے سے صحت کے مسائل میں مبتلا تھے۔ انتقال سے ایک ماہ قبل ان کی حالت خراب ہونے پر انھیں کراچی کے نجی اسپتال منتقل کیا گیا تھا۔ ان کا انتقال 15 اکتوبر 2025ء کو ہوا۔