فرانسس کرک

فرانسس کرک
(انگریزی میں: Francis Harry Compton Crick)
معلومات شخصیت
پیدائش	8 جون 1916ء   نارتھیمپٹن
وفات	28 جولا‎ئی 2004ء (88 سال)  لاہویا ،  سان ڈیگو
وجہ وفات	قولن سرطان
طرز وفات	طبعی موت
شہریت	مملکت متحدہ
رکن	رائل سوسائٹی ،  جرمن سائنس اکیڈمی آف سائنسز لیوپولڈینا ،  فرانسیسی اکادمی برائے سائنس ،  امریکی اکادمی برائے سائنس و فنون ،  ای ایم بی او ،  قومی اکادمی برائے سائنس
عملی زندگی
مادر علمی	یونیورسٹی کالج لندن گنول اور کائس جامعہ کیمبرج
ڈاکٹری مشیر	میکس پیروٹز
استاذ	میکس پیروٹز
پیشہ	ماہر حیاتیات ،  ماہر جینیات ،  طبیعیات دان ،  ماہر اعصابیات ،  حیاتی کیمیا دان ،  سالماتی حیاتیات دان ،  استاد جامعہ ،  ماہر حیاتی طبیعیات ،  مصنف
پیشہ ورانہ زبان	انگریزی
شعبۂ عمل	سالماتی حیاتیات ،  ڈی این اے ،  طبیعیات ،  علم الاعصاب ،  حیاتی طبیعیات ،  وراثیات
ملازمت	جامعہ کیمبرج
اعزازات
تمغا البرٹ (1987) کاپلی میڈل (1975) رائل میڈل (1972)  نوبل انعام برائے فزیالوجی اور طب   (1962)  آرڈر آف میرٹ ای ایم بی او رکنیت  فلاڈلفیا لبرٹی میڈل رائل سوسائٹی فیلو
نامزدگیاں
نوبل انعام برائے کیمیا   (1962) نوبل انعام برائے کیمیا   (1960)
دستخط

فرانسس کرک ڈی این اے کا راز پانے والے اور ساخت معلوم کرنے والے نوبل انعام یافتہ سائنس دان۔ یہ ساخت انھوں نے اپنے ایک ساتھی سائنس دان جمیز واسٹن کے ساتھ مل کر معلوم کی۔ برطانیہ میں پیدا ہونے والے فرانسس نے انیس سو تریپن میں کیمرج یونیورسٹی میں ڈی این اے کی ساخت پر تحقیق کی جس پر انیس سو باسٹھ میں انھیں نوبل انعام دیا گیا ۔

ڈی آکسی رائبونیوکلک ایسڈ (ڈی این اے) کسی جاندار خلیے میں موجود وہ مادہ ہے جو موروثی خواص کا حامل ہوتا ہے۔ یہ خلیے کے مرکز میں پایا جاتا ہے۔ جاندار خلیوں کے جینز میں ڈی این اے زنجیر کی کڑیوں کی شکل میں پایا جاتا ہے اور اس کی ترتیب اس جاندار کے موروثی خواص کا تعین کرتی ہے۔

مثلاً کسی انسان کے خلیوں میں اس کے والدین کے خواص ڈی این اے کے ذریعے منتقل ہوتے ہیں اور والد اور والدہ کے ڈی این اے کے ملنے سے نئے جسمانی خواص بھی پیدا ہوتے ہیں جو ایک فرد کو دوسرے سے جدا کرتے ہیں۔

یہی سبب ہے کہ سگے بہن بھائی خاصی مماثلت کے باوجود ایک دوسرے سے کسی نہ کسی اعتبار سے مختلف ہوئے ہیں۔ یہ اختلاف ڈی این اے کی کارستانی ہی ہے۔

ایک فرد کا ڈی این اے دوسرے سے مختلف ہوتا ہے۔ اسی بنیاد پر ڈی این اے ٹیسٹ کے ذریعے کسی فرد کی قانونی شناخت کی جاتی ہے۔

پروفیسر فرانسس کرِک اور جیمز واسٹن نے ڈی این اے کی ساخت کے بارے میں اپنے مکالے میں بتایا تھا کہ یہ دو رنجیروں کی شکل میں ہوتا ہے اور یہ زنجیریں ایک دوسرے سے لپٹی ہوئی ہوتی ہیں۔