بین الاقوامی صوتیاتی ابجد ایک ایسا نظام ہے جس میں صوتی آوازوں کو حروف کی شکل میں لکھا جاتا ہے۔ اس نظام میں تقریباً ہر زبان کی ہر قسم کی آوازوں کے لیے مخصوص حروف موجود ہیں۔ اسے 1886ء میں انٹرنیشنل فونیٹک ایسوسی ایشن نے بنایا۔ اسے عام طور علم زبانیات میں اساتذہ اور طلبہ استعمال کرتے ہیں اس کے علاوہ اسے ویکیپیڈیا اور ٹرانسلیٹر دنیا کی زبانوں کا صحیح تلفظ ظاہر کرنے کے لیے استعمال کرتے ہیں۔
مثال کے طور پر غ کی آواز کے لیے آئی پی اے میں ɣ کی علامت استعمال ہوتی ہے
آئی پی اے میں اس وقت 107 حروف اور 52 اعلامات استعمال ہوتی ہیں۔ علامات کو حروف کے ساتھ جوڑ کر مزید آوازیں حاصل کی جاتی ہیں۔
1886ء میں فرانسیسی اور برطانوی اساتذہ کی جماعت نے انٹرنیشنل فونیٹک ایسوسی ایشن بنائی پہلے انھوں نے زبانوں کی آوازوں کے رومن رسم الخط استعمال کیا لیکن پھر انھوں نے تمام زبانوں کی تمام آوازوں کو ایک ہی رسم الخط میں لکھنے کے لیے آئی پی اے کا نظام بنایا۔ آئی پی اے میں ایک آواز کے لیے ایک ہی علامت مستعمل ہے چاہے وہ کسی بھی
زبان میں ہو۔
